هام للشباب والبنات

السلام عليكم ورحمة الله وبركاته

إخوتى وأخواتى الأحباء

أنا عايز النهارده أتكلم معاكم فى موضوع مهم جداً جداً

أنا شايف يا جماعه إن التوبيكات اللى البنات بتعرض فيها عيوب الشباب

والتوبيكات اللى الشباب بيعرضوا فيها عيوب البنات زادت عن حدها جداً

والشيئ إن زاد عن حده ممكن ينقلب ضده

معلش سامحونى

بما إنى أكبركم سنناً فمن الممكن أنى أكون شايف حاجه أنتم مش شيفنها دلوقت

لكن ممكن تشفوها مستقبلاً إذا إستمرت التوبيكات على هذا الشكل والكم

علماً بأنها توضع فى منتدى النكت و الهزار والرخامه

لكنها من الممكن إنها تزعل الناس من بعضها وتضيع روح الحب و الود اللى بينا وبين بعض

لإنكم ياجماعه بتتكلموا فى أخطاء وعيوب حقيقيه بتحصل فعلاً فى وقتنا هذا من الطرفين

وبعدين فى أخر التوبيك يقال ياجماعه معلش محدش يزعل إحنا بنهزر !!!!

منين يا جماعه كل واحد فيكم بيعرض أخطاء وعيوب الجنس الأخر وبعدين يقول بهزر

لاء طبعاً ده جد مش هزار لإن كل واحد فيكم بيتكلم صح بس مع إختلاف النسب والمعاييريبقى فين الهزار هنا ؟

وبعدين لو محدش زعل من الطرفين يكفى إن منتدانا بعد مكان أسره واحده إنقسم إلى حزبين

حزب الشباب وتشجعهم لبعض بعد التوبيكات وحزب البنات وقولهم لبعض مين اللى معانا ومين اللى هايخاف

وأصبح لكل حزب رئيس و أمين عام وسكرتير وأعضاء عاملين وحاجه كده فل

وعلى فكره علشان محدش يفهمنى غلط أنا ما قولتش عن التوبيكات دى إنها وحشه أو فيها حاجه غلط

أنا كل اللى قلته إنها زادت عن المعقول لدرجة إن فى توبيكات أعلن فيها إن الحرب بدأت بين الشباب والبنات

يعنى كل واحد عايز يقوم الصبح يلحق قبل التانى يطلق توبكين على رأس الطرف الأخر

وصدقونى مفيش فايده

بدلاً من أن نتصيد لبعض الأخطاء يجب على كل جنس منا أن يوضح لنفسه وبنفسه عيوبه وأخطاءه وحلولها

حتى يعود شبابنا وبناتنا إلى رشدهم ورشد أبائهم

وبذلك يعود للأجيال مجدها وتعود للأمه عزتها وقوتها

وعذراً إن كنت أطلت عليكم

والسلام عليكم ورحمة الله وبركاته

* ملحوظه / لاإحراج من أى رد لإنى أتقبل النقد بصدر رحب

لجد انا بحيك اوى اوى اوى يا سمسم على التوبيك اللى اتعمل فى وقته ده

وعندك حق فعلا فى كل كلمه قولتها
واما عن الموضوع ده فانا قولت رائى فيه قبل كده
تسلم ايدك يا سمسم على الكلام الجميل ده

ميرسي جدا ليك يا كبيرنا

وبجد عندك حق في كل اللي قلته لاننا فعلا زعلنا من بعض بسبب التوبيكات دي

لان كل واحد فينا تعصب للي زيه طبعا على الرغم من ان كل واحد فينا

على يقين ان في بعض البنات العيوب المذكورة ونفس الكلام في الشباب

اقتباس :: لجد انا بحيك اوى اوى اوى يا سمسم على التوبيك اللى اتعمل فى وقته ده

وعندك حق فعلا فى كل كلمه قولتها
واما عن الموضوع ده فانا قولت رائى فيه قبل كده
تسلم ايدك يا سمسم على الكلام الجميل ده

