منتدي الحصريات

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


Home Of Exclusives
 
الرئيسيةالرئيسية  البوابةالبوابة  س .و .جس .و .ج  بحـثبحـث  التسجيلالتسجيل  دخولدخول  

شاطر | 
 

 شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)

اذهب الى الأسفل 
كاتب الموضوعرسالة
SeMSeM
عضو برونزى
avatar

ذكر
الدلو القط
عدد المساهمات : 822
العمر : 30
تاريخ التسجيل : 23/06/2008
النقاط : 4016
نقاط التقييم : 2

مُساهمةموضوع: شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)   الثلاثاء أكتوبر 21, 2008 10:33 pm

الموضوع قد يحتوي علي بعض الالفاظ او الجمل التي قد تخدش حياء البعض (مش اوي يعني) او بمعني اصح تؤذي مشاعرهم نظرا لان المجني عليه كانت تحكي الحادث الاليم



جاءت إلي مكتبي علي غير موعد.. فتاة لم تكمل أعوامها العشرين بعد.. ملامح مصرية صميمة.. شعر أسود مرسل علي الجبهة وعلي الأكتاف.. تحسبها أختك أو زميلتك في الجامعة.. عيون سوداء ترسل نظرات تحمل ألف معني ومعني.. كأنها طلقات رصاص حي.. بادرتني قبل أن أرحب بها بقولها: أنا واحدة من الفتيات اللاتي تحرش بهن الشباب في شارع جامعة الدول العربية ثاني أيام العيد!


قلت لها قبل أن أجلس إلي مكتبي: ياه.. دي الشرطة بتدور عليك!

