اضحك من قلبك ( قصه سعديه الصعيديه وميدو الاستايل ) مش موجوده فى اى منتدى تانى

بسم الله الرحمن الرحيم
القصة دى جميلة ومش
حتلاقيهى فى منتدى
غير الحصريات
وبس

انا عندى موهبه التاليف وبالذات القصص الكوميديه فا انا كتبت القصه دى وعملتها على حلقات وحبيت انى اعرف رأيكوا فيها ومش هتلاقيها فى اى منتدى تانى ويا ريت كل الى يدخل يقرى يكتب رأيه ايه فى القصه دى سواء بالمدح او الزم علشان اشوف التشجيع واكملها
يا رب تعجبكوا بجد

قصه البت سعديه الصعيديه الى جالها التنسيق فى جامعه القاهره وسافرت عند عمها علشان تدرس
وقابلت بقى ميدو وحصلت اجمل قصه تعالوا نشوف

شخصيات القصه

سعديه وميدو

جنى صديقه ميدو

ندى صديقه سعديه

الحلقه الاولى

جه جواب التنسيق لسعديه وفتخت الجواب لقت جامعه القاهره
سعديه : يا دى اليوم لاسود انهرده يادى النيله
ام سعديه : ايه يابتى مالك
سعديه : الحجى يامه جواب التنسيج جه القاهره
ام سعديه : وماله يابتى عمك هناك روحى عند عمك
سعديه : انا مش بطيج مرته دى الى عامله زى ام اربعه واربعين
ام سعديه :معلش يابتى ايام وجضيها وخلاص
سعديه :امرى لله انا عارفه حظى اسود من يومه
هروح وخلاص
وجه معاد السفر
ركبت سعديه القطر وفى طريقها للقاهره
سعديه : يا سوادى هى السكه مالها طويله جوى ليه كده يا مهون هون علشان انا زهجت ومليت من الجعده دى
وصلت سعديه وراحت عند عمها خبطت على الباب فتحت مرات عمها
سعديه : اهلا يا مرت عمى
مرات عمها : مين سعديه
سعديه : ايوه سعديه امال هيكون عفريتها ولا ايه
مرات عمها : ازيك يا بنتى منوره
عمها يجري على الباب و يقول مين سعدية ازيك يا بتى واللي في البلدعاملين ايه
سعديه : طيب مش تدخلونى وبعدين تسلموا ولا هنجضيها سلامات من على الباب الشنطه خلعت كتفى
عمها : ادخلى يا بنتى اهلا وسهلا
ورحبوا بيها وسلمت على عمها واولاده
وتانى يوم كان الدراسه
صحيت بقى سعديه واستعدت وراحت على الجامعه مع عمها لانها متعرفش السكه دى اول مره هتروح فيها
وصلها عمها وشرحلها الطريق
دخلت سعديه الجامعه
لقت بنات بقى وشباب استايل اوى
اول مره تشوف كده
سعديه : وى وى وى وى وى يا بوى
ايه الى البنات عاملينه فى نفسهم ده
المحزج والملزج وايه الالوان الى فى شعرهم دى
استغفر الله العظيم يا ربى
والولاد مالهم كده مطولين شعرهم وموجفينه زى ما يكونوا مكهربين
دول ما يجلوش حاده عن البنات
عشنا وشفنا وانا مالى انا الحج بجى محاضراتى
ودخلت بقى سعديه قاعه المحاضرات
بتدور على مكان تقعد فيه
سعديه : ايوووووووووه يا ولاد ايه الى بيحصل ده
الاولاد جمب البنات كده وملزجين فى بعض
انا هجعد زيهم كده لا والله لا يمكن ابدا
انا هفضل واجفه احسن
دخل الدكتور لقى كل الناس اعده الا هى
بيقلها يا بنتى اعدى
سعديه : اجعد ازاى يا دكتور جمب الولاد كده عادى لا والله ما يحصل ولا يكون
الدكتور:ههههههه اعدى جمب اى بنت
طيب اى حد يا بنات يقعدها جمبه
وحده من البنات قالتلها تعالى هنا جمبى
اعدت سعديه واتعرفت عليها انتى اسمك ايه قالتلها اسمى ندى وانتى قالتلها سعديه المهم بعد ما خلصت المحاضره اتعرفوا على بعض وبقوا صحاب اوى
وخلص اليوم وخلصت المحاضرات وجه معاد انها تمشى لبيت عمها
خرجت سعديه هى وندى
وبعدين
تاااااااااااااااااااااابع
فى الحلقه الجايه
اشوف بقى الردود واعرف رأيكوا

