مواقف....ادخل وقول رأيك

اولا منورة يا ريرى

ثانيا بالنسبة للموقف ده فمن الواضح من خلال ظاهر الكلام انه بيتلكك عشان يسيبها وما صدق حصلت مشلكة

واكيد طبعا المفروض تنساه

لكن الباطن بقى الله اعلم بيه

يمكن هو عنده وجهة نظر تانيه

الله اعلم

أنا رأيي يا ريري انها مش ترجعله و تحاول تنساه باي طريقه



لو كان بيحبها زي ما هيه بتحبه مكنش سبها



وكان اتمسك بيها زي ما هيه متمسكه بيه اوي كده



وخصوصا ان انتي قولتي ان المشاكل اللي بتحصل ما بينهم عاديه جدا



طبعا مفيش حياه من غير مشاكل خالص

أنا شايفه يا ريري ان هو لو كان بيحبها حقيقي كان استحمل كل مشاكلها

اللي بيحب حد بيحبه زي ما هو ...

بعدين ما دام المشاكل اللي بتحصل عاديه ليه هو محولش يغيرها

وهيه علشان بتحبه اكيد كانت هتتغير علشانه

لكن ادام محولش حتي مجرد محاوله انه يغيرها يبقي مش بيحبها خالص

وكان مستني فعلا اي مشكله تحصل علشان يسيبها

انا رائيي انه فعلا بيتلكك ومستني اي غلطه ليها عشان يسيبها

لان مفيش حبيب يسيب حبيبته لاي سبب ولاي ظروف لان كده

يبقى كان بيلعب بيها

واللي زي ده يبقى ميتبكيش عليه ولا دمعة تنزل من عيونها عشانه

وطبعا ده سبب كافي لنسيانه ومحوه من ذاكرتها تماما

عايزه اخد رائيكم فى مشكله صعبه شويه
بس بجد نفسى نوصلها لحل سوا حاولوا تساعدونى
انا ليه واحده صحبتى كانت مرتبطه بشخص وبتحبه جدااا وهو كمان وكانت مستعده تعمل علشانه اى حاجه
بس محصلش نصيب ومكملوش مع بعض لانه كان بيحبها اوى فبعد عنها لما لقاها بتتعذب
من مشاكل بتحصل معاها بسببه
المهم هما خلاص سابوا بعض بس هى لسه متعلقه بيه جدااا ومش قادره تنساه بس الاهم انه بيجرحها اوى
وبيضايقها كتير بس بطريقه مش مباشره مثلا بيتجاهلها او بيحاول يوصلها انها مش فارقه معاه
انا قلتلها تحاول تكلمه وتفهم منه سر المعامله علشان لو فى حاجه وصلتله عنها غلط
بس هى رافضه لانها خايفه عليه
لانه لو هو نسيها ورجعت هى كلمته تانى خايفه عليه يتعذب او يتعب تانى
انا بجد احترت معاها ومش عارفه اقولها ايه قولولى انتوا

قبل ما اقول رأيي لازم كده كام سؤال عشان نعرف اوجه الموضوع كله

انتى قولتى ان الشخصين دول سابو بعض

وبتقولى انه بيضايقها كتير عن طريق انه بيتجاهلها

طب ازاى ؟

هو فى كلام بينهم ؟

بس هو عموما المفروض ان طالما الموضوع خلص الاتنين يخلو بالهم من كلامهم وميضايقوش بعض

بس ممكن يكون هو برضه مقصدش يضايقها

محنا مش عارفين ازاى الطريقة الغير مباشرة دى

ممكن يكون فى سوء فهم

عموما احسن حاجة فى الامور دى الصراحة والكلام وجها لوجه

ده هيشيل كل اللبس اللى فى الموضوع

ولو انتى يا دوللى عارفة اجابة الاسئلة دى قولنلنا عشان نعرف نحكم

انا من رايي يا دوللي انها تكلمه وتساله هو ليه بيحاول يجرحها

وليه لما هي متمسكه بيه كده هو عايز يسيبها ده كده كانه كان بيلعب بيها

وطالما سابو بعض يبقى مفيش داعي حد يجرح حد وكل واحد يحافظ على تصرفاته

لان الموقف حساس ولان ممكن يرجعوا لبعض في يوم من الايام لو الظروف اتصلحت

فبلاش الجرح يبقى كبير

بس هي لازم تكلمه تاني ويواجهو بعض عشان ع الاق لو ثبتو على موقفهم يبقى في ذكرى جميله

مش اهانات وجروح

يارب يرجعوا لبعض يااااااااارب الفراق صعب قوي ومبيتنسيش بسهوله

ميرسي يا دوللي

ازايكم بجد توبيك جميل وجديد ياميمو

بصوا انا عندى موضوع بتاع واحد صحبى(الأنتيم بتاعى)
بجد عايز رايكم الجاد فيه.....الحكاية هى:
صحبى ده كل ما يجى يقول لواحدة انخ معجب بيها وعاوز يرتبط بيها
ياأما تتخطب يا أما ينكتب كتابه يا مرتبطه.......
والمشكلة الأكبر أن أبوه مش عايزه يرتبط بحد لغاية لما يخلص دراسته علشان مينصدمش
بس الواد مشتاق أنه يرتبط بحد وخايف أنه يكون بيدور على الحب وخلاص
وعلى فكرة مفيش أدنى مشكلة مادية ليه.....إنما المشكلة أنه كمان خايف أنه يتم أى مشوار بجد علشان خاطر والده
وكمان أنا لاحظت حاجة واحدة بس هى اللى بيشوفها فى كل واحدة رحلها ....إنهن يبحثن عن كلمة واحدة
(بحبك).....وديه طبعا فى حد ذاتها كارثة.....والمشكلة اللى ملهاش حل الواد ده ممتاز فى كل شئ وبيملى فراغه بطريقة أن لو حد عادى مش هيلاقى وقت للبحث .....إنماهو مع كل ده وبرده بيحس أن فى عنده فراغ بطريقة غبية قوى
استخدمت معاه سبل كتيره (الدين الرياضة الثقافة الاصدقاء الكتير المناسبات الكتير الشغل مع انه بيدرس )
ومع ذلك لسه عنده فراغ للبحث عن الشريك المناسب
بصراحة يا جماعة نفذت محاولاتى معه...وببحث عن افكار جديدة علشان ينتظر على الاقل لغاية لما يخلص الدراسة
بس بلاقى معاه مشكلة هو فى سنة رابعة حقوق ولسه قدامه على الاقل سبع سنين للدكتوراة (وعلى فكرة غصبا عنه الدكتوراة ديه)فمينفعش يأجلها...............بجد محتاج أرائكم

بص يا مان

صاحبك نفسه يرتبط يا برنس وده اكيد بيخليه يتسرع وميفكرش قبل ما يبدى اعجابه بحد

ودى فعلا كارثة

مستعجل على ايه ياعم

الحب هييجى لوحده كده كده ومن غير ما تدرى

وخليك انت فى دراستك ومتفكرش غير فى طموحاتك و ازاى تحققها

لكن كون انه عايز يرتبط عشان الارتباط نفسه فصدقنى لو حصل كده هما كام يوم وهيبقى الموضوع بالنسبالة عادى

لانه حقق اللى عايزه

والمظلومه اللى ارتبط بيها هتمثل هم على قلبه وهيبقى عايز يتخلص منها

يبقى هو ظلم نفسه وظلم بنات الناس



بس انت كده فضحته يا ميدو

كان ناقص تقول اسمه رباعى