ثامن قعدات التنفيض ( ميمو ) المدير

تذكير بمساهمة فاتح الموضوع :

ودلوقتى معادنا مع قاعدة استنناها كتير

ربنا يعديها على خير

ارجوك

مع

ميمو

يلا يا جماعة

عايزين اسئلة رهيبة

القاعدة هتستمر لمدة اسبوع

يعنى هتنتهى الجمعه 3/4 بالليل

شدوا حيلكو يا شباب

رنا كتب:: اغرب موقف حصلك واتصرفت فيه ازاى
ولو الزمن رجع بيك هتتصرف فيه نفش التصرف ولا لاء؟؟؟
انا سايبهالك مفتوحه يعنى تقول على موقف اذا كان نادر او محرج اللى تحبه؟؟اوك يارب يكون وضح سؤالى

اغرب موقف وهو موقف محرج برضه

سمسم قبل كده زقنى من فوق سور كلية عندنا فى الجامعة

فوقعت واتعورت

وكمان كنت مدتله ايدى عشان يلحقتى واستندل

واطى من يومه

رنا كتب:: لوانت مش مرتبط بحد
ولقيت واحده بتحبك اووووووووى ومن زمان يعنى من سنين
بس انت عادى من ناحيتها ولا بتحبها ولا بتكرها
ممكن تفكر ترتبط بيها ؟؟؟؟

والله لو حبيتها يا رنا ممكن ارتبط بيها

لكن طول منا عادى مش هرتبط

رنا كتب:: ايه اصعب موقف مريت فيه بحياتك وعمرك مهتنساه؟؟؟

اصعب موقف اخر مرة سيبت فيها حبيبتى

رنا كتب:: اى صحيح هويات ياميمو؟؟؟

بموت فى اى حاجة تخص الكمبيوتر

ونفسى احترف الجرافكس والشبكات

رنا كتب:: ايه اكبر غلطه فى حياتك؟؟

انى دخلت اداب فلسفة

ملهاش اى لازمة الا انى اتعلمت الفلسفة بس

لكن ملهاش شغل الا قليل اوى

واكمل الباقى اما اجى بقى عشان نازل

سلام

مين أندل شخص من وجهه نظرك ؟؟

هل أنت رومانسي

أم العقلانيه تغلب عليك أكثر ؟؟

لما أخترت حبيبتك ...

أخترتها لان شكلها حلو ولا شخصيتها حلوه

ولا لأسباب تانيه ... وحكمت قلبك ولا عقلك لما أخترت ؟؟

( أحكي بصراحه )

لو خيروك بين حبيبك وبين اعز صديق فمن تختار ..؟؟

_ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق

اغمض عينيك دقيقه لو سمحت .. ماذا خطر على بالك وانت مغمض العينين ..؟؟

ما هو تعرفك للمجنون؟؟

العاقل؟؟

المتكبر؟؟

المتواضع؟؟

. اذا اردت ان تبكي الان , فعلى من تبكي؟

ومن ستختار ليمسح دموعك ؟

هل هزمك حزنك في يوما من الايام؟

.((مستحيل انساك)) لمن تقولها ؟

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

نوعـ تلفونك ولونه والرنه الحالية ورصيدك الحالي ؟
هههههههههههههه

وردة حمراء تهدينها لشخص واحد بس فالمنتدى

أيه أكتر حاجه بتفكر فيها ؟؟؟

حبيبتك ولا شغلك !!!