قالت في هلع: ليه.. أنا المجني عليها مش المتهمة.. يروحوا يمسكوا العيال الديابة اللي طايحين في الشوارع.. واللي مبرشم واللي طهقان من عيشته.. واللي بيفش غله في بنات الناس الغلبانين اللي خرجوا يشموا هوا واللا ياكلوا حاجة واللا يشتروا حاجة في ليلة عيد.. يقوم يكون نصيبهم التحرش السافر والعلني والجماعي في وسط الشارع والناس رايحة وجاية.. ومحدش قادر عليهم ومافيش عسكري واحد يوحد الله يوقفهم عند حدهم بصغاره واللا حتي بعصاية!
قلت لها: اهدي كده.. وقولي لي انت تلميذة؟
قالت: كل اللي قاعدة قدامك ده تلميذة لسه.. أنا طالبة في كلية الآداب وقسم عربي كمان.. واسمي سناء.. لو كنت عايز..
قلت: سناء إيه؟
قالت: لحد كده كفاية.. لا أنا عاوزة صورتي في جرايد ولا اسمي عشان أهلي لحد النهاردة ميعرفوش إن أنا واحدة من البنات اللي داسوا علي شرفها وتحرشوا بكل حتة في جسمها أنا والبنات التانيين..
قلت لها: تعرفيهم؟
قالت: ولا شفتهم قبل كده.. أنا كنت لوحدي مستنية واحدة صاحبتي زميلتي في الكلية عشان نتسوق في المهندسين في العيد.. لسه يادوب واقفة علي محطة الأوتوبيس.. لقيت الفيضان.. فيضان الشباب الصايع الضايع زي التتار بيجروا ورا بنت غلبانة زيي كده.. شدوا الـ تي شيرت بتاعها قطعوه وبان السوتيان بتاعها وهي بتصرخ وبتجري في كل حتة.. قاموا شافوني اتلموا علي أنا كمان.. وهما بيصرخوا: وليمة ياللا.. وليمة.. ياللا ناكل هم هم هم.. كأنهم من بلاد نمنم كما كنا نشاهد في روايات ألف ليلة وليلة.. حاجة كدة زي كابوس.. زي حلم مزعج.. زي فيلم من أفلام الرعب.. ربنا ما يوريك..
يسيل خط من الدموع فوق وجنتيها.. أقدم لها علبة مناديل.. أضعها أمامها علي يد الكنبة السوداء التي تجلس عليها.. تجفف دموعها بواحد منها دون صوت.
أوقظها بسؤال كالصاعقة: طيب ما هو الأولاد دول حيعملوا إيه.. وأنتم يا بنات ويا ستات لابسين حاجة كدة من غير هدوم.. وماشيين كده تتقصعوا يمين وشمال.. في دعوة صريحة منكن للمعاكسة والمغازلة وما خفي كان أعظم!
تقف منتفضة من مقعدها كمن لدغها عقرب يتيم الأبوين وهي تقول: أهو أنا قدامك أهو.. آخر حشمة.. فستان طويل تحت الركبة بكثير بأكمام طويلة.. ووجه من غير مكياج, ولا رميل في العينين, ولا أحمر قوطة علي الشفايف.. بذمتك وإيمانك دي حد يعاكسها في الشارع.. يقلعوها الفستان قدام الخلق ويشدوه يقطعوه..
ويخلوني عريانة بالقميص الجواني ونص الفستان المهربد المقطع!
قلت لها: والبنات التانيين.. كانوا زيك كده.. آخر حشمة وتحشم.
قالت: ماليش دعوة بحد غيري.. البنات والستات تلبس اللي هي عاوزاه.. لكن هل هذا مبرر للشباب الضايع الصايع انهم يتحرشوا بيهم.. وعاوزين ياكلوهم أكل.. وقدام الناس.. وفي الشارع وماحدش عارف يكسر سمهم!
أسألها: وانت عملت إيه؟
قالت: رمونا علي الأرض أنا وثلاث بنات زيي كده ماعرفهمش.. وركبوا فوقنا.. أي والله ركبوا فوقنا وهما بيصرخوا وليمة.. هم هم هم!
فيه ثلاث ستات محجبات هجموا علي العيال وخلصونا من إيديهم.. ونالهم برضه من الحب جانب!
أسألها: يعني إيه يا ست سناء؟
قالت: يعني برضه قرصة.. غمزة.. قفشة.. كده.. ما أنت عارف كل حاجة!
أسألها: ومافيش شرطة تحميكم؟
قالت: صلي علي النبي.. دول الظاهر كانوا بيعيدوا واللا بيوقفوا المرور عشان واحد عظيم يعدي!
أسألها: وانت مين خلصك من بين أنياب الذئاب؟
قالت: واحدة ست.. خد بالك واحدة ست مش واحد راجل.. الظاهر ما بقاش فيه رجالة في الزمن ده..
قلت لها: ما يجيبها إلا ستاتها!
قالت: واحدة ست كبيرة شوية لابسة أسود من فوقها لتحتها.. شدتني من علي الأرض.. وقومتني وهي بتضرب بإيديها ورجليها في العيال الصيع وخرجتني بالعافية من وسطيهم وأنا آخر بهدلة.. وركبتني تاكسي وادتني ورقة بخمسة جنيهات.. بعد ما ضاعت شنطتي وفيها كل حاجة.. البطاقة وكارنيه الجامعة وكيس الفلوس فيه العيدية وفلوس المشتريات والموبايل كمان.. وقالت للسواق: دي بنتي روحها.. وأنا أخدت نمرتك والسواق كان شهم.. وماخدش أجرة التوصيل!
أسألها: قالولك إيه في البيت لما شافوكي كده مقطعة وتقريبا من غير هدوم؟
قالت: أنا برضه فكرت في الحكاية دي.. رحت عديت في السكة علي واحدة صاحبتي.. طلبت من البواب يندهلها تنزلي.. نزلت وصرخت لما شافتني.. القصد خدت حاجة من عندها.. وروحت ما نطقتش أي كلمة.. وأي حكاية برضه تتحكي.. دي حكاية عاوزة مندبة وطابور ندابات من نوع أم جلجل الندابة.. يعيطوا ويلطموا علي شباب مصر.. واللي جرالهم وبنات مصر واللي بيحصل لهم!
قامت منتفضة من مكانها.. لملمت حاجاتها.. وقالت لي: سلام بقي.. وسلم لي علي الشباب اللي موش لاقي حد يلمه.. كفاية عليهم أفلام البورنو والكليبات العريانة اللي بيصوروها في غرف النوم.. وسلم لي علي العولمة.. وسلام مربع لرجال الشرطة.. كتر خيرهم جم بعد ما شطبوا علي البنات قدام الناس.. عملوا معاهم كل حاجة.. ناقص بس.. واللا بلاش الكلام القبيح ده!
قلت لها: لكن الشرطة عاوزاكي.. والنيابة كمان عشان ياخدوا أقوالك بصفتك مجني عليها مش متهمة!
قالت: مجني عليها.. متهمة.. أنا ما أروحش أقسام ولا نيابة.. انت عاوزني أتفضح أكثر ما اتفضحت.. انت ناسي إن أنا بنت جامعية ولي أهل واخوات وعيلة كبيرة متلتلة.. كفاية فضايح وحياتك!
قلت لها: لكن انت قلت إن اسمك سناء وطالبة في كلية الآداب قسم عربي.. ممكن لو هما عاوزين.. يجيبوك!
قالت قبل أن تغلق باب حجرتي من الخارج وتمضي لحال سبيلها: انت عارف فيه كام سناء في كلية الآداب؟
أسألها: كام؟
قالت:113 واحدة.. يبقوا يدوروا بقي!
عادت لتفتح الباب وتطل برأسها من جديد وهي تقول بخبث البنات هذه المرة: وممكن كمان يا صاحبي يكون اسمي مش سناء!
ومازلنا مع هذا الحديث
يتبع
>>>
..............

