شويه نكت حلوه

شويه نكت حلوه

فالنبدأ بسم الله الرحمن الرحيم

1 _ واحد فافى وهو نازل من البيت أمه سالته رايح فين ؟؟
فقال لها مش هقولك انا حر ،
نزل ووقف تاكسى فالسواق ساله على فين يا باشا؟؟؟ قال له يعنى أنا مقولتش لامى هقول لك أنت !!!


2 _ واحد كسلان جداً ...بيقول لصاحبه : مش انا اشتغلت .
قال له مبروك اشتغلت فين ؟؟ قال له في مطبعه... اقعد علي الورق علشان ما يطرش !!!

3 _ واحد راح يشتري بيتزا فالراجل بتاع البيتزا بيقوله : اقطعهالك أربع قطع ولا تمانية يابيه ؟؟؟؟
..قام قال له ثمانية .. عشان جعان قوي !!!

4 _ فرخة شربت مية مغليه باضت بيض مسلوق !!!

5 _ مرة 3 أطفال راحوا محل لعب واحد بيقول للراجل: عمو عمو عايز بلونة.
الراجل جاب السلم وطلع جاب له بلونة ونزل
فسأل التاني: وانت عايز ايه؟ .قال له بلونة .. قال له ماقلتش ليه وانا فوق
المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ...
فنزل الراجل وقال له : امال عايز ايه؟. قاله عايز بلونتين !!!

6 _ واحد رمى على حبيبته ورده فماتت ليه ؟؟؟؟؟؟؟ نسي يشيل الوردة من الفازا !!!

7 _ مدرس حساب سأل طالب لو كان علي أبوك دين 1000جنيه و مطلوب انه يسدده علي 10 أقساط
ها يدفع كام في كل قسط؟ رد الولد مش هايدفع ولا مليم ...
فقال المدرس : اقعد يابني ده انت مش فاهم الدرس كويس...
فرد الولد : ده انت إللي مش فاهم بابا كويس يا أستاذ !!!

8 _ واحد ركب اوتوبيس قعد جنب واحد ، شويه وجه الكمسري يقول للراجل اللي جانبه تذاكر
قاله ابونيه ... فماخدش منه فلوس....
فصاحبنا عجبته الفكرة قوى ... ركب مرة تانية مع مراته و ابنه...
فالكمسري قاله تذاكر قاله انا ابونيه و دي ام نيه و ده نيه بذات نفسه

يارب تعجبكو

والله يا ساسو ال8 أحلى من بعض مع إن فى 2 قدام شويه لكن برده هلكت من الضحك

وبعدين شكلك كده أخدت البيض بتاع الفرخه اللى شربت ميه مغليه وعملتى

توبيك اللعبه بتاعت كسر البيض فى رأس أى عضو إنت عايزه

وشكراً ليكـــــــ كتيييييييييييييييييييييييير ـــــــــــــــى

على النكت الجميله دى

ميرسي ليك يا سمسم

ميرسي ليكي يا دوللي

بجد نورتو التوبيك

وابقوا اكلو الفرخه كويس علشان نلاقي بيض نكسره في رأس الاعضاء

ميرسي يا رورو

علي ردك الجميل

ميرسي ليك انت يا محمد علي ردك الجميل ده

بجد نورت التوبيك

نتمني انك تفضل معانا في المنتدي علي طول

روعة يا ساسو النكت



ميرسى ليكى

ميرسي علي ردك انت يا ميمو