كلام فى الحب وبس

تذكير بمساهمة فاتح الموضوع :

اعزائى اعضاء منتدى الحصريات
انا جاتلى فكرة اتمنى انها تنال اعجابكم
واتمنى انها تكون حصريه على منتدانا
وهى
عباره عن برنامج نتكلم فى عن الحب وبس
وهستضيف كل يوم نجم من نجوم المنتدى
يكون ضيفى وضيفكم
علشان نتعرف على المشاعر الدفينه داخل كل واحد منا

اتمنى ان الفكرة تنال اعجابكم

وانتظرونى قريبا مع اولى حلقات البرنامج
مع نجم مميز جدااااااا

اقتراح جميل ياميمو
بس حكايه انى ازود وقت الحلقه بيبقى صعب
لانى بخاف اكون معطله ضيوف الحلقه
والميعاد هحاول اوحد معاد ثابت
ان شاء الله

اهلا بيكم معايا فى حلقه جديده من برنامجكم
كلام فى الحب وبس

معى اليوم ضيفه يسعدنى وجودها معى
فهى نجمه عزيزه علينا جميعا
تقدم لنا دائما كل جديد فى مختلف المواضيع
فهى نجمه لها حضور متميز جدااااااا
فتبهرنا دائما بأسلوبها المتميز
نجمتى لهذا اليوم هى

لولو

اولا برحب بيكى ضيفه معايا فى البرنامج
بجد شرفتينا ونورتينا

عايزينك تعرفينا على ملامح شخصيتك؟
وايه امالك فى الحياه؟

في البداية ميرسي ليكي جدا يا دوللي بجد فكرتك تجنن

اما بالنسبه للاجابه

فملامح شخصيتي:انا للاسف شخصيه ضعيفه اللى حد ما في مواقف معينه

وببقى قويه جدا في مواقف تانيه

كمان انا شخصيه طيبه زي ما الناس بتقول وده الحقيقه بيوقعني في مشاكل كتير

اما امالي في الحياة

ونفسي جدا اعمل كل اللي ربنا امر بيه عشان ربنا يرضى عني ويدخلني الجنة

وكمان انجح واخلص دراسه وكمان نفسي جدا ارتبط رسمي واتجوز الشخص اللي بحبه

واعيش في سعاده معاه يعني ممكن نلخص كل الكلام ده في ان املي هو تحقيق السعاده

ماذا يعنى لكى الحب؟

هل تعترفى بالحب من اول نظره؟

ايه اصعب شئ فى الحب من وجهه نظرك؟

هل تحبى ان يعرف العالم كله انك فى حاله حب ام هو امر شخصى؟

ماذا يعنى لكى الحب؟

انا رومانسيه جدا وبحب الحب لانه كل حاجة في الحياة مش لازم يبقى
حب شاب لبنت لكن عموما حبي لامي ولوالدي ولاخواتي وكل الناس

هل تعترفى بالحب من اول نظره؟

الحقيقه مش بعترف بيه لانه مبيبقاش حب ممكن يبقى اعجاب بشكل او بمظهر او غيره
لكن مبنبقاش عارفين الانسان من جواه ولا فاهمينه

ايه اصعب شئ فى الحب من وجهه نظرك؟

اصعب شئ في الحب انك تحسي ان حبيبك مش مهتم بحبك او بارد في مشاعره
كمان اصعب حاجة فيه مشاكله وعذابه والي ممكن تنتهى بالفراق لا قدر الله

هل تحبى ان يعرف العالم كله انك فى حاله حب ام هو امر شخصى؟

نفسي الناس كلها تعرف اني بحب شخص واحد وان حبي يبقى علني وقدام كل الناس
وده اقل حاجة اقدمها للحد اللي بحبه
وبالتاكيد هو مش امر شخصي لانه عشان يبقى حلال وصح لازم يبقى علني

هل من الممكن ان نكتم احاسيسنا تجاه من نحب؟

هل من الممكن ان تضحى بحياتك من اجل من تحبى؟

ماذا تفعلى عندما تعلمى انك احبت الشخص الخطأ وانه لا يستاهل هذا الحب؟

ما رائيك فيمن يقول ان الحب تلاشى فى هذا الزمان؟

ومن الحب ما قتل ...........ايه رائيك فى العباره دى

هل من الممكن ان نكتم احاسيسنا تجاه من نحب؟

اه في حالات ممكن نداري نكتم احاسيسنا تجاه من نحب اذا كان الطرف التاني مش مقدر الحب ده
او مستهتر بمشاعري او اذا كان الحب من طرف واحد