..............


عدل سابقا من قبل SeMSeM في الثلاثاء أكتوبر 21, 2008 10:39 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
SeMSeM
عضو برونزى
avatar

ذكر
الدلو القط
عدد المساهمات : 822
العمر : 30
تاريخ التسجيل : 23/06/2008
النقاط : 4016
نقاط التقييم : 2

مُساهمةموضوع: رد: شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)   الثلاثاء أكتوبر 21, 2008 10:34 pm


قلت للصديق اللواء عدلي فايد مساعد وزير الداخلية لشئون الأمن العام: واحدة من الفتيات التي تبحثون عنهن في مكتبي!
قال: تقصد اللاتي تعرضن للتحرش في ليلة العيد؟
قلت: أيوه..
قال: هاتها أرجوك عشان التحقيق يكمل!
قلت: معلهش بقي.. دي موش راضية وخايفة من الفضايح.. وبمجرد أنها سمعت أنها مطلوبة في البوليس والنيابة خافت وهربت!
قال: دي شاهدة ومجني عليها مش متهمة!
قلت: لكن تقول لمين.. بعد اللي حصل لها ولزميلاتها في وسط أكبر شارع وأزحم شارع في العيد.. الشرطة كانت فين ليه ماجتش في الوقت المناسب تماما.. وفين عسكري زمان اللي كان بيزعق ويقول: مين هناك؟ زي ما شفنا واحنا صغيرين.. زي ما شفناه في أفلام الأبيض والأسود؟
قال: انت عاوز العسكري بتاع زمان يرجع.. إزاي بس.. دي القاهرة لوحدها عدد سكانها فوق الخمسة وعشرين مليونا.. ومصر كلها زمان كان تعدادها لا يتجاوز هذا الرقم!
قلت: إيه اللي حصل؟
قال: دول ييجي كده مائة شاب جايين من حواري وأزقة إمبابة والعمرانية والوراق.. تحرشوا بأربع بنات في شارع جامعة الدول العربية في ليلة ثاني أيام العيد.. ضبطنا38 في الحال+40 في اليوم الثاني.
هجوم من الأحياء الفقيرة علي وسط المهندسين.. زي التتار بالضبط ما تقدرش تمنع حد إنه ينزل البلد عشان يعيد ويفرح ويهيص.. لكن الأعداد الكبيرة بتعمل حاجة بيسموها في علم الاجتماع.. غوغاء العامة.. وهذه من الصعب السيطرة عليها.. وهذا هو ما حدث بالضبط.. تجمع هائل في الشارع.. وعندما يشعر هؤلاء القادمون من بيئات متدنية.. بأنهم أصبحوا أقوياء بالكثرة يفعلون ما يفعلون وكما رأيت!
قلت: لكن الشرطة كانت غير موجودة؟
قال: الشوارع غير الشوارع, والعربات زادت بقت أكثر من مليوني في عاصمة ما تستوعبش أكثر من400 ألف عربية.. مافيش أوتوبيسات عامة وعربات السرفيس زاحمة الدنيا برذالة وقلة ذوق.. وبعدين ما تنساش كمان إن الناس اتغيرت.. ما بقاش فيه أخلاق.. أما كنت تركب أوتوبيس وتلاقي راجل كبير تقوم تقف وتخليه هو يقعد.. والستات كانوا بيلبسوا جابونيز وماحدش كان بيقرب منهم!
دلوقتي الشباب نازل من بيته عشان يعاكس بس.. كل هدفه المعاكسة وبيعتبر دي رجولة وبطولة وجدعنة.. زي ما بيشوف في أفلام الأيام دي!
قلت: أصله شباب محروم من كل حاجة.. لا تعليم كويس.. ولا وظيفة بيلاقيها.. ولا لاقي شقة يسكن فيها.. ولا أمل في جواز.. وعايش في بيت آيل للسقوط.. أمه وأبوه ما يبطلوش خناق عشان مصروف البيت.. واللا يمكن تقع عليه صخرة زي ما وقعت علي اللي ساكنين الدويقة.. واللا يروح يبرشم واللا يضرب بانجو أحسن!

