خامس قاعدة تنفيضية "ساسو"

اية يا جماعة
بقالى يومين بدخل ولا لاقى اسئلة ولا لاقى اجابة اتنوا روحتوا فين

MEMO كتب:

هتعملى ايه يا ساسو لو كنتى مكان (يعنى ايه السلبيات اللى بيعملها الاشخاص الاتيين ولو بقيتى مكانهم هتصححيها ازاى؟) :-

رورو

يارا

ميمو

سمسم

وزير البترول

وزير الخارجية

رئيس الجمهورية

رورو لو انا مكنها هشوف ايه اللي بيريحني واعمله
وطبعا هيه فهماني كويس

يارا هيه عقلانيه شويتين يعني علي طول بتتصرف بعقلها
لدرجه انها ممكن مش تسمع لكلام حد

ميمو حببنا كلنا وانا بصراحه شيفه انو مش مقصر ف حاجه
حتي في تجديدات المنتدي شاف ايه اللي بيريحنا وعمله

سمسم مع اني معرفهوش اوي بس بحس انو عصبي شويه
والله اعلم ممكن يكون احساسي غلط
وكمان بيتكلم بصراحه مطلقه جدا لدرجه انها ممكن تزعل اللي بيتكلم عليه

وزير البترول انا شيفه ان الصحراء فيها بترول .....
ليه بقي منودهوش للمصانع بتعتنا ونعمل منو حاجات كتير
زي مثلا مثلا مصانع البلاستيك ليه ميبقاش فيها وفره من البترول
وبالتالي اسعار البلاستيكات كلها هترخص وده بقي علي البلاستيكات بس
ما بالكم بقي العربيات وغيرها وغيرها ده غير مشتقاته

وزير الخارجه اولا احنا لازم نهتم اكتر من كده بعلاقتنا بالدول التانيه
وكمان بالمصريين في الخارج
مش بس الاجانب لو اتخطفوا في بلدنا الدنيا كلها تتقلب
واما بقي لو كانوا مصريين ولا حد هيهتم

رئيس الجمهوريه هتاكد الاول من المعلومات اللي بتيجي من كل الوزراء
ولو في فعلا مجال اني ارخص الاسعار هرخص كل حاجه
واولها العيش وبصراحه ههتم بالبلد اكتر من كده

MEMO كتب:

ايه الاسباب اللى ممكن تخليكى تسيبى حد بتموتى فيه ونفسك تتجوزيه (مع العلم ان السبب مش عيب فى الشخص ده زى الخيانة او الذى منه) يعنى الراجل مخانكيش ولا غلط فيكى ابدا ؟

سؤال قوي اوي يا ميمو

بس لو فعلا الشخص ده مغلطش فيه ابدا
وانا بموت فيه

انا شيفه ان السبب اللي ممكن يخليني اسيبه هو

ان اهلي ميكنوش موفقين عليه

لاني مقدرش اقف ادام اهلي

MEMO كتب:

ياريت يا ساسو تتكلميلنا عن نفسك باستفاضة (مميزاتك وعيوبك سواء من وجهة نظرك او من وجهة نظر اللى يعرفوكى)

اجابتي علي السؤال ده يا ميمو هتكون من وجهه نظر اصحابي وبالذات رورو

ومش هتكون من وجهه نظري انا

سالتهم قالولي ان انا طيبه جدا

وانسانه كويسه اوي والحمد لله ومش بدي فرصه لحد انو يزعل مني

بس عناديه جدا واوحش حاجه العند

ولو حد قالي علي حاجه وانا مش معترفه بيها بعمل اللي في دماغي برضه

ومش بعرف افصل بين اللي انا فيه وبين معملتي مع الناس

يعني لو المود بتاعي وحش مش بعرف اغيره قدام الناس

وده بيخلي الناس اللي انا بتكلم معاهم في الوقت ده يفتكروني زعلانه منهم

mansy كتب:

اية يا جماعة
بقالى يومين بدخل ولا لاقى اسئلة ولا لاقى اجابة اتنوا روحتوا فين

احنا هنا اهو يا عم منسي انت اللي فين

بس يا جماعه انا اسفه جدا لو كنت بتاخر عليكوا ف الرد

بجد انا مشغوله كتير

حقوق بقي كلها دش والامتحانات قربت انتوا عرفين

وبالمناسبه لو تسمحولي انا يوم الجمعه مش هكون موجوده معاكو في المنتدي

يعني لو في اسئله ياريت تقولوها قبل يوم الجمعه

شكرا جدا

MEMO كتب:

اوكى يا ساسو

احنا هنقفل القاعدة يوم الخميس عشان ظروفك

خدى بقى سؤال علماشى

كنتى بتقولى انك شايفة ان احسن حاجة فيكى انك مبتكسفيش حد

هل ياترى لو كنتى مرتبطة والشخص اللى مرتبطة بيه ده طلب منك انك تكسفى حد من زماليلك لانه شايف انه غتت