رنا كتب:: ايه الحاجه اللى بعد ماعملتها ندمت عليها وعمرك مهتنساها؟؟؟
ولو الزمن رجع بيك هتعمل كدا بردو ولا هتغير تصرفك دا؟؟

الحاجة اللى ندمت عليها انى اخدت قرار بالبعد عن حبيبتى

وندمت جدا

ولو رجع بيا الزمن مش هعملها ابدا

رنا كتب:: انت جرحت حد او اتجرحت من حد قبل كدا؟؟
لو اه ليه ؟ وكان عن قصد ولا لاء؟
واعتزرتله ولا مقدرتش؟
طب ندمت على جرحك ليه ولا لاء ؟
وتقول ايه للى جرحك؟؟
وتقول ايه للى جرحته؟؟

اه انا بالفعل جرحت ناس بس مش كتير وكان مجرد تصحيح اوضاع بس الموضوع اتنسى من غير اعتذار وطبعا مندمتش لان الوضع كان غلط واضطريت اجرح

واكيد اتجرحت من حد صاحبى واتفاجأت باللى عمله معايا

واقوله طالما نيتك كانت الخير خلاص انا نسيت

واقول للى جرحتك اعذرنى الوضع كان غلط من الاول

رنا كتب:: ايه الحلم اللى نفسك فيه وانت متاكد انه مستحيل
او صعب اووووووى بلاش مستحيل
عشان مفيش مستحيل
تحقيقه بالنسبه لك؟؟
يلا جاوب على الحبه دول لحد مجيلك تانى بالشفى ياميمو
هههههههههههههههههه

الحلم الصعب اوى انى ابقى رجل اعمال جامد اوى

وابقى ناجح جدا

ادينا جاوبنا يا ستى

ونا مستنيكى

SeMSeM كتب:: كده يا ميمو انا اكتر واحد مزعج
ده انا مسكين
طيب خد السؤال ده
ياترى بعد المشكله اللى حصلت مع حبيبتك
انت راضي عنها تماما
يعنى حاسس انه مفيش حاجه حصلت
ارغى وبالتفصيل الممله

انت مسكين انت ؟

بص يا سمسم

الموضوع ده خاص جدا مينفعش فيه تفصيل ممل

بس انا هجيبلك الخلاصة

حبيبتى انا راضى عنها تماما واخلاقها فوق الوصف زى منت عارف

واللى حصل علاها فى نظرى اكتر

saso كتب:: مين أندل شخص من وجهه نظرك ؟؟

الشخص الندل هو اللى بيخون صاحبه او بيستندل من وراء

والغلبان التانى مآمنله وهو عقرب

saso كتب:: هل أنت رومانسي

أم العقلانيه تغلب عليك أكثر ؟؟

انا العقل بيغلب عليا اكتر

بس ده ميمنعش ان فيا بعض الرومانسية

saso كتب:: لما أخترت حبيبتك ...

أخترتها لان شكلها حلو ولا شخصيتها حلوه

ولا لأسباب تانيه ... وحكمت قلبك ولا عقلك لما أخترت ؟؟

( أحكي بصراحه )