...................

..................
قلت للصديق اللواء حمدي عبدالكريم الذي يقود باقتدار قافلة الإعلام في وزارة الداخلية: إيه الحكاية؟
قال: إنها أخلاق القطيع يا عزيزي.. القطيع يحكم الشارع.. نحن نريد ثورة في السلوكيات.
إذا سألت نفسك: لماذا يحدث ذلك؟
الجواب هو: البيت هو الأساس.. لا تربية ولا أخلاق.. الكل يجري علي لقمة عيشه.. ولا يهم هنا من أين.. حلال أم حرام أم نص نص..
قلت: يعني البيت هو سبب أخلاق القطيع الذي نزل هبرا في بنات الناس في قلب الشارع وفي ليلة عيد؟
قال: البيت+ المدرسة+ أنتم رجال الصحافة+ التليفزيون الموقر.
كنا زمان نقرأ ونتعلم أول مبادئ الأخلاقيات من صفحة الإرشادات في كراساتنا في الابتدائي,
قلت: اغسل يديك قبل الأكل وبعده+ أطع أباك وأمك+ قم للمعلم وفه التبجيلا كاد المعلم يصبح رسولا+ حافظ علي نظافة بلدك+ دافع عن وطنك شرفك عرضك+ للشارع حرمته وجلاله لا تلق فيه قمامة ولا تؤذ جارك.. ومن يستنجد بك انقذه ودافع عنه..
يقاطعني: واليوم إذا رأينا أحدا يقتل إنسانا أو ينال من عرض وشرف امرأة لا أحد يتحرك ولا أحد ينقذ الفتيات من أيدي الذئاب كما حدث ثاني يوم العيد في شارع جامعة الدول العربية.. وبدلا من صفحة الإرشادات.. قدمنا له شاكيرا!
أسأله: طيب وأين كانت الشرطة الراكبة أو المتحركة أو الواقفة أو المتمركزة؟
قال: لا تلوموا الشرطة في مدينة تعدادها تجاوز الـ25 مليون إنسان بالنهار..
إن ما حدث هو بمثابة جرس إنذار للبيت المصري والمدرسة والجامعة والصحافة والإعلام والتليفزيون.. كلنا مسئولون.. وكلنا مدانون ولابد أن نتحرك قبل أن يفلت منا الزمام.. وساعتها لا ينفع الندم.. واللا إيه!

.......
......
ماذا نحن صانعون؟
هل نقف مكتوفي الأيدي أمام جنوح القطيع وانحرافه عن الخط وسقوطه في حفرة التحرش وخدش الحياء العام وافتراس الفضيلة أمام كل الأعين ونحن عنه لاهون؟
أم نتحرك قبل فوات الأوان وليس كعادتنا دائما بعد فوات الأوان؟
هل حان الوقت ان لم يكن قد فات لاعداد قانون جديد يحمي المرأة من غدر الذئاب وتقنين تشريع يحمي من التحرش الجنسي في الشوارع؟
يا أولي الفكر والفهم والألباب فينا.. أفتونا!{


