عفوا الشاب المصرى غير متاح حاليا ..اعد المحاولة مرة اخرى؟؟

هل أنت لاقدر الله مثقف؟؟

هل فكرت وغامرت واتهورت مرة وقريت كتاب؟؟ farao

بتقرا حاجة غير مجلة ميكي ؟؟ :study:

عندك مصدر بتجيب منه معلومات غير قعدة القهوة و الكافتريا Smok-003

واللف مع صحابك ع الكورنيش ؟؟ :suspect:

تعرف يعني إيه حزب؟؟

هل تعلم ماهى الليبرالية والفدرالية والإشتراكية ؟؟ :scratch:

يا ترى بتدخل ع النت ليه؟؟ عشان تتثقف؟؟ :study:

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات
فكل الدراسات والأبحاث تشير إلى أن الشباب المصرى عليه العوض و منه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!!
- يعني احنا شباب تمام .... في العصر التمام -

انا لاقيت الاحصائيات دى ع النت و قولت لازم انقلها علشان تكمل فيها يمكن لعل و عسى يحصل تغير ( لا قدر الله )

حيث تشير إحدى الدراسات إلى أن:

80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64% - لا شباب متدين صحيح -

أما في الصحافة nzd

الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"
..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..

ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس- يا حلاوة!! Evil-002

-

و الكارثة بجد kngt

هى وجود أكثر من 74 % من الشباب لا يعرف اسم أول رئيس للجمهورية - محمد نجيب يعني -

وذكر أيضاً أن 19 % يظنون أن مصر فيها حزب واحد فقط - أكيد قصدهم على حزب النادي الأهلي - بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%) _ على فكرة انا منهم

( مع إن الأحزاب في كل بلاد العالم تعتمد أصلاً على الشباب بشكل أساسي old

..ويستطيع الشباب من خلالها إقامة واسقاط الحكومات

فنجد أن الشباب الأوكراني ura1

وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم

وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم. nunu

. )

طب تعالوا نشوف ازاى الشباب المصرى بيستفيد من الانترنت leb

فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي kap

!!!

لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !! budo

..

فى وقت إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت .. ( عشان كده بيتقدموا.. )

فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟

طب و بعدين ايه اللى حصل :shock:

اللى حصل بقى ان الكلام ده قلق ناس جامد وعارضوه بشده فقالوا لازم يطمنوا ويتعاملوا مع الواقع وبلاش كلام الاحصائيات الخايب ده ورفعوا شعار عمار يامصر و بلدنا لسه بخير و عايزنها تبقى خضرا ولازم يطمنوا علي الأرقام دي بنفسهم.. وعلى الشباب الجامعي المثقف..

فنزلوا للجامعة ( جامعه القاهرة ) وعملوااستطلاع لعينة عشوائية من طلاب الجامعه

( 20 طالب )

وكانت النتيجة ان معظم الطلاب 17طالب يستخدمون النت للشات
( مش لحاجه تانيه خااااالص لا سامح الله )
وإن 15 طالب لا يقرأون إلا الكتب الدراسية ( ده إذا كانوا بيفتحوها أساساً )
ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل
( الحمد لله أهو لقينا حد بيقرا حاجة ) :study: ..

طبعاً مش لازم تبقى محمد حسنين هيكل..ولا لازم تكون فهمي هويدي
( مصيبة لا تكون مش عارف دول كمان :scratch: )

لكن على الأقل تكون فاهم.. santa

وعارف .. وداري باللي بيجرا حوليك
فاهم العالم ماشي إزاي ومين عايز إيه؟؟
ومين بيعمل إيه عشان يكسب إيه؟؟
و مين كويس و مين وحش ؟؟
وقبل كل ده تكون عارف كويس..أنت عايز إيه؟؟

لأن فعلاً جهلنا ثقافتنا في كل شئ خلانا أمة نايمة مش بتفكر ولا عايزة تفكر
.. دماغنا فاضية What a Face

