رأيك أيه فى ألبوم ( عمرو دياب ) وألبوم ( تامر حسنى )

اولا تامر ما سرقش الحان مايكل جاكسون لانه لو كان سارقها ماكانش كتب اسم مايكل معاه على الاغنيه وبعدين مايكل
مات وربنا يرحمه ما حدش يقدر يمنع اى حد من انه ممكن يعمل اغنيه بالحانه وبعدين لو عمرو هو اللى كان عامل اغنيه
بالحان كنت حتقول كده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وبعدين اغنيه come back to me احنا مش لازم اترجمها لان انا اللى مخلينى اسمع الاغنيه ان
تامر هو اللى مغنيها واللى يهمنى اللى تامر غناه وتامر ماغناش بالانجليزى غير جمله واحده بس
وهو ده بس الجزء اللى بيهمنى انى اسمعه وبعدين انا مش متاكده ان عمرو ما دخلش السجن
وعمرو ده راحت عليه ده عنده 60 سنه و لسه بيتنطط زى تامر و حماقى و العيال الصغيره دى
وبعدين حاجه مهمه لفتت نظرى ما دام مش بتحبوا تامر و بتكرهوه كره العمى كده و مش بتطيقوا تسمعوا
اسمه ولا سيرته بتسمعوا اغانيه و شرايطه ليه ؟؟؟؟؟؟؟؟؟؟؟؟؟؟؟؟؟؟

لا طبعا مش حيقلب خناقه ولا حاجه ده كل ده هزار و هبل
و بعدين احنا مستحيل حنخسر بعض عشان تامر ولا عمرو
هما مين عشان نخسر بعض عشانهم

عجبك كده يا ميمو الحريقه اللي انت عملتها دي
بس التوبيك جامد وعرفت تستفزنا كلنا

لالالالالالالالالالالالالالالالالالالا
مينفعش تقول رايك يا ميمو انت المفروض تبيق محايد
وعلي العموم انزل الشوارع وشوف ايه اللي مسيطر علي الجو
حتلاقي شريط تامر في كل حته مولات ومحلات وحتي نغمات الشباب
بس يلا انتو الديابيه مش عايزين تعترفو بكده
بعدين انت كنت فين كل ده يا ميمو
تلاقيك كنت قاعد تسمع شريط تامر وبتحفظه

اسراء مين والناس نايمين
سلامه نظرك يا ميمو

اية يا جماعة
انا شايفة ان ماينفعش نتخانق على حاجة زى دى
ومش معنى انى بحب عمرو يبقى تامر وحش والعكس
لان دة لية جمهورة ومعجبينة ودة لية جمهورة ومعجبينة
اما عن راى بصراحة اللى عجبنى هو عمرو
هو صحيح على راى لولو البومات زمان كانت احلى من كدة
لكن احنا متعودين من عمرو على التجديد
كمان انا شايفة ان الاربع اغانى اللى نزلو قبل الالبوم على النت
كانو مكسرين الدنيا اكتر من كدة
بس دة ميمنعش ان الالبوم تحفة

صح هو ده الي انا بقوله
احنا في الاول والاخر صحاب وفعلا كل واحد يقول اللي عاجبه من غير ما نجرح في التاني
لان علي راي مون كل واحد فيهم ليه معجبينه
وفي الاخر اختلاف الراي لا يفسد للود قضيه