تحقيق الاهرام يوم السبت الموافق 11-10-2008
بقلم عزت السعدني
نقلتها بنفسي SeMSeM
انا مكنتش اعرف ان انا ممكن اخدها من موقع الاهرام فكتبتها بنفسي
بس بعد كده لقيت ان الاهرام منزلها في الموقع بتاعه مسحت اللي انا كتبته علشان لو في اخطاء مطبعية ولا حاجة[size=9]

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MEMO
المدير العام
المدير العام
avatar

ذكر
السمك القط
عدد المساهمات : 3747
العمر : 31
تاريخ التسجيل : 23/06/2008
النقاط : 4828
نقاط التقييم : 15

مُساهمةموضوع: رد: شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)   الثلاثاء أكتوبر 21, 2008 11:47 pm

ميرسى جدا جدا على مجهودك وتعبك الاكتر من رائع يا سمسم

والموضوع محل نقاش حر

كله يقول رأيه بكل حرية

والله انا شايف ان الكل مسئول عن المصيبة دى

الامن

التربية

البيت

الاعلام

الشباب

والبنات

يعنى كل حد فى دول عليه مسئولية

وياريت اشوف رأيكو بكل صراحة

_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رنا
مشرف منتديات التعارف والهزار
مشرف منتديات التعارف والهزار
avatar

انثى
الحمل القط
عدد المساهمات : 1115
العمر : 31
تاريخ التسجيل : 12/10/2008
النقاط : 4343
نقاط التقييم : 2

مُساهمةموضوع: رد: شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)   الأربعاء أكتوبر 22, 2008 12:31 am

بجد الواحد مش عارف يقول ايه عن اللى بيحصل فى البلد
ضياع ودمار منتشر بشكل مخيف وكل يوم بيزيد
اهانات وتصرفات غير اداميه من شباب اقصد ( حيوااااااااااااانا ت بشريه ) للاسف
انا بجد شايفه ان المفروض كل واحد يفكر يعمل كده الاعدام قليل عليه المفروض يخلوا طول عمروا انسان ذليل
ويبقى عبره لغيره عشان مفيش حد يجرئ على فعل مثل هذه الجرائم
طبعا منتقضه جداااااااااااااااااااااااا الحكومه لانها معدتش بتمثلنا الامن زى زمان ايه يعنى يجوا بعد ماالليله تخلص هو
ده الامن هو ده اللى بيقوله عليه مصر بلد الامن والامان كلمه مالهاش اى دلالات ماديه نقدر نقول فعلا انها بلد الامن والامان
يمكن تكون كده بالنسبه للاجانب ولا اى حد من بره بيجى يزرها انما اهل بلادها لالالالالالالالالالالالالالالالا
انا بجد مش عارفه اقول ايه جوايه كلام كتيييييييييييير ومش عارفه اطلعه ازاى بس بجد بجد الموضوع اثر فيه بشكل مش طبيعى

مش عارفه فين راحت عادتنا وتقالدنا فين تماسكنا بدينا الاسلامى والمسيحى فين اللى وصانا بيه ربنا خلاص نجحت اسرائيل وامريكا واليهودعلى فرمتت عقول شبابنا هو ده اللى عايزه توصل ليه خلاص وصلتوهم للى نفسهم فيه لو كده يبقى قول على الدنيا يالا السلامه
انا بجد حزينه على اللى احنا وصلنا ليه وبدعو كل الشباب بجد يتقربوا من ربنا وربنا يحفظ كل البنات يااااااااااااااارب
وتحياتى طبعا ليك ياسمسم على التوبيك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MEMO
المدير العام
المدير العام
avatar

ذكر
السمك القط
عدد المساهمات : 3747
العمر : 31
تاريخ التسجيل : 23/06/2008
النقاط : 4828
نقاط التقييم : 15

مُساهمةموضوع: رد: شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)   الأربعاء أكتوبر 22, 2008 12:39 am