هل من الممكن ان تضحى بحياتك من اجل من تحبى؟

اضحي باي شئ طالما الحب صادق حقيقي وهو كمان بيحبني اكتر من حبي ليه

ماذا تفعلى عندما تعلمى انك احبت الشخص الخطأ وانه لا يستاهل هذا الحب؟

اكيد هسيبه بس هتصدم صدمة عمري لاني لما بحب بحب بجد وممكن اموت فيها

ما رائيك فيمن يقول ان الحب تلاشى فى هذا الزمان؟

الحب موجود طالما الحياة موجوده ولا يمكن يتلاشى الا اذا الحياة انتهت
وبجد الحب اساس كل شئ جميل في الحياة
لان لو الحب مش موجود يبقى مفيش ام هتحنو على اولادها

ومن الحب ما قتل ...........ايه رائيك فى العباره دى

عبارة صح 100%

بجد كانت حلقه ممتعه جداااا

وبحيكى على صراحتك

بجد نورتى البرنامج

والى اللقاء فى حلقه جديده وموعد جديد

انتظرونا

اهلا بيكم معايا فى حلقه جديده
من البرنامج

ضيفتى النهارده ضيفه عزيزه عليا جدااااااااا
جذبت انتباهنا بهدؤها وتألقها
واحساسها العالى
وغيبها بيأثر علينا اوى
متميزه فى ردودها وحضورها

ضفتى النهارده هى
رورو

اهلا بيكى معايا فى البرنامج
نورتينى وشرفتينى

ياريت تكلمينا عن نفسك شويه؟
علشان نتعرف عليكى اكتر

اولا .... ميرسي جدا ليكي يا دوللي علي التقديمه الجميله

ثانيا .... انا بنت عاديه خالص احلامي زي احلام كل البنات

كتير من الناس بيقولو عليه هادئه اوي

انا مش كده بس المشكله ان انا مبعرفش ادخل في حوارات مع الناس غير لما اكون عرفاهم كويس

ولما احط حاجه في دماغي بعملها

اوقات بكون مجنونه

ولما بحب بحب اووووي

ومبعرفش انسي الناس بسرعه خالص

ايه رائيك فى الحب من طرف واحد؟؟

وما هو اجمل شئ فى الحب من وجهه نظرك؟

ماذا تفعلى اذا عرفتى ان هناك شخص يحبك وانتى لا تبادليه نفس الشعور؟

ايه رائيك فى الحب من طرف واحد؟؟

اكيد احساس صعب اوي
لما حد يكون بيحب حد والطرف التاني مش حاسس بيه خالص

وما هو اجمل شئ فى الحب من وجهه نظرك؟

الحب حاجه جميله اوي
تعجز الكلمات عن وصفه

ماذا تفعلى اذا عرفتى ان هناك شخص يحبك وانتى لا تبادليه نفس الشعور؟

اكيد هفهمه ان انا مش بحبه

من غير ما اجرح مشعره

واحاول اقلب الموضوع لصداقه

ومش هخليه يشل مني

ماذا تعنى لكى الوحده؟

ما هى الصفات التى تتمنى ان تكون موجوده فى شريك حياتك؟

هل الحب لوعه ام عذاب ام فراق؟

لمن تقولى:

تملى معاك

على بالى

يارتنى انساك

ياليتنى امت قبل ان ارى دمعتك

ماذا تعنى لكى الوحده؟

احساس صعب وكتير بحس بيه
بس بحاول بقدر الامكان اني اخرج منه

ما هى الصفات التى تتمنى ان تكون موجوده فى شريك حياتك؟

انو يكون راجل جدا ويتحمل مسؤليه واقدر اعتمد عليه
ويكون رومانسي اوى ويكون بيحبني اوووي
واهم حاجه يكون شخصيه قويه جدا جدا جدا

هل الحب لوعه ام عذاب ام فراق؟

الحب احلي عذاب

لمن تقولى:

تملى معاك

اكيد لحبيبي مستقبلا

على بالى

ليكي انتي وساسو

يارتنى انساك

مش ل حد

ياليتنى امت قبل ان ارى دمعتك

أكيد لشخص عزيز عليه

بجد انا مبسوطه انك شرفتينا

وامتنى اننا نكررها تانى

وفى نهايه حلقنا احب اشكر

ضيفتى التى اسعدنى وجودها معى

وانتظرونا فى حلقه جديده

قريبا

اهلا بيكم معايا فى حلقه جديده
من برنامجكم
كلام فى الحب وبس

ضيفتى النهارده بنوته زى السكر
جننتنا بشقاوتها وخفه دمها
وتجدد موضوعاتها وردودها المميزة