اخترتها للسببين

هى فعلا وفى المقام الاول اخلاقها حلوة جدا وشخصيتها كذلك

واكيد فيها بعض العيوب زى كل الناس

وكما عشان اموره

ونا لما اخترتها بصراحة كان قلبى هو اللى شغال فى المقام الاول

بس برضه عقلى مكانش ممانع

RORO كتب:: لو خيروك بين حبيبك وبين اعز صديق فمن تختار ..؟؟

اختيار من اصعب ما يمكن

لكن انا هختار الاحسن او الاصح

قلب حبيبى كتب:: _ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق

الخيانة شئ وحش اوى واحساس رخم

مبحبهاش خالص

المرأة ارق كائن فى العالم واصعب كائن فى التعامل

دماغ ناشفة تلاقى

ضيق عقل تلاقى

ربنا يكملهن بعقلهن

الصداقة هى فعلا شئ لا يستغنى عنه

لان الصديق ساعات بيبقى اكتر من الاخ

النميمة دى مبحبهاش خالص

لان اتنم عليا كتير

وللاسف مكنتش عارف ادافع عن نفسى

النفاق شئ وحش بس بيمشى الحال

وليه مسميات

الاول المجاملة ودى شغاله

اما النفاق بقى بالمعنى الصحيح ليه فده غلط وحرام

RORO كتب:: اغمض عينيك دقيقه لو سمحت .. ماذا خطر على بالك وانت مغمض العينين ..؟؟

خطر ببالى ان حبيبتى متضايقه شوية فى اللحظة دى

وان شاء الله اكيد هفك الخنقة دى

قلب حبيبى كتب:: ما هو تعرفك للمجنون؟؟

العاقل؟؟

المتكبر؟؟

المتواضع؟؟

المجنون هو من لا يتصرف من حيث العق

والعاقل من يفكر تفكيرا سليما قبل ان يتخذ القرار

المتكبر من قال انا وانا وانا

والمتواضع من لم يحمد فى نفسه ويرجع الفضل الى الله

قلب حبيبى كتب:: . اذا اردت ان تبكي الان , فعلى من تبكي؟

ومن ستختار ليمسح دموعك ؟

ابكى على الحال السائد وعلى كل من يحلم ولا يستطيع الوصول لحلمه

ونا مبحبش حد يشوف دموعى عموما وبالتالى مش هبقى حابب حد يمسحهالى

هختار اى منديل

هههههههههه

قلب حبيبى كتب:: هل هزمك حزنك في يوما من الايام؟

.((مستحيل انساك)) لمن تقولها ؟

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

حزنى كسرنى كتير لكنه مهزمنيش لان املى فى ربنا كبير

لحبيبتى

اقصد بيها الايام الجميلة بتاعت الجامعة والخروجات والدلع

بس اللى راح راح بقى

قلب حبيبى كتب:: نوعـ تلفونك ولونه والرنه الحالية ورصيدك الحالي ؟
هههههههههههههه

سؤال جامد وفريد من نوعه

تليفونى على قده 1200

والرنه نغمة لذيذة مش عارف اسمها

رصيدى الحالى قرب يخلص وكمان مستلف تلاته جنيه لانى فودافون

بس هشحن قريبا انا مش بخيل

هههههههههههههه

ماشى يا يويو

قلب حبيبى كتب:: وردة حمراء تهدينها لشخص واحد بس فالمنتدى

وردة حمراء ترمز للحب

وللاسف لشخص واحد بس

انا نفسى اديها للمنتدى كله

لكن طالما شخص واحد يبقى سمسم الفى اى بى

اخويا واستاذى الكبير

saso كتب:: أيه أكتر حاجه بتفكر فيها ؟؟؟

حبيبتك ولا شغلك !!!

الاتنين مع بعض

بس الشغل فى الاول وفى الاخر عشان حبيبتى برضه

نورتينى يا ساسو

اسألتك جميلة

الحقيقة مش لاقية سؤال اسأله بعد الأسئله اللي فاتت جامده جدا

ده شكلهم مستحلفينلك يا ميمو خااالص

هل تفضل المرأة الرقيقة التي تبكي من أقل شئ؟؟أم المرأة المتماسكة؟؟

وهل تعتبر البكاء عموما ضعف؟؟

وماذا تفعل عندما تبكي حبيبتك؟؟

إيه رأيك في الحب من أول نظرة؟؟

وهل حدث أن احببت من اول نظرة؟؟

إيه رأيك في الكدب؟؟

وأيه رد فعلك لو اكتشفت إن أعز أصحابك بيكذب عليك؟؟

أو واحد صاحبك بيتكلم عنك كلام مش كويس؟؟

"هتعمل ايه لو نمت يوم وصحيت ..وشفت نفسك في المرايا بكيت"

أيه هي الحاجة اللي تخليك لو بصيت لنفسك في المرايا تبكي؟؟

وإمتى تحس إنك عايز تضرب نفسك بالالم وتفوقها؟؟

إيه هو أكبر جرح حصلك في حياتك؟؟

ولو حد غلط في حقك هل بتقدر تسامحه بسهولة؟؟

وإيه الحاجات اللي عمرك ما تسامح فيها؟؟

واخيرا لحد ما افكر في اسئلة تانية...

