ألفاظ وأمثال تخالف العقيدة(صدقوني في منتهي الخطورة؟؟

ألفاظ وأمثال تخالف العقيدة(صدقوني في منتهي الخطورة)

- سب الدين: أجمع العلماء أنه من سب الله او سب الرسول او سب دين الله فهو كافر ولو أقر بما أنزل الله
2- من أمثالهم عندما يرون مثلا زرع طالع لوحده يقلك ده(زرع شيطانى) الكلمة دي كفر وشرك
بل قل: ده (زرع إلاهي او زرع ربانى) والدليل قول الله تعالي {إنما نحن الزارعون}
3- من أمثالهم أيضا:رجل يسأل رجل عن شخص فيقله (يااااه ده ربنا افتكره) طبعا ده حرام جدا، وهو ربنا نسيك من امتي يا سيدنا عشان يفتكرك والدليل قوله تعالي {ولكل أجل كتاب}
4- وايضا تقرأ في الجريدة مثلا( مات الحاج فلان وذهب إلي ترب الإمام حيث مسواه الأخير) برده ده حرام لأن المسواه الأخير هو الجنه او النار أما القبر فهو مجرد زيارة ليس إلا والزائر لابد له بأن يترك المكان الذي ذهب لزيارته والدليل قول الله تعالي( ألهاكم التكاثر*حتي زرتم المقابر)
5- وايضا إذا كان هناك رجل فقير مثلا وفجأة بئي غني جدا تلائي واحد بيقو لواحد(مهو ربك كده يدي الحلق للي ماله ودان أو تيجي مع الهبل دبل)، ده يا جماعة اتهام لربنا بعدم الحكمة والعياذ بالله والدليل قوله تعالي (وما من دابة في الأرض إلا وعلي الله رزقها) وهو اتهام بعدم الحكام لان المثل نفسه في منتهي الخطورة ليه..؟ بالله عليك لو انا جيت اهدي لواحده حلق وانا اعرف ان أعلم شحمتي الاذن عندها مقطوعة ابئي انا ذكي ولا غبي ابئي طبعا غبي او مثلا واحد رجله الاتنين مقطوعة رايح جايبله جذمة هدية ابئي بمنتهي الغباء وده اتهام لربنا بكده والعياذ بالله(بالله عليكم محدش يقول الكلمة دي ابدا)
6- تلائي مثلا واحد يقول لواحد(ايه يا عم انتا بتسلم عليا كتير ليه ده كتر السلللام بيقل المعرفة)
برده كلمة خطر جدا لان السلام بيزود المعرفة ويسبب الموده ، وذكر في عهد الرسول الكريم ان الصحابي إذا فرق بينه وبين صاحبه حجر أو شجر ألقى عليه السلام
7- وايضا لما حد يسمع صوت الهدهد وهو يغرد يقول للي معاه( ده بيقول الملك لك لك يا صاحب الملك)
مين قلك ان هو بيقول كده، هو قطعا يسبح لان كل المخلوقا بتسبح لكن مين قال انه بيقول هو انتا سلييمان عليه السلام عشان تعرف لغة الطير
8- ايضا لما يجي واحد يزور واحد يفتحله الباب ويقله(ده احنا النهارده زارنا النبى)
يا راجل يا طيب النبى ايه بس اللي زارك انتا بتكدب ليه وهيا دي برده هتبئي فرحتك لما اكرم خلق الله يجي يزورك بتشبه فرحتك بواحد عادي جيه يزورك بفرحتك لو زارك النبى
9- وايضا تقرا مثلا قصة (يقلك فلان وفلان بيحبوا بعض و...و...و... وغدر بهما القدر أو ولم يتركهما القدر أو غنيه اسمها( قدر أحمق الخطا) كل ده حرام حرام حرام محدش يشتم الزمن يا جماعة يقول الله عز وجل في الحديث القدسي :{لا تسبوا الدهر فأنا الدهر بيدي الأمر}
10- يجي واحد كبر اوي في السن فواحد يسأله عامل ايه دلوقتي يقله( أهو كتر خير الدنيا) دنيا ايه اللي انتا بتشكرها يا سيدي ده بدل ما تشكر اللي خلقك وخلق الدنيا كلها
11- واحد ظروفه المادية صعبة اوي واحد تاني يسأله عامل ايه يقله(أهو اديني ماشي علي كف الرحمن)
استغفر الله العظيم حرام يا جماعة انتا كده اولا:بتنسب لربنا صفة لم ينسبها هو لنفسه وهيا الكف
ثانيا: هو تشبيه قمئ وقذر أنك بتمشي علي كف الله والعياذ بالله برجلك حرام يا جماعة

اللهم اغفر لي ولوالدي والمسلمين أجمعين
أمييييييين.......أمييييييييييين

بجد توبيك مهم جدا ومفيد
جزاك الله خيرا
يا سمسمه

ميرسي جدا ليكي يا سمسمه

ولمجهودك

جزالك الله خيرا