ميرسي يا رامي شكلها من بدابيتها بتدل انها حلوة جدا

ونفسنا بجد نعرف بقيتها..بس ياريت تفصل وتعملها اجزاء

منفصله عن بعضها عشان منتلخبطش

انت عامل اللهجة الصعيديه حلوة جدا

جميله يا رامى
وبجد شكلها هتبقى حاجه جامده اوى
يلا بجة هتلنا بجيت القصه دى يا ولد العم

من ناحيه حلوه هى حلوه وجامده كمان

بس أنا حاسس كده إن فيها لغز أو مقلب

بسبب وضعها فى منتدى الهزار والرخامه

بدلاً من منتدى القصص والروايات

يا عم سمسم هى قصة لزيزة انا
عاوز تشجيع بس عشان
عشان اوركوم الاجزاء الاخرى
ياريت بقيت الاعضاء تدخل وترد

قصه حلوه يارامي في بدايتها وسعديه زي العسل ياجدعان

بجد جميلة اوى يا رامى

من غير مجاملة وانا اتشوقت اعرف الباقى وشكلها كوميدية اوى يلا بقى كملها بسرعة

جامده جدااااااا يارامى
ومستنين الباقى طبعا

القصه شكلها حلوه يا معلم

كمل واحنا مستنين بقيت الاجزاء

ربنا يعدي القصه دي علي خير
thumbsup4

القصة حلوة جوى جوى جوى جووووووووووووووووى يا بواى
أنا هقعد أستناها كل يوم بعد بسنت ودياستى
بس عايزين تحدد ميعاد معين هتوضع فيه الحلقات علشان نتابعها

شكرا على ردودكوم الجميلة دى
وتخلينى بجد نعمل اجزاء
اخرى وانا ححط
الجزء الاخر
يوم يوم يوم