.. مفيهاش أي حاجة

.. ولا أي قضية
Sleep

.. ولا عايشين لهدف
:drunken: .. وكل اللي نعرفه في حياتنا .. وكل معلوماتنا .. عن الممثلين والكورة
.. حتى ديننا منعرفش عنه إلا الوضوء والصلاة اللي اتعلمناهم واحنا صغيرين :cyclops:

.. فحين إن العالم كل بيتقدم بسرعة جنونية .. واحنا لسه محلك سر !! :affraid:

.. يا ترى الفكرة وصلت؟؟ولا لسة؟؟ :suspect:

وملحوظه بسيطه بقى نسيت اقولها تبع الاحصائيات دى برضه

هاري بوتر هو اللذي اعاد الشباب المصري لقرائه الكتب وهو الكتاب اللي حقق اعلي مبيعات في مصر
بعدها تيجى سلسله كتب تفسير الاحلام و حظك اليوم و الابراج
(ولو قاريتوا مش هتندموا اصله جامد)

معلش هو موضوع احتمال طبعه هجومي بس واقع ومش هيعجب
كتير ومش هلاقى عليه ردود بس برده نزلته المعرفة بالشئ ولا
الجهل بيه

موضوع مهم جدا يا سوسو

بس انا رأيى اننا بدل مانهاجم الشباب

ندور على الاسباب اللى ورا تراجع مستواهم الثقافى

واللى اولها انهم اتربو على كده

اتربو على المدرس الخصوصى والمعلومة اللى بتجلهم لحد عندهم

بعد كده يحطوها فى الامتحان واراهنك لو عنده استعداد انه يفتكرها

ليه؟

التعليم فى مصر كده

محدش بيشجع حد انه يدور على المعلومة

يبقى الحل اننا نبدأ من التربية على اننا نعود اطفالنا انهم يوصلو للمعلومة بنفسهم

وكمان من ضمن الاسباب اللى ادت لتراجع المستوى الثقافى هى سوء الحالة الاقتصادية

كل واحد بيدور على رغيف العيش ومش فاضى للحاجات الثانوية اللى من ضمنها الثقافة

يااما محبط بسبب انه مش لاقى شغل وده بيخليه يستخدم الانترنت بالطرق اللى ذكرتيها

والله الشاب المصرى مظلوم

ربنا يكون فى عونه

ده اللى بيفرقنا عن باقى الناس ياميمو
ان الشعب المصرى اول حاجة عنده بطنه ثم الترفيه
وهو فعلا مظلوم لان التربية هى الاساس لكنهم
مظلومين الى حد ما
ومرسى كتير على انك اديت رأيك واهتمامك بالموضوع

على فكره موضوع حلو

وعايز اضيف ان الشباب دلوقتى دماغه بقى فاضيه يعنى كل تفكيره فى موبيال عالى وبنت يمشى معاها واللبس الجامد والعربيه الجميله واهم من ده كله انه بياخد المصروف من بابا وعايز كمان بابا يجوزه ولاسف يصرف عليه

حاجه تحزن والله ...بجد انا بزعل كتير على الدماغ دى لانها تكاد ان تكون مفيش دماغ اصلا دى ؟؟؟

احسن شئ فى الدنيا الاحساس بمكسب بعد تعب وعناء وشقاء =مسئوليه =شاب يصلح لاقامه اسره وفتح بيت بجد

ميرسي يا سوسو موضوع جامد اوي بجد

وعندك حق يا كوكو بجد معظم الشباب دلوقت اصبح لا يعتمد عليهم

البنات بقت ارجل واجدع

ومش كل الشباب عشان محدش يزعل

» جمال عبد الناصر الزعيم الخالد للشعب المصرى و الزعيم الخالد للوطن العربى فى الذكرى 42 ناصر حكاية شعب 28 سبتمبر 1970 لن ينسى الشعب المصرى الزعيم الخالد ؟
» رسالة الى سيادة المشير السيسى عفوا لا نريدك رئيس مصر القادم للاسباب الاتية ؟
» حاجات تخلى الشاب يولع فى نفسه
» عفوا ساتخطى الحدود
» لماذا الفتاة اصدق في حبها من الشاب ؟ احكوا...