الحب بطريقة اليومين دول

بدون مقدمات ندخل فالموضوع
الموضوع ده مستفذنى جدااا
وللاسف كلمه بحبك بقت اى عبيط يقولها

واحد خارج كده زى الامور الشاطر
وبيركب الترام "المترو
ومسقط البنطلون لحد ماخلاص البنطولن حيوقع والمقابر الاثريه والحفريات كلها حتبان
ومغرق نفسه برفان وهارى شعره "جيل
ركب الترام زى الامور الشطور وفجأه

لقى ادامه بنت من وجهه نظره انها شديده "امكانيات عاليه
البنت تيجى تبصلها تتفجع
المهم الولد بص للبنت البنت مصدقت حد يعبرها
اامت بصاله
الولد ضحك البنت ضحكتله "وعاش دور عمرو دياب ضحكت يعنى حتوديك فداهيه
اام مقربلها البنت قربتله
23 شارع عباس العقاد المفتاح تحت الدواسه
قلها نمره موبايلى "01............."
وهوبه الواد نزل من الترام وبعدين عاش دور الحبيب
وفيوم وليله ولحظه بقى بيبحب
الله الله ياعم قسم وسمعنى يابنى
هو الحب وصل للدرجه دى ؟؟
اللهم صلى عالنبى الحب بقى دليفارى
يوصلك فأى يوم
والواد بقى ياجماعه عايش الدور ومشغل حسام حبيب
فنظره عين عشقت هواك وحبيتك
والبنت عايشه الدور بردو
وباليل بقى
الولد: ايوه ياحيات قلبى "حيات قلبى ايه ياموكوس
البنت: اخ منك ومن كلامك اللى مدوبنى ده "ايه ياوليه ده انتى لسه عرفاه من كام ساعه على كده كمان يومين حتبقى حامل منه"

الولد: حياتنا حتبقى كلها نعيم فنعيم ياحياتى وحتشوفى معايا اللى عمرك مشوفتيه وعمرك ماحتعرفى تغمضى عينك "ماشى ياعم روتانا سينيما"
البنت: عارفه ياحبيبى عارفه ده انا بحبك حب محبوش انسان "الله الله وكمان تامر حسنى دخل فالموضوع"
بقولك ايه ياحياتى معلش حقفل دلوقتى اصل مامى على الويتنج "ههههه مامى ايه تلائيكى فاكره مامى ده سندوتش وفكره الويتينج مطبخ هههههه"[/size

وادى حب اليومين دول
واحد شاف واحده
اوبه مسك قلبه والتانيه عاشت دور الحاجه جوليت
وهو عم روميو على الحصان الابيض
ودرجن درجن درجن درجن على جنه الحب الدليفارى

اللى كبر الموضوع فدماغى وبقى منرفزنى اوى كده
هو ان واحد صاحبى اااعد طول النهار حاطط الـ mp3 فودانه
ومشغل فراق وحزن ونيله خالص وانا مش فايق
قولتله يابنى حرام عليك خنقتنى ياتوطى شويه يااما تطفى امه
قالى اسكت اسكت يا ايمن ده انا مخنووووق
قولتله ليه يانيله
قالى اصل وانا راكب الترام من كام يوم
بنت شوفتها بس ايه موزه مقولكش الله الله على عنيها
فقولت فبالى "عنيها ههههه الله يخربيت الافلام اللى بتعمل فالعيال كده"
ها كمل كمل
المهم بصتلها وبصتلى وضحكتلها وضحكتلى ....
قومت قاطعته فالكلام وقولتله
بس بس عارف باقى الكلام
قربت منها وقربت منك وزرغطى ياتفيده
قالى عرفت ازاى
قولتله بطل هبل ياهبل
بس وايه علاقه ده بالاغانى الحزينه دى
قالى منا من ساعتها مشوفتهاش
هو قال الكلمه دى وانا هيست من الضحك
هو كان فاكر بقى انى حقولوه معلش وياطبطب وادلع واعمل فيها نانسى عجرم ففيلم الخطايا

تفتكروا الحب حيفضل كده فالزمن الجميل ده
واى واحد ملوش فالبطيخ يقول انا حبيت
وبحبك وبموت فيك وهات ايدى فأديك نحلم سوا على شط الهوا
"الله الله عالشعر يابيسو"
على فكره والله الموضوع ده ممكن نخدوه بهزار
بس ابعاده اللى حتحصل لو انتشرت اكتر من كده
والله العظيم حنلاقى مصايب سودا
ربنا يستر على ولايانا
على فكره ممكن الموضوع يوصل لجواز
وشهر شهرين بالكتير
ده حيشوف بنت تانيه ودى حتشوف واحد تانى
وهوبه يحصل طلاق
وهوبه نسبه الطلاق ترتفع
ليه ؟؟
لانه حب واحده محبهاش "افهموها انتوا دى الذكى يفهم"
ولانه مشفش غيرها وهى بردو نفس الوضع
والله العظيم بكره تشوفوا اضرار الظاهره دى حتكون عمله ازاى
يلا بقى قولوا لى اية رأيكوا فى الموضوع ده
عاوز تشجيييييييييييع
وإلى الامــام دائـــــــــما

فعلا عندك حق والله يا منسى

بس برده فى ناس بتحب بجد غير الهبل بتاع الايام دى
بس بقى قليل اوى اوى
ميرسى ليك اووووى الموضوع جامد اوى

موضوعك رائع يا مانسى

والنوع اللى بتتكلم عنه ده حب مراهقة وعمره ما يوصل للجواز

وميرسى ليك يا حاج

فعلا يا منسي موضوعك مهم جدا

وبيحصل كتير اوي

والزمن الجميل خلاص راحت عليه يا منسي

ميرسي كتييييييير

جميييييييييييييل يا منسي ميرسي

بس طبعا مش كل الحب كده زي ما بتقول في فرق

وبايد ميمو فعلا الحب ده عمره ما ييوصل للجواز

التوبيك جميل يا منسى
لكن ده مش الحب الحقيقى
واحد عاقل بيحب بجد ميعملش
الاهبل كده زى ما الواد عمل
وده حب هبل وبتاع عيال
بس الحب الحقيقى مازال موجود لكن قليل

» الإنسان قبـل الحب شيء وعنـد الحب كل شيء وبعـد الحب لاشيء
» مقياس الحب
» الحب هو.......... هههههههههههههههههه
» الحب هو....
» محفزات الحب ..........