نقاشات جادة بين البنات والشباب

فعلا يا ميمو انت عندك حق

مينفعش نقول الشاب هو اللي السبب لان لو كان شاف ان البنات كلها رافضة المعاكسات ومش بتستجيب ليها مكنش عمل كده وده طبعا اللي بيخليه ميفرقش بين بنت محترمه او لا لانه شاف اكيد ان في منهم بيستجيبوا لمعاكساتهم واحتمال كمان تقلب صحبيه وعلاقات ملهاش اي وصف غير انها محرمة

وبردو منقولش ان البنت السبب عشان لبسها لان الكل بيتعاكس حتى لو كانت منتقبه وده بردو لان الشباب مبقوش يفرقوا دي زي غيرها وتلاقي معظمهم بيكرهوا البنات عمى ويقولك كلهم زي بعض دول كذا وكذا وكذا بدون تفرقة

يا جماعة لسه في بنات كويسه ومحترمة ولسه في شباب كويسة ومحترمة

والعبرة بالتمسك بالدين والاخلاق ويارب تحفظ وتهدي كل شبابنا وبناتنا


وشكرا ليك يا ميمو بجد الموضوع رائع

اى مشكلة فى الدنيا مش بتيجى من فراغ او من طرف واحد واكيد ليها مسبب فيها...

الولد اكيد لو شاف بنت لبسها مبين جسمها وتبصله او تضحك ضحكة غبية بتلفت نظر الولد وهو هيعاكسها ودى غلطة البنت
والمفروض الولد يقول مع نفسه ان لو له اخت ميرضاش ان يتعمل فيها كدا سواء كانت محترمة فى لبسها ومشيتها او لا.

والبنت لو الولد عاكسها وهى رافضت الموضوع ومضحكتش الولد هيزهأ ومش هيعاكسها تانى والعكس صحيح

صدقونى البنات والشباب المحترمة موجودة لكن الباقى بيحاول يكون "كووووووول ومودرن"
وربنا يهدينا ويهدى الناس جميعا

اوكى كل الكلام اللى اتقال جميل جدااااااااااااااا
ومعاكم ان فى بنات وولاد محترمين
بس يمكن اللى زود الموضوع ده وازدياد نسبه المعاكسه
يرجع لعدت اسباب
اولا الفراغ اللى الشباب بقوا فيه
بسبب البطاله وكل واحد يخلص دراسته ويتركن على القهاوى
بدون اى جدوى ولا معنى لحياته
ومشاهدت الكليبات الساخنه على الدش
ومحاوله التقلد بالغرب وده خلى يبقى فى عندنا ضعف فى الايمان وانحدار فى الاخلاق
وده اللى بتسعى ليه البلاد الاوربيه واليهود ومع الاسف احنا بنساعد على ده
وكمان عدم قدرت الشباب على الزواج بسبب الظروف اللى بيمر بيها الشباب فى بلادنا
وبردوا انا مش بدافع عنهم لان فعلا فى بنات بيبقوا فى قمه الحشمه والاحترام وبردوا مبيسلموش من معاكساتهم وكلامهم الجارح
واكبر مثل طبعا موضوع جامعه الدول اللى كلنا عارفينه وكانوا زى مسمعنا البنات محتشمات واتهانوا اهانه فاضحه
يعنى منجبش الغلط على البنات بردو بس اعتقد ان السبب الاساسى للمعاكسات هى الاسباب اللى طرحنها فى بدايه كلامى عن
الموضوع يعنى الموضوع سياسى وليه نظره تعمقيه اكبرمن اللى احنا بننظر ليها
وبتهيقلى كمان لو البلد قدرت تشغل كل ولادها وتملئ فراغهم ده مش هيقى عندهم وقت للهبل والكلام الفاضى ده
وربنا يهدى الجميع ويثبت ايمانا جميعا

عندك حق يا ساسو موضوعك حلو اوى
وانا بتفق معاكى فى رايك
وبتفق معاك برده يا ميمو بس الى حد ما لان مش كل الاوقات لازم تسمع كلامه لان ابوها اولى بانها تسمع كلامه ودا طبعا فى حاله ان ابوها مربيها كويس جدا جدا يعنى مش هيكون فى فرصه انه يتحكم فيها قبل الجواز بالطريقه اللى بتقولها
بينى وبينك التحكم وانت عارف راي كويس فى الموضوع دا لازم يكون بالاقناع وبالتالى مش هيكون فرض راى يا ساسو
انا حاسه يا ميمو انى هقلب كمان شويه
انا كل شويه احامى للشباب
مع انى عندى عقده منهم هههههههه

سؤال للشباب
ليه شباب كتيرة اوى لما بيرتبط ببنت
وعارف ان البنت ميتة فيه وعشقاه وتعمل المستحيل
ويقول بينه وبين نفسه
لا..انا مشيت معاها ..اذن مش ينفع انها تكون مراتى
واكيد لو سبنا بعض هتحب غيرى ومش هقدر اامنها
على بيتى ... والخ والخ
وانتوا عارفين بقى

يلا عايزة اشوف ردود الشباب بصراحة واراء البنات فى الموضوع

يابنتى الشباب هربانين من الاجوبه عارفين انهم غلط غلط غلط
فى جميييييييييع الاحوال
ههههههههههههه
جاوبم بدل ما اقلب الطربيزه عليكم