هل هتعملى كده علشانه وهتتنازلى عن احسن حاجة انتى شايفاها فى نفسك ولا لا؟

يا اسئلتك يا ميمو

بس بصراحه لو انا شيفه ان الشخص ده معمليش حاجه

يبقي مفيش داعي اني اكسفوا ونزعل من بعض بقي والحوارات دي

وسعتها هقعد اتكلم مع الشخص اللي انا مرتبطه بيه وهفهموا وجهه نظري

ساسو
هاو ار يو
انتى مرتبطة ولا لا
ولو مرتبطة ممكن تقوليلنا اسم حبيبك اية

RORO كتب:

لو حبيبك طلب منك انك تبعدى عن اهللك بعد الجواز
لاى سبب من الاسباب توافقى ولا تفضلى انك تبقى مع اهللك

بصي يا ستي لو كان السبب لحاجه ضروريه

زي مثلا لو جاله شغل ولازم يسافر وعايز يخدني معاه

فانا طبعا هوافق اني اروح معاه لاني مقدرش اسيبه ابدا ولازم ابقي واقفه جمبه

وسعتها هيبقي في مبرر اني ابعد عن اهلي ......

اما بقي لو مكنش في حاجه مهمه

هتكلم معاه وهقنعه لاني في نفس الوقت مش هكون قادره ابعد عن اهلي

واللي ملوش خير في اهله يا رورو

mansy كتب:

ساسو
هاو ار يو
انتى مرتبطة ولا لا
ولو مرتبطة ممكن تقوليلنا اسم حبيبك اية

ام فاين

ايون انا مرتبطه

واسمه محمد

RORO كتب:

اية اكتر حاجة تخليكى تبكى؟؟؟؟

ان حد يجرحني اوي

وخصوصا لو كان الحد ده غالي عندي

RORO كتب:

واية اكتر حاجة تخليكى فرحانة جدااا؟؟

اكيد يا رورو ببقي فرحانه كتير

لما بشوف اهلي والناس اللي انا بحبهم فرحنين

RORO كتب:

لو بتحبى واحد وهو كمان بيحبك واعترفلك بحبه
واكتشفتى ان وحدة صاحبتك جداا بتحبه
هتعملى اية هتختارى الحب ولا الصداقة

ان شاء الله يا رورو

ميمو هيدخلك في التنفيض المره اللي جايه

وبالنسبه بقي لسؤالك

اكيد هبقي في حيره

بس اعتقد ادام انا بحبه وهو كمان بيحبني واعترفلي بحبه هكمل معاه

لاني لو رفضت انا هتعذب وهو كمان هيتعذب

واكيد برضه هحاول بقدر الامكان اني مخسرش صحبتي

بس لا لا لا برضه يا رورو الصداقه بتدوم لكن الحب مش ديما بيدوم

بصي انا هشوف مين اللي اقربلي منهم يعني لو صحبتي اكيد مش هخسرها

ولو الشخص ده هوافق اني اكمل معاه

يعني مش هبقي عايزه اخسر الاثنين

yara كتب:

متى تكونى
صامتة؟
معترضة؟
متمردة؟
تعيسة؟
مبتهجة؟

صامته .....

لو حد فهم كلامي غلط وده عيب كبير اوي فيه بسكت ومش بعمل حاجه

او لو زعلني في حاجه مش بروح اقوله انت عملت كذا وكذا واقعد اعتبه

لا بحط ده جوايا ومش بطلعه


معترضه .....

لو شيفه حاجه غلط بتحصل ادامي اكيد وقتها وكون معترضه


متمرده .....

لو حابه اعمل حاجه جدا وحد منعني من الحاجه دي


تعيسه .....

لو في مشاكل مع اي حد مهما كان مين

حتي لو كانت واحده زملتي

علشان مش بحب حد يزعل مني


مبتهجه .....

اكيد لو شيفه الناس اللي حوليه سعداء زيي

yara كتب:

ماذا يعنى لك:
الحب
الكرامة
الانانية
الحرية
الرجل
الاب
الاصدقاء

الحب .....
اجمل حاجه في الدنيا واجمل احساس

ومنقدرش نعيش من غيره

بس الاهم اننا نفهمه صح

الكرامه .....

فوق كل شيء

ويوم ما بنتنازل عنها بيبقي علشان حد بنحبه اوي

الانانيه .....

مبحبهاش

بس سعات بلجاء لها لما تكون مصلحتي لازمه لمصلحه الغير

الحريه .....

حاجه جميله اوي ولذيذه اوي

بس لما تكون لها حدود

وبالذات للبنت

الرجل .....

الرجل بالنسبه لي حاجه كبيره اوي

وزي ما المراه نص المجتمع ..

فالرجل النص التاني

وكلنا منقدرش نعيش من غير قلب حنون

يخاف علينا

يخفف عنا الامنا ونلجاء الي صدره عند شدائدنا

الاب .....

حاجه جميله اوي في حياتي

ومقدرش استغني عنه ابدا

الاصدقاء .....

بحبهم اوي اوي وبكون وفيه معاهم جدا

بس الامهم نختارهم كويس