نجمت اليوم هى ساسو

نورتى البرنامج ياساسو
كلمينا عن نفسك شويه؟

وايه مميزاتك وعيوبك؟

اهلا بيكي يا دودي

بجد انا مبسوطه اوي اوي ان انا معاكي انهرده

وميرسي ليكي يا قمر علي الكلام الجميل ده

انا الحمد لله بنوته زي اي بنت عاديه

رومانسيه موووت وجادعه شويه وبحب اصحابي اوي

وخصوصا انتي و رورو اكتر اتنين قريبين مني

عقلانيه جدا واوقات بكون هوائيه شويه

بحب الحب وبحب افرح اللي حوليه ديما

وعلي طول لازم اكون مبتسمه ادام الناس اللي انا قعده معاهم

بس للاسف غالبا لو حد زعلني مش بقوله علي اللي مزعلني منه

وممكن كمان اتعامل مع الحد ده عادي خالص من غير ما ابينله اي حاجه

ومبعرفش افصل بين اللي انا فيه وبين تعاملاتي مع الناس

ماهو الحب من وجهه نظرك؟

وهل تعترفى بوجوده.؟

وهل انتى شخصيه رومانسيه ام عقلانيه؟

وهل يمكن للحب من وجهه نظرك ان ينجح دون فراق وجراح؟

ماهو الحب من وجهه نظرك؟

اكيد الحب حاجه جميله اوي اوي

عاوزين كلام كتييييييييير اوي اوي علشان نقدر نوصفه

وهل تعترفى بوجوده.؟

أكيد طبعا

لان لو مش في حب مكنتش الحياه هتستمر

اللي مصبرنا علي الحياه بكل مشاكلها هو الحب

بس مش لازم يكون حب البنت للولد او العكس

وهل انتى شخصيه رومانسيه ام عقلانيه؟

انا الاتنين

يعني رومانسيه مووووت وفي نفس الوقت عقلانيه

ومنقدرش نقول علي الرومانسيه انها طيش او جنون

وهل يمكن للحب من وجهه نظرك ان ينجح دون فراق وجراح؟

اه طبها ممكن الحب ينجح بين ناس كتيير اوي

بس المهم ان هما يكونو فهمين بعض

أكيد هبقي في بينهم نوع من المشاكل

بس مش فراق أو جراح

والتفاهم اللي بينهم ده هو اللي هيحل المشاكل

هل سبق واتصدمتى فى شخص وضعتى له مكانه اكثر مما يستحق؟

هل يمكن للانسان ان يكره الشخص بعد ان احبه؟ ولماذا؟

ايهما اهون ان يقال لكى ان حبيبك مات ام تزوج؟

لو حبيتى حد ممكن تعترفيله بحبك ام هتكتميه؟

هل سبق واتصدمتى فى شخص وضعتى له مكانه اكثر مما يستحق؟

لا الحمد لله محصلتش قبل كده

هل يمكن للانسان ان يكره الشخص بعد ان احبه؟ ولماذا؟

اه اكيد ممكن

لو الشخص ده تصرفاته اتغيرت للاسوء

او لو صدر منه حاجه تجرح اوي

ايهما اهون ان يقال لكى ان حبيبك مات ام تزوج؟

الاثنين اصعب من بعض

بس يكون اتجوز اهون شويه

علي الاقل هيفضل عايش

لو حبيتى حد ممكن تعترفيله بحبك ام هتكتميه؟

انا عن نفسي

لا خالص خالص خالص

أكيد هكتمه ومش هروح اقوله ان انا بحبه

وفى نهايه حلقتنا اشكر

ضيفتى التى اسعدنى وجودها

معى

وانتظرونا فى حلقه جديده

انا بهنيك جدااااااا يا دوللى على البرنامج ده بس انتى قلتى هيبقى فى مداخلات تليفونية وكمان عايزين تطولى شوية من الاسئلة وحاولى يكون الضيف اللى معاك أكثر إستفاضة عن كده علشان نعرفه أكتر وأسف إن طولت عليك فى الطلبات

فكرة جامدة جدااااااااااااااا

ميرسى اوى ليك ياميدو
وان شاء الله من الحلقه القادمه هيكون
فى مداخلات زى ما انتم حبين
والحلقه هتطول شويه

» كلام فى الحب
» كلام فى الحب
» ~ كلام رومانسي~
» كلام في الحب بكل لغات العالم
» الإنسان قبـل الحب شيء وعنـد الحب كل شيء وبعـد الحب لاشيء