ربنا يخليكى يا يويو

وميرسى جداً لرأيك اللى

أكدلى إن إحساسى بالموضوع كان فى محله

اقتباس :: ميرسي جدا ليك يا كبيرنا

وبجد عندك حق في كل اللي قلته لاننا فعلا زعلنا من بعض بسبب التوبيكات دي

لان كل واحد فينا تعصب للي زيه طبعا على الرغم من ان كل واحد فينا

على يقين ان في بعض البنات العيوب المذكورة ونفس الكلام في الشباب

الميرسى ليكِ إنتِ يا قمرنا

يا مشرف منتديات الحب والروووومااااااااااانسيه

فاهم؟

تسلم أديك يا سمسم على التوبيك الرائع ده وحبيت أدلى بتصريح هام
يا جماعة إسمعوا ووعوا
أنا أول من نادى بهذه الحرب بداية بتوبيك (إحذروا يا معشر الرجال )

وفجأة..........لقيت الموضوع وسع أوى أوى أوىىىىىىىىىىىىىىىىىىىىىى

فلذلك قررت أنا أكون أول من ينادى بوقف هذه المعركة وضم جراح الضحايا
ومعلش يا جماعة لوكانت فى هناك خساير فادحة ممكن نعوضها عن طريق موضوع جديد يطرح وهو

اللى يجيب أحسن ميزة فى الجنس الأخر وشايف أن من المفترض أنها تتعم على باقى جنسه يقول وأنا معاه

معاك حق طبعا يا سمسم فى كلامك

فعلا الموضوع ده قدام كان هيقلب جامد

وميرسى لتنبيهك لينا

lol!

ويالولو انا عايز اقولك اننا مزعلناش من بعض بسبب التوبيكس دى

لانى انا عن نفسى كنت بهزر فى الكلام اللى بقوله فى التوبيكس

وقولت كده كتير وكنت بقول رأيي الحقيقى فى النص

اللى هو ان مفيش حد كامل

لازم فى عيوب

سواء هنا او هنا

انما باقى كلامى بتاع هجوم

والحروب والكلام ده طبعا كله كان هزار

فى مننا اللى مقدرش يستحمل الهزار بدأ يحول الموضوع لجد

وهنا يبدأ الخطر

اننا كده هنتربص لبعض على خطأ

والنهاية هتكون مؤلمة زى ما أخونا الكبير قال

Wink

عشان كده انا بأيد رأى ميدو فى اننا نلم الشمل تانى ونجيب توبيكس عكس اللى عملناها

عشان تعتبر معاهدة سلام

ولتعش امتنا جنبا الى جنب فى ظل الحكومية الدستورية القانونية

دون ادنى نزاعات حزبية

( ايه الكلام اللى بقوله ده )

هههههههههههههههههههههه

سلام

شكراً ليك يا ميدو إنت وميمو لردودكم

daz

حقيقى يا سمسم كلامك كله صح ومافيهوش حاجه غلط

فعلا يا سمسم معاك حق وكل كلامك صح
لان لو حد اخد الكلام ده هزار ممكن حد تانى ياخده جد
الناس كلها مش زى بعضها
وميرسى على التوبيك الجامد ده
وردة

ميرسى جداً لردودكم

يا إسراء إنت وألاء

هام للشباب والبنات 194741

ميرسى ليك يا سمسم على التوبيك الجامد

واللى نبة ناس مكنتش واخدة بالها ان فى بداية تحيز وعنصرية

وان على رائى ميمو مفيش حد فينا كامل

وبعدين المفروض ان كلنا اخوات واصحاب

يعنى كل واحد لازم يستحمل عيوب التانى ويحاول يصلحهالة

وفالاخر احب اقولك

انى فرحانة اوى اوىبعودتك للمنتدى

ميرسى جداً جداً لردك يا قمر

وعلى فكره أنا كمان سعيد جداً جداً

بأخوتك وصداقتك يا قمر

وسلام كبير لزياد من خالو سمسم

» اسئله للشباب والبنات الجريئه فقط
» ما هي مواصفات فارس احلامك او فتاة احلامك؟؟سؤال للشباب والبنات
» مقارنة جاااااااااااااااامدة بين الشباب والبنات
» حبل المشنقه بين الولاد والبنات
» ملابس رياضيه للشباب