اتحدى اى شاب او فتاة تجاوب على الموضوع دة..اجابة صحيحة 100% هااااام

بسم الله الرحمن الرحيم وبه نستعين
مساء الخير يا شباب ويا بنات
انا بصراحة فى نقطة نفسى من زمان اتكلم فيها......

طيب ايه هو السؤال دة اللى هو بيتحرف من شخص لشخص مع انه يقينا موجود فى كل شخص باجابة ثابته؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا هقول السؤال واتحدى اى حد يجاوبه بصراحة بصراحة بصراحه!!!!!

تقبل ترتبط ببنت مشيت او عرفت حدغيرك ؟؟؟؟؟؟

وحط تحت مشيت وعرفت تلتميت خط بولد عشان دة محور السؤال

وطبعا اى شاب لو سالته السؤال دة ومتكنش قدام بنت...
هيقول ما دام مشيت معاك مرة يبقى ممكن تمشى مع غيرك او حتى تكون مشيت قبل كدة

لكن لو بنت سالت الشاب السؤال دة...يقول لها...لا يا حبيبتى مش مشكلة اننا مع بعض...مدام بنحب بعض خلاص...اهم حاجة النيه يا حبيبتى...انتى مش واثقة فيا ولا اية؟

وارجو ان اللى شايف سؤالى تخلف...يخرج من الموضوع وما يكملوش لان الكلام مش هيعجبه... وخليه هو عايش فى عصر التقدم وان كل حاجة عادى وايزى ما دامت بريئة...اهم حاجة تكون بريئة..يا سلام

باختصار...كان زمان الحب جميل وبنستمتع بيه...التقل والاشواق وحب الوصول ونشوتى لما اشوف حبيبتى من بعيد...وابقى نفسى اكلمها لكن خايف اما تيجى عينى فى عينيها انسى الكلام وتقول عليا مش بعرف احب......

...وقلت انى اتمنى ان البنت اللى احبها هى تكون زوجتى...عشان اتجوز اللى قلبى دق لها...واعيش معاها وانا سعيد

سالت ايه المواصفات الكويسة يا جماعة...ما لقيتش اجمل من كلام الرسول عليه الصلاة والسلام...الدنيا متاع وخيرها المرأة الصالحة

قلت مية مية...انا هنزل ادور على زوجة صالحة...بس لقيت حاجة تانية

لقيت فى الشارع البنت كاته من المدرسة وماشية مع عيل صغير بنطلونة صغير ومبين جسمه خالص وماشيين على النيل وايده على كتفها ودخلواحته ضلمة واختفوا...لا وايه...الانسة مخمرة...طاب ايه اللى ناقص؟؟؟

وواحدة تانية نفس الكلام..بس ايه...لابسة ايشارب...بجد انا مستغرب
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
الانسة لابسة ايشارب وشيبة ديقة جدا وتونيك مجسم اوى هينفجر وحاطة احمر واخضر ولون شفايف مغرى...والماشية بقى ما اوصقش...عارضة ازياء

لكن طبعا كل دة عادى...لان البنت لابسة ايشارب يعنى محترمة ما تقلقش

قلت اروح الجامعة....البنات بالغة ومش هبص على البنات المراهقة
ويا رتنى ما رحت
البنات فى الجامعة اكنها فى بيتها تمام
رايحين الجامعة لابسين...وانا اسف فى اللفظ...لابسين قمصان نوم
وكل واحدة بتحاول تلبس احسن حاجة تغرى وتخلى الشباب يبصلها

يعنى المقياس للبنت دلوقتى بعدد الشباب اللى اتعلقوا...بغض النظر ايه عريان ايه متجسم

طاب انا عايز اسال البنت اللى بتعرى او بتجسم نفسها
تفتكرى لو واحد ساعتها عاكسك او قاللك انا بحبك...
تفتكرى هو عايزك ليه...ايه اللى لفت نظره فيكى..وايه ساعتها اللى عايزه منك؟؟؟

ادبك ولا تدينك ولا اخلاقك ولا لبسك المحترم؟؟
اكيد مش حاجة فى دول
ولذلك يبقى اكيد مش بيحبك وكل اللى هيقوله عشان بس ينول اى حاجة منك...ولو بوسة فى النهاية...لان الشاب مش عبيط وبيعرف البنت من نظراتها ولبسها وكل حاجة

والبنت فى الجامعة كمان تخرج مش كل شاب شوية..وعادى فى الرحلات البعيدة اسكندرية القناطر مثلا...ونلعب كهرباء...اخدها على العجلة عشان اعلمها السواقة...اعديها الطريق ...نلعب سبت حد...اخد التوكة منها وهى تفضل تاخدها منك بالعافية...وطبعا ما شاء الله لو شفت كل دة بعينيك تقول اتنين فى شهر العسل.....ويا سلام لو نرقص شوية على الدى جى...واحدة بتهز جسمها ومفاتنها وبترقص لواحد غير جوزها وقدام الناس