الثلاثاء انشاء
اللة ويارب يعجبكوم
الاجزاء الاخرى

جاااااااااااااااااااامد يا مااااااااااااااااان

مستنيين الباقى

شكرا الى مرورك
ياريس ميمو

ودى بجى الحلقه التانيه

تانى يوم راحت بقى سعديه على الجامعه
اول اما خلصت اول محاضره
سعديه : يا ندى انا جعانه جوى تعالى نجيب اى حاجه ناكولها
ندى: خلاص تعالى يا سعديه نروح كافتريا الكليه
سعديه : لا دى كولها مليانه شباب ياختى انا مش هروح هناك
ندى : لا تعالى بس احنا ملناش دعوه بحد هناك
سعديه : طيب يلا اما نشوف
راحت سعديه وندى الكافترياواول اما اعدوا كان اعد قصادهم مين عمنا ميدو بقى
ميدو اول اما شاف سعديه اعد يضحك بقى بصوت عالى
سعديه بصتله بقرف اوى وقالت
سعديه : هوه ماله الواد ده الى شبه الديك الازعر بيضحك ليه كده
ندى : احنا مالنا يا سعديه هوه بيضحك وخلاص
سعديه : ليه يا بت شايفنا ارجوزات جودامه ده واد حيوان وعايز يتهزج
ندى : بصى احنا ناكل ونمشى من هنا
سعديه : طيب احسن بردو انا جولتلك بيومك لاسود ده انا مش هاجى الكافتريا دى
خلصوا اكل ودخلوا قاعه المحاضرات
واعدوا دخل طبعا وراهم الاستاذ الفاضل ميدو
وكانت معاه وحده صحبته
وشاف سعديه بردو واعد يشاور عليها ويضحك
سعديه اتنرفزت اوى طبعا والعرق الصعيدى طلع
سعديه : بصى يا بت يا ندى بيعمل ايه الواد ده بيضحك تانى
ندى : انت حضرتك بتضحك ليه
ميدو : ههههههههههههه لا ولا حاجه يا انسه ههههههه
سعديه : فرحان جوى وانت فاتح خشمك كده جاتك نيله عليك وعلى بوزك الفجرى
ميدو : وليه الغلط يا ااااااااا؟
سعديه : يا اااااااا ايه ما تنطج
ميدو : يا حجه هههههههه
سعديه : تعرف انك مش محترم وعيل جليل ادب وعايز تتربى
ميدو : انتى انتى انتى تربينى انا
وطبعا الاستاذ ميدو بيستفزها بمياعته وبالحركات الى بيعملها
ندى : طيب ممكن اعرف بتضحك ليه
ميدو : انتى مش شايفه جمبك تحفه فنيه بجد ههههههه
سعديه : تحفه فنيه ما تحطنى فى متحف الشمع يا خوى
انا تحفه وانت تبجى ايه بشعرك الى مكهربه ده وبنطلونك الى هيوجع منك ارفع منطلونك وبعدين اتكلم
ميدو طبعا مش معاه غير انه يضحك هوه وصحبته
سعديه : يلا يا ولاا انت خد الفرخه بتاعتك دى وغور من هنا اتكشح يلا
ميدو : دى فرخه دى جنى صحبتى
سعديه : جنى ولا عفريت وانا مالى غور احسن افرج عليك الجامعه كلها
ميدو : انا مش ارد عليكى انتى مش من مستوايا
سعديه : مستوى مسن يا بو مستوى انت حوساله وعره الشباب كمان ولو شفت وشك هنا هضربك بالبولغه
ندى : خلاص يا سعديه هوه فعلا مش محترم بس انتى بردو هزقتيه
سعديه : انتى مش شايفه حيلت امه بيعمل ايه
ندى : معلش
المهم ندى هدت سعديه وخلصوا محضراتهم ورواحوا
وانتظرونا الحلقه الى جايه
تااااااااااااااااااااااااااابع

بصراحة الواد ميدو ده زباااااااااااااااالة
بس أكيد مش أنا يا جماعة
على فكرة أنا مخلص الجامعة بقالى قترة
بس على فكرة باين أن الواد ميدو ده سنة أولى تجارة
و أنا عارف الأشكال ديه متجيش غير بالسك على دمغها
يسلم فومك يا بت يا سعدية
هههههههههههههه

منتظرين الحلقة الجديدة

شجعونى كدة عشان انزل الاجزاء
الى جاية
فين التشجيع بس

ههههههههههههههههههههههههه

فصة جامده اوي يا رامي
ربنا يخليك للمنتدى بقصصك الجامده دي

شكرا على مرورك يا معلم

قصه حلوه اوي يا رامي

ميرسي ليك

نورتى التوبيك يا ساسو

جاااااااااااااامدة جداااااااااااااااااااااااااااااااااااااااااا وياترى ايه هيحصل بعد كدا ههههههههههههههههههههههههههههههههه

يويويويويويويو ايه الحلاوه دى ياواد يارامى دى جصه جميله جااااااااوى
يسلم فومك ياوله والبت سعديه دى جشطه وميدو يستاهل اللى حصله
ميرسى رامى على التيوةبيك هايل بجد مستنين باقى الاجزاء

شكرا على الردود الحلوة دى

على فكره القصه دى جامده بجد
ولذيذه جد

» اضحك من قلبك (اوعي تفهمني غلط)
» مغامرات دحان ... اضحك كركر اوعى تفكر
» مصطلحات الشباب عام 2009 اضحك كركر اوع تكشر
» تانى قاعدة تنفيضية "سوسو"
» اضحك مع المتزوجين