رنا كتب:
بجد الواحد مش عارف يقول ايه عن اللى بيحصل فى البلد
ضياع ودمار منتشر بشكل مخيف وكل يوم بيزيد
اهانات وتصرفات غير اداميه من شباب اقصد ( حيوااااااااااااانا ت بشريه ) للاسف
انا بجد شايفه ان المفروض كل واحد يفكر يعمل كده الاعدام قليل عليه المفروض يخلوا طول عمروا انسان ذليل
ويبقى عبره لغيره عشان مفيش حد يجرئ على فعل مثل هذه الجرائم
طبعا منتقضه جداااااااااااااااااااااااا الحكومه لانها معدتش بتمثلنا الامن زى زمان ايه يعنى يجوا بعد ماالليله تخلص هو
ده الامن هو ده اللى بيقوله عليه مصر بلد الامن والامان كلمه مالهاش اى دلالات ماديه نقدر نقول فعلا انها بلد الامن والامان
يمكن تكون كده بالنسبه للاجانب ولا اى حد من بره بيجى يزرها انما اهل بلادها لالالالالالالالالالالالالالالالا
انا بجد مش عارفه اقول ايه جوايه كلام كتيييييييييييير ومش عارفه اطلعه ازاى بس بجد بجد الموضوع اثر فيه بشكل مش طبيعى

مش عارفه فين راحت عادتنا وتقالدنا فين تماسكنا بدينا الاسلامى والمسيحى فين اللى وصانا بيه ربنا خلاص نجحت اسرائيل وامريكا واليهودعلى فرمتت عقول شبابنا هو ده اللى عايزه توصل ليه خلاص وصلتوهم للى نفسهم فيه لو كده يبقى قول على الدنيا يالا السلامه
انا بجد حزينه على اللى احنا وصلنا ليه وبدعو كل الشباب بجد يتقربوا من ربنا وربنا يحفظ كل البنات يااااااااااااااارب
وتحياتى طبعا ليك ياسمسم على التوبيك

اتفق معاكى يا رنا فى كل الكلام اللى قولتيه

بس لا اتفق فى حاجة واحدة

انتى بتقولى مصر يمكن تكون بلد الامن للاجانب فقط

ولا حتى للاجانب يا رنا

نسيتى السياح اللى اتخطفو من بلدنا من اسبوعين تقريبا

ربنا يسترها علينا

_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ramy adel
عضو فضى
avatar

ذكر
الدلو الحصان
عدد المساهمات : 1170
العمر : 27
تاريخ التسجيل : 18/07/2008
النقاط : 3812
نقاط التقييم : 6

مُساهمةموضوع: رد: شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)   الأربعاء أكتوبر 22, 2008 12:54 am

بس مين اللى حيخطفنا
يا عم ميمو
شكراااااااااااااااااااااا
الى مجهودك يا سمسم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
رنا
مشرف منتديات التعارف والهزار
مشرف منتديات التعارف والهزار
avatar

انثى
الحمل القط
عدد المساهمات : 1115
العمر : 31
تاريخ التسجيل : 12/10/2008
النقاط : 4343
نقاط التقييم : 2

مُساهمةموضوع: رد: شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)   الأربعاء أكتوبر 22, 2008 8:33 pm

لا ياميمو مانستش وفاكره اللى حصل ليهم بس تفتكر لو كان ده حصل مع مصرين كان الموضوع وسع اوى كده
وكل البلاد عرفت والحكومه المصريه كانت عملت كل ده عشان ولادها مافتكرش الصراحه وشكرا لتعليقك ياميمو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
koko
عضو مثقف
عضو مثقف
avatar

ذكر
السرطان الثور
عدد المساهمات : 274
العمر : 33
تاريخ التسجيل : 03/08/2008
النقاط : 3766
نقاط التقييم : 0

مُساهمةموضوع: رد: شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)   الخميس أكتوبر 23, 2008 3:08 am

على فكره يا جماعه الومضوع ده كتر فى البلد جدا وبجد حاجه تحزن والاباء فى غفله لاسف دى الحقيه وربنا يستر علينا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
saso
عضو فضى
avatar

انثى
العقرب الحصان
عدد المساهمات : 1598
العمر : 28
تاريخ التسجيل : 23/10/2008
النقاط : 4326
نقاط التقييم : 3

مُساهمةموضوع: رد: شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)   الجمعة أكتوبر 24, 2008 1:02 am