طبعا دة تقدم...واللى يقول غير كدة يبقى متخلف ومعقد ودقة قديمة

مسك ايد واحضان (( غير مقصودة طبعا ))
وتعالى اركبك مش عارف ايه...طاب نسيب صحابنا ونعد تحت الشجرة دى شويه عايز اقوللك حاجة...انا بحبك...هاتى بوسة...متخفيش احنا لبعض...انا معتبرك مراتى

وطبعا البنت عارفة ان كل دة غلط وحرام...وان اللى بيقوله دة حوارات عشان يطول اى حاجة

لكن

هى بتسكت عشان تبرر لنفسها وليه انها مصدقاه وان كل دة بجد عشان تثبت لنفسها وليه ان دة حقه وحقها وتبرير لاى حاجة تحصل

عشان لما يسيبها ...وطبعا دة هيحصل
يقول لها معلش يا حبيبتى...اصل اهلى غصبوا عليا بنت عمى
تقوم الانسة قايلة...ايه دة يعنى كل اللى فات دة كان تمثيل؟؟؟
(( انا كل الى عملته دة عشان فاكراك بتحبنى ))

وبصراحة فى موقف حصل حقيقى...اعرف اسرة محترمة...واتعرفت على بنوته منهم عندها 12 سنة زى العسل...قالتلى احنا خرجنا مرة انا واختى و و و ويالهوى على اللى اتحكى
اختى واحد بصلها امت ايمة وقام وراها ولكمها وادته التليفون
مع العلم ان اختها متجوزة ومخلفة بس جوزها مسافر
وبنت عمى كذا كذا..ومش عارف ايه كذا

انا طولت

يا جماعة نتجوز ازاى والبنات وانا بقولها علنا ...البنات مبقاش ليها امان

وكل واحدة تقوللك دة زميلى دة صديقى دة مش عارف اية
اى مبررات عشان بس يفكوا عن نفسهم قانونيا...يا سلام

انت تقبل ترتبط بواحدة من دول؟؟؟؟
طاب اجابتك لو لا...طاب هترتبط بواحدة نظامها اية؟؟؟؟؟؟
طاب انا غلط...ممكن حد يصححلى خطئى ....بس يقسم انه هيتكلم بصراحة؟؟؟؟

اعجبنى فنقلته

والله يااخى الموضوع صعب جحدا لان بجد دلوقتى مفيش بنت مش مرتبطه بجد والله
ومافيش بنت ملهاش ماضى او عاشت قصه حب قبل كده
وانا عن نفسى مش بعترف بالحب بتاع الايام دى
ومجرد ان وحده تخرج معاك كده من ورا اهلها وتكب عليهم يبقى اكيد هتكدب عليك
ودى وجهة نظرى المتواضعه

ميرسي يا ميدو على موضوعك

بس مش عارفه ليه بتبالغوا قوي كده ومحدش بيقول مش كل البنات

مش كل البنات بتلبس ضيق ولا كل البنات بتلبس خمار وبتعمل اللي انت ذكرته

زي ما في الوحش فيه الكويس

والحب الطاهر عموما مش عيب ...الاهم ان يفضل كل واحد من الطرفين محافظ على

كرامته وميعملش اي حاجة غلط

ولو كانت البنت اللي مش محترمه لقت كل شاب حط عينه في الارض وبصيلها بقرف عشان لبسها

الضيق المقرف ومعاكسهاش ولا عمل معاها علاقه اظن كانت حاجات كتير اتغيرت

العيب مش على البنت وبس....العيب على الشاب كمان

لو كل واحد فكر وقال لنفسه انا مش هعمل اي حاجة غلط مع اي بنت ولا امشي معاها

عشان "ان تدين تدان"وهعتبرها زي اختي لحد ما اتقدملها بردو الحياه هتغير

وبالنسبه للبنات اللي ذكرتهم في التوبيك فدول مش بنات حد يتجوزهم اصلا لان دول مبيتجوزوش في الحقيقه

واخيرا .....الرسول دلك على المراه اللي تتجوزها في الحديث الشريف..

قال رسول الله (صلى الله عليه وسلم):

"تنكح المرأة لاربع:لمالها ولجمالها وحسبهاونسبها ولدينها..فاظفر بذات الدين تربت يداك"

واظن زي ما في بنات عايزة الحرق بتصرفاتها...صدقني في بنات محترمة وبتحافظ على نفسها

وميرسي ليك مع اني بجد اتضايقت جدا من التوبيك ده

اولا ميرسى يا ميدو على توبيكك

ثانياً انا اختلف معاك جملة وتفصيلا فى كل اللى اتقال

وبما ان التوبيك ليس من قلمك ولكن هو اعجبك ووضعته اذن فهذا رأيك ايضاً

انا اتفق 100% مع لولو فى ان مش كل البنات زى اللى انت ذكرتهم

نتكلم بقى حاجة حاجة

أولاً يا سيدى وبكل صراحة اهم حاجة فى البنت اخلاقها اللى هى عليها من ساعة ما عرفتك

