هل تخجل من زوجتك؟

نعم... هذا سؤال جدير بالطرح...
هل تخجل أن تمسك يد زوجتك أمام الناس؟

هل هناك ما يحرم ذلك شرعا؟؟

ما بال (البعض) اذا دخل محلا نسائيا ابتعد الى ركن قصي و ترك زوجته تفاوض الرجل البائع و كأنها لا يعرفها؟؟

لم يعامل (البعض) زوجاتهم خارج البيت كما لو كن شيئا يخجل (بضم الياء) منه؟؟

استمع الى (البعض) حين يرد على زوجته بالهاتف او الموبايل.... تتغيراللهجة الى الأسلوب الرسمي الجاف و يتعمد الكلمات المقتضبة... وقد يضطر الى استعمال الرموز اذا طالت المكالمة!!!!

ما العيب في أن تحدث زوجتك باحترام و تقدير كما تفعل مع أصحابك؟؟

أو ليست هذه زوجتك.. حبيبتك.. شريكة حياتك؟؟

أو ليست هذه من شغفت بها في أيام الخطبة.. و طرت فرحا حين عقد لكما الشيخ... و كدت تلامس السماء من الحبور و السعادة اذ زفوها اليك؟؟!!

الا تستحق منك ما يشعرها بأنها انسانة مهمة في حياتك؟؟

اليست هذه حال شريحة موجودة بقوة و وضوح في مجتمعنا؟؟

أبوووووووووووووووووووووووووووووووووووووووووووس الأيادى
أرجو المشاركه
حتى لو مش متجوز أعتبر نفسك متجوز أو قول رأيك فى الموقف ده

أو أعمل أى حاجه

يلا يا شباب

وانا اول واحده هشارك ياسمسم
وبقولك صح والله يابنى ايام الخطوبه يطيروا م الفرحه لو حتى بس الموبيل رن ولقى
خطبته ويتكلموا بالسعات وبعد كدا بيتغيروا
تفتكر ايه السبب ياريت الكل يرد ويقول والا الحاجه لما تبقى قريبه من الواحد بيهملها
وطول مهى بعيده عنه بيبقى متشوق ليها وتفتكر العيب عند الراجل ولا الست فى دا
ميرسى ليك ياسمسم اوبيك هايل

ميرسي ليك يا سمسم بجد توبيك جامد ومن واقع الحياة

وفعلا اللي قلته بيحصل ان مكنش بيحصل اكتر من كده

وهو انه يزعقلها في التليفون احيانا او ميردش خالص عليها

ولو رد يقولها انا عندي شغل اخلصي في ايه وبعد ما يقفل ممكن

يغلط فيها....وكانها مش زوجته وام اولاده وكان الدين قالهم اعملوا كده

بس الحقيقة يا رنــــــا

في حالة تغير العلاقه دي عن قبل الخطوبه بيبقى السبب من الطرفين وليس من طرف واحد بس

أولا:كتير من الزوجات هما اللي بيخلوا ازواهم يعاملوهم كده بعد الزواج لان هما نفسهم بيتغيروا
180درجة بعد الجواز من ناحية انها مبقتش تهتم بيه او حتى تتكلم معاه وتساله عن اسباب مضايقته
او.....او........او وبالتالي هو كمان هيعاملها نفس المعامله

ثانيا:كثرة اعباء الرجل في الوقت ده ومسؤليته الجديدة اللي مكنتش له لا على البال ولا على الخاطر
بتخليه يتغير ويحس انها سبب اعباؤه وده بيخليه يقول انا اللي جبت ده كله لنفسه خاصة لو ملقاهاش مقدرة تعبه عشانها وعشان بيتهم وحياتهم تكمل

ثالثا:ودي الاهم ان الممنوع مرغوب وايام الخطوبه مبيشوفش خطيبته دي غير مرة كل اسبوع ومتعودش
يشوف نفس الخلقه يوميا طبعا فده اللي بيخليه خلاص بقة اعتبرها من اثاث البيت واهي موجوده هتروح فين
وبيحس ان وقت الشغل ده الوقت الوحيد اللي بيرتاح فيه منها فما بالك لو هي بقة اتصلت بيه كمان في الشغل

يعني الاتنين غلطانين ...لان لو كل واحد فيهم صحح اخطاء نفسه واهتم بالتاني وحافظ على كرامته ومشاعره

هتبقى الحياة جميله جدااا

ولو رد عليها بطريقه رخمه زي المذكورة في التوبيك..وكان ردها...مالك؟انا حسه انك متضايق قولي يمكن اخفف عنك...متضايقش نفسك.. اظن ان الحياة بردو هتبقة احسن ع الاقل هيحس ان في حد بيخاف عليه
وهيحس بالذنب انه رد عليها بالطريقه دي

وطبعا التغيير مطلوب وعدم الثرثره اللي عمال على بطال

سوري على الاطاله بس بجد توبيك جميل قوي

شكرا ليكي
يارنوش
على الكلام الجامد
ده واكيد برضه كلام لولو
اللى فوق الهايل
شكرا ليكو كلكم
وياريت سمع راي ابن عمى ميمو
وبقيت الاعضاء

لا يوجد كلام يقال بعد ما قيل يا سمسم

لولو حللت الموضوع كله

بس احب اضيف حاجة

الموضوع نسبى من شخص لآخر من زوج لآخر

وعلى حسب كل واحد وشخصيته مثلا

يعنى فى ناس لما بتتضغط فى شغلها مثلا مبتحبش حد يخرجها عن تركيزها

وبالتالى لو حصل بيبقى فى بعض الضيق لخروجه عن تركيزه فى عمله

ياعينى بقى لو مراته بتكلمه عشان تضيع وقت

بيبقى هاين عليه انه يطلقها ههههههههه

فى ناس تانيه بقى بتتعامل بدبلوماسية فى المواقف دى

ودى الحلول المثلى فى هذه المواقف

خليك لبق ولو مشغول قولها سورى يا مراتى انا مشغول شويه

اما ارجع البيت نتكلم براحتنا

بس كده

» كيف تقتل زوجتك دون ان تكتشف الشرطة
» ما الفرق بين زوجتك والريموت كنترول؟!