بجد يا جماعه انا مش عارفه اقول ايه ولا عارفه ابدا منين بس بجد الموضوع شيق جدا ويستاهل المناقشه
دلوقتي فعلا جرايم التحرش بقت كتير اوي وكمان ف كل مكان فين التربيه فين الاخلاق فين الدين يا جماعه
وه ده اللي المفروض نتعلمه هوه ده اللي المفروض نعمله هيه دي عادتنا وتقاليد بلدنا
فين الشهامه فين الرجوله ولاده بقي كلام وخلاص
!تعملو ايه يا رجاله لو اختك او خطيبتك وقعت في نفس هذا الموقف
فين هنلاقي الامااااااااااااااااااااان؟؟؟؟؟؟
ميرسي ليك يا سمسم بجد موضوع جامد ويستاهل المناقشه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
do_2008_do
عضو نشيط
avatar

انثى
العذراء الثور
عدد المساهمات : 178
العمر : 33
تاريخ التسجيل : 02/10/2008
النقاط : 3698
نقاط التقييم : 1

مُساهمةموضوع: رد: شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)   الأحد أكتوبر 26, 2008 2:54 am

انا طبعا مفيش كلام اقوله تانى لانكم قولتوا كل اللى انا عاوزة اقوله
بس احب اكد على حاجه اكتر سبب فى الموضوع دا
:affraid: :affraid: :affraid:
وهو طبعا
البنــــــــــــــــــــــــــــــــــــــــــــــــــــــــــــات طبعا البنات
هم السبب فى دا كله
البنت اللى بتسمح لنفسها انها تمشى بمينى جيب او ميكرو جيب على انها الموضه تستاهل يجرالها اللى بيحصل
وعلى فكرة الموضوع دا انا اتناقشت فيه مع اكتر من حد واتفقوا معايا فى الراى بان البنات هم السبب الرئيسى
ياجماعه لو البنات مشيت متحرمه والاهل عملوا رقابه من ناحيه الدين ومن ناحيه اللبس مش هيكون شبابنا كدا
انا مش بحامى للشباب بس بجد بصوا للكليبات بلاش بصوا للبنات اللى بيقلدوا اى حاجه وكل حاجه طيب الشباب وطايشين مع احترامى للاقليه
والبنات لو لمت نفسها شويه هتلم معاها الشباب الاغلبيه وهتقل ان شاء الله الموضوع دا
بس ربنا يهدى الشباب والبنات واحنا مش علينا غير اننا ندعى وانا الحمد لله بدعى لكل الشباب والبنات بالهدايه وان ربنا ينجينا من الدنيا على خير ويستر بنات المسلمين اجمعين امين يا رب العالمين
بجد مشكور يا سمسم على التوبيك الجميل دا وادعوا ياشباب ان ربنا يهدى العاصى وكل حد من شباب الامه العربيه اجمعين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قلب حبيبى
شاعرة المنتدى
شاعرة المنتدى
avatar

انثى
الدلو القط
عدد المساهمات : 846
العمر : 30
تاريخ التسجيل : 06/10/2008
النقاط : 4008
نقاط التقييم : 3

مُساهمةموضوع: رد: شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)   الثلاثاء أكتوبر 28, 2008 6:28 pm

بجد يا سمسم انا مش عارفه اقول ايه
بس ربنا يستر علينا وعلى البلد دى ومتتخربش اكتر من كده
اصل كده بقى كتير اوى وى حرام والله اللى بيحصل ده
ودول مينفعش نقول عليهم بنى ادمين هما يدوب يتقال عليهم ذئاب
بس للاسف يا جامعه ان برغم كل اللى انتوا قولتوا ده وكل اللى بيحصل فيها دى
وانها مبقتش بلد الامان والامن
انا رائى انها مهما كانت مش هتقدر ترتاح غير فيها
لان انت لو مشيت وسيبتها وروحت اى بلد هتبقى سايب
اهلك ارضك عرضك وطنك
وحجات تانيه كتير اكتر من كده
فبجد ياريت الحكومه تدخل
او الريس يتكرم ويشوف اللى بيحصل فى بلده ايه
عشان تبقى فعلا وبجد بلد الامن والامان وكلنا نحس بكده
شكرا يا سمسم على الموضوع المهم اوى ده
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MEMO
المدير العام
المدير العام
avatar

ذكر
السمك القط
عدد المساهمات : 3747
العمر : 31
تاريخ التسجيل : 23/06/2008
النقاط : 4828
نقاط التقييم : 15

مُساهمةموضوع: رد: شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)   الثلاثاء أكتوبر 28, 2008 6:35 pm