هل انت شخص عنيف بطبعك..يعني ممكن تلجأ للضرب إذا حصل شد بينك وبين اي شخص

وإيه رأيك في الرجل اللي بيضرب زوجته؟؟أو أخته؟؟أو بيستخدم الضرب مع المرأة عموما؟؟

lolobadawy كتب:: الحقيقة مش لاقية سؤال اسأله بعد الأسئله اللي فاتت جامده جدا

ده شكلهم مستحلفينلك يا ميمو خااالص

هل تفضل المرأة الرقيقة التي تبكي من أقل شئ؟؟أم المرأة المتماسكة؟؟

وهل تعتبر البكاء عموما ضعف؟؟

وماذا تفعل عندما تبكي حبيبتك؟؟

الحمد لله لقيت حد حاسس بيا

يا لولو خير الامور الوسط

ونا ولا بحب العياط الكتير ولا تبقى زى الحيطة يعنى

ونا مبعتبرش البكاء ضعف لا الا اذا كان عمال على بطال

بيبقى رخم

ببقى متضايق جدا وبحاول افكها

lolobadawy كتب:: إيه رأيك في الحب من أول نظرة؟؟

وهل حدث أن احببت من اول نظرة؟؟

انا مبسميهوش حب بسميه اعجاب لان الحب فى نظرى بيبقى حب للشخصية كلها على بعضها

مش نظرة يعنى

وانا لا محبتش من اول نظرة

lolobadawy كتب:: إيه رأيك في الكدب؟؟

وأيه رد فعلك لو اكتشفت إن أعز أصحابك بيكذب عليك؟؟

أو واحد صاحبك بيتكلم عنك كلام مش كويس؟؟

الكدب حراااااااااااام

حاجة زبالة طبعا

رد فعلى انى مش هعرفه تانى ولا هفكر اكلمه

lolobadawy كتب:: "هتعمل ايه لو نمت يوم وصحيت ..وشفت نفسك في المرايا بكيت"

أيه هي الحاجة اللي تخليك لو بصيت لنفسك في المرايا تبكي؟؟

وإمتى تحس إنك عايز تضرب نفسك بالالم وتفوقها؟؟

اكيد لو لقيت نفسى سنى اتقدم وكبرت

او ملامحى اتغيت من الاحباط

هههههههههه

لما بضايق والدتى

lolobadawy كتب:: إيه هو أكبر جرح حصلك في حياتك؟؟

ولو حد غلط في حقك هل بتقدر تسامحه بسهولة؟؟

وإيه الحاجات اللي عمرك ما تسامح فيها؟؟

واخيرا لحد ما افكر في اسئلة تانية...

هل انت شخص عنيف بطبعك..يعني ممكن تلجأ للضرب إذا حصل شد بينك وبين اي شخص

وإيه رأيك في الرجل اللي بيضرب زوجته؟؟أو أخته؟؟أو بيستخدم الضرب مع المرأة عموما؟؟

بصراحة بالنسبة لاكبر جرح فدى حاجة شخصية شوية

ومش حابب اقولها

لو حد غلط فى حقى مبسامحهوش الا اذا كان يستاهل انى اسامحه

الخيانة عن عمد بأى شكل من الاشكال

لا الحمد لله انا مش عنيف

وعمرى ما ألجأ للضرب لان دى همجيه

والرجل اللى بيضرب زوجته ده همجى ومش عاقل بالمرة

العقاب المعنوى نتائجه افضل بكتير

ميرسى يا لولو ومستنى باقى الاسئلة

وردة

وانتهت القاعدة

ميرسى جدا لكل اللى شاركوا

استنونا قريبا مع عضو جديد

سلام

مغلق

» والآن مع سابع قعدات التنفيض مع نائب المدير "سمسم"
» وبعد طول انتظار "سادس" قعدات التنفيض مع نجمة المنتدى ( دوللى )
» كرسى التنفيض ؟؟؟الحق نفسك يمكن ننفضك ""
» ازاى تخنق ميمو
» حكم ميمو عليا (صوره مضحكه ادخلوا شوفوا عريس المتدى)