واذا كانت غلطت قبل كده فكلنا بنغلط يا سيدى

واظن انت نفسك بتغلط

لكن الاهم اننا نعرف الغلط ومنكملش فيه

ده اولا

ثانياً بقى احب اقولك ان مش كل الشباب زى اللى انت ذكرته برضه

مش علشان قدامها يقولها انتى حبيبتى وكده ومش هسيبك وهو فى قرارة نفسه هيسبها

لا فى شباب محترمة ومبتلعبش ببنات الناس

ثالثاً موضوعك ده كله بيتكلم عن الناس اللى مقضياها

ارتباط كده وكده يعنى عشان مسكة ايد وخروجات ولوازم كل ذلك

لكن انت مجيبتش سيرة الارتباط والحب الحقيقى الطاهر اللى فيه كل حد بيخاف على التانى اكتر من نفسه

****

انا مبقولكش يا سيدى ارتبط بواحدة من اللى انت قولتهم

لكن دور على بنت محترمة وارتبط بيها

وبما انك متشائم لدرجة انك بتقول انه مفيش امان لبنت واحدة انها متكونش ارتبطت قبل كده

احب اقولك لا فى بنات متربية وبنات ناس

وتقدر تصونك كويس اوى

بس الظاهر انك مقابلتش حد كده

اكيد كل اللى شوفته هو النوع اللى انت ذكرته ومتعرفش النوع الاخر

*****

ليا تعليق بسيط على رد العضو قمة الرومانسية

مش معنى ان البنت كدبت على اهلها انها تكدب عليك

البنت لما تكدب على اهلها وهى مش بتكدب فى حاجة تانية

يعنى لو مكدبتش الا فى انها عايزة تشوفك ومش هينفع تقولهم فهنا هى كدبت علشانك

يعنى عملت حاجة مبتعملهاش علشانك

ولولا انها خايفة من اهلها كانت قالتلهم

انما الظروف هى اللى خلتها تعمل كده عشان حد بتموت فيه وعايزة تشوفه

فلما ييجى الحد ده يقول اللى تكدب على اهلها هتكدب عليا بعد اللى هى عملته

يبقى صدقتى انت متستاهلش حبها ليك

دى البنت الكويسه

انما فى بنات مش كويسه طبعا ومقضياها كدب

دول بقى الى هيكدبوا على الدنيا كلها

الا اذا ربنا هداهم

سورى على طول رأيي بس انا كان لازم اوضح النقاط دى لان التوبيك يعبر عن وجهة نظر غير متكامله اطلاقاً

وفى الاخر ميرسى يا ميدو على مجهودك

بجد رد ممتاز يا ميمو ومنطقي جدااااا

نابع من حد لما بيحب بيحب بجد حب حقيقي وطاهر

بجد رد في منتهى الروعه ...ومنتهى العقلانيه

ياريت نبص لنص الكوبايه المليان ...ومنعممش

لان البنات بتعمم على الشباب والعكس بيحصل ولو فضلنا كده يبقى مفيش حد هيتجوز

ولو اتجوزوا هيتطلقوا من الشك وجنونه

وربنا يهدي الجميع

اتفق معاكى جدا يا لولو

وميرسى ليكى ولذوقك

وردة

يا جماعة مش تزعلو دى وجه نظر ان مش قولت كل البنات بتسبس قصير

لو التوبيك مش عجبكم انا بطالب بحذفه

انت قولت يا ميدو ان دى وجهة نظر

واحنا هنا مبنصادرش وجهات نظر حد

يعنى التوبيك مش هيتحذف

انما احنا ببنقد وبنتناقش

واختلاف وجهات النظر ولا يفقد للود قضية

اوكى ميمو شكراا ليك

هو بصراحه المفروض لا تعليق بعد كلام ميمو و لولو
لانى متفقه معاهم 100%
بس اللى ممكن اقوله ان مش كل البنات كده هو ايوة فيه بس مش كلهم

بصراحه انا متفقه طبعا مع ميمو ولولو
بس في حاجه ان الولد يمشي مع واحده مثلا ويقول انا مش حتجوز الي مشيت معاها
وتلاقيه اتجوز واحده مشت مع طوب الارض قبليه
بس فعلا البنت في اخلاقها وتصرفاتها وتعاملها الكويس مع الناس
وميرسي علي التوبيك

عندك حق يالا

مش ينفع ولد يمشى مع بنت غير لما يكونو بيحبو بعض

وتفقين على الجواز

ميرسى ليكو اوى

» هل تستطيع ان تقرأ هذا الموضوع دون ان تدمع عينيك؟؟
» تحب ولا تتحب سؤال عوزين له اجابة
» اسالة غبية و اجابة اغبى
» حصريا : فيلم - حسن ومرقص - بجودة جيدة جدا
» الموضوع هو عباره عن رسائل حب وغرام