قلب حبيبى كتب:
بجد يا سمسم انا مش عارفه اقول ايه
بس ربنا يستر علينا وعلى البلد دى ومتتخربش اكتر من كده
اصل كده بقى كتير اوى وى حرام والله اللى بيحصل ده
ودول مينفعش نقول عليهم بنى ادمين هما يدوب يتقال عليهم ذئاب
بس للاسف يا جامعه ان برغم كل اللى انتوا قولتوا ده وكل اللى بيحصل فيها دى
وانها مبقتش بلد الامان والامن
انا رائى انها مهما كانت مش هتقدر ترتاح غير فيها
لان انت لو مشيت وسيبتها وروحت اى بلد هتبقى سايب
اهلك ارضك عرضك وطنك
وحجات تانيه كتير اكتر من كده
فبجد ياريت الحكومه تدخل
او الريس يتكرم ويشوف اللى بيحصل فى بلده ايه
عشان تبقى فعلا وبجد بلد الامن والامان وكلنا نحس بكده
شكرا يا سمسم على الموضوع المهم اوى ده

ميرسى على ابداء رأيك يا يويو

بس انا عايز اقول كلمة واحدة

ربنا يكون فى عون الريس

بس كده

_________________




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قلب حبيبى
شاعرة المنتدى
شاعرة المنتدى
avatar

انثى
الدلو القط
عدد المساهمات : 846
العمر : 30
تاريخ التسجيل : 06/10/2008
النقاط : 4008
نقاط التقييم : 3

مُساهمةموضوع: رد: شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)   الثلاثاء أكتوبر 28, 2008 6:40 pm

ههههههههههههههههههههههه
شكرا يا ميمو على تعليقك

s77-Sm-003
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
shayne
English Forum Moderator
English Forum Moderator
avatar

انثى
العقرب الحصان
عدد المساهمات : 531
العمر : 28
تاريخ التسجيل : 12/07/2008
النقاط : 3780
نقاط التقييم : 1

مُساهمةموضوع: رد: شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)   السبت نوفمبر 01, 2008 2:19 am

الموضوع ده مهم جدا جدا
انا بصراحة مكنتش اعرف الموضوع ده بتاع تانى يوم العيد الا دلوقتى ومكنتش اتوقع ان مصر اتغيرت كدة ..والله كنت اتوقعها اامن من دول غيرها لكن يظهر انى غلط.اكيد الكل غلطان لكن اللى بيدبس فى الاخر هما البنات عشان لو حصل معاكسة والبنت ماشية فى حالها ولابسة محترم وفى بنات كدة كتير ,الاخ ياخد بالوا ويروح يقول للاب والبنت تددبس

المشكلة اللى غيرت مصر والعالم هو التلفيزيون عشان هو اللى مبوظ الشباب والبنات
الافلام اللى بتتعرض..عايزين يعملوا زى الاجانب فى كل حاجة ,والمشكلة ان الناس
بتجرى ورا حاجات وهمية (اللى احنا بنشوفوا فى التلفزيون وهمى اصله مش هيكون غير فى التلفيزيون(

ازاى تتوقعوا جيل محترم لما الاطفال اللى فى اولى ابتدائى عارفين كل حاجة عن الحب والجواز والمعاكسات
مستنين جيل محترم منين؟؟؟اكيد شووور مصر بازت
وانا والله مكنتش اتوقع حاجة زى دى خالص عشان اعتنرت مصر من اامن بلاد العالم بجد
فى الاول والاخر
العيب مش فينا ...لكن فى التربية وفى المدرسة عشان اتربينا فيها اكتر من بيتنا
وانت يا ميمو زعلان على الريس اوى؟؟؟؟
بلاش اتكلم قبل ما يمسكونا
خلينى ساكتة احسن
ههههههههههههههههههههههه

_________________
اذا احببت شيئا بشده فاطلق صراحه فان عاد لكـ فهو لكـ الى الابد وان لم يعد فهو لم يكـن لكـ من البدايه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شوارع بلافضيلة (حديث مع احدي الفتيات الاتي تعرضن للتحرش الجنسي في ثاني ايام العيد)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي الحصريات :: منتديات المناقشات الجادية :: منتدى النقاش المفتوح-
انتقل الى: