حاجات هبله بنعملها كل يوم

بصراحه في حركات هبله بنعملها كل يوم

واحنا عارفين انها هابله ومع ذالك بنعملها

مثلا:

ليه بعد ما نشرب كانز البيبسي ونخلص نهز العلبه

يعني مستني عفريت يطلعلك من الكانز يقولك

مبروك كسبت كمان شفطه

ليه اذا شفناعلي جدار او عامود نور عباره:احترس من الدهان

ما نصدقش ونجرب باصابعنا يعني لازم يحلفوا

ليه اذا كانت بطاريه الريموت الكنترول ضعيفه نضغط بقوة علي الازرار

يعني كده هتشحن البطاريه

لي اذا تاخر الاسانسير نضغط علي الزر كذا مره

يعني كده خلاص هيحس علي دمه ويجي بسرعه

ليه لما نكون قاعدين في مكان عام ونسمع رنه مسج

ولا رنه موبايل علي طول نشوف موبايلنا

يعني انت مش عارف رنه موبايلك

عشان كل ما واحد يرن تبص

صحيح والله عندك حق

بس على راي الاعلان

هي كده وحلوة كده

والله انا بعمل كدة ومش عارفة ليه
يمكن عشان مبقاش فى ثقة من الكلام
بتاع الناس يخلينا نعمل الحركات
لا ارادية زى الريموت او الاسانسير
وشكراااااااااااا على الموضوع يا king

ميمو

ميرسى على مروركم يا لولو ويا سوسو

اشياء تعود عليها الشخص (امر بديهى)لاسف مش بامره

ميرسى لمرورك يا كوكو

علي فكره التوبيك تحفه ويموت مت الضحك
بس لما بطاريه الريموت بتخلص انا بعمل حاجه تانيه
بفضل ادوس عليها واعفصها
لغايه ما تجيب اخرها
هو انا لسه حلبس وانزل عشان اشتري واحده تانيه
بس بتنفع والله جربها

احنا اصلا بندوس على زرار الاسانسير تاني لانه ممكن يكون كان فيه حد فاتح الباب وقفله وكدة ينزل الاسانسير

YALLA YALLA كتب:: علي فكره التوبيك تحفه ويموت مت الضحك
بس لما بطاريه الريموت بتخلص انا بعمل حاجه تانيه
بفضل ادوس عليها واعفصها
لغايه ما تجيب اخرها
هو انا لسه حلبس وانزل عشان اشتري واحده تانيه
بس بتنفع والله جربها

ميرسى يا شوشى على مرورك الرائع

بس انا عندى حل تانى بخصوص البطارية

حطيها فى الفريزر كام يوم وجربى

هتشحن وتشتغل معاكى

toto كتب:: احنا اصلا بندوس على زرار الاسانسير تاني لانه ممكن يكون كان فيه حد فاتح الباب وقفله وكدة ينزل الاسانسير

ميرسى على مرورك ومشاركتك يارنيم

بس صدقينى حتى لو متأكدة ان الباب مقفول هتدوسى كذا مرة

هى كده واتعودنا على كده

اية ياعم الحلاوة دى
انا خايف الزق من الحلاوة

ramy adel كتب:: اية ياعم الحلاوة دى
انا خايف الزق من الحلاوة

ونا يارامى خلاص لزقت من العسل اللى بينقط من الرد بتاعك

نورت

» حاجات تخلى الشاب يولع فى نفسه