تانى قاعدة تنفيضية "سوسو"

تذكير بمساهمة فاتح الموضوع :

معلشى بقى يا سوسو

بس ألف مبروك على التنفيض

التنفيض هيستمر لمدة اسبوع

يعنى اخر يوم ليه الخميس الجاى ( تانى ايام العيد )

وكل سنة وانتم طيبين

جاهزة يا سوسو؟

السؤال الاول

سؤال بسيط جدا

بتحبى مصر؟ وليه؟

harry potter كتب:: لو انتي تايها في الصحرا ومعاكي دقيقة واحد في الموبايل بتاعك
والشحن على اخر شرطة
والمفروض انك تكلمي حد ينقذك في مدة لا تزيد عن 20 ثانيه

مين هو الشخص اللي تكلمية ؟؟؟
وهتقوليله اية ؟؟؟
وتحياتي ليكي يا سوسو

اولا مرسى ليك يا هارى
وثانيا الرد لسؤالك هو ان هتصل بماما وهطمنها انى عايشة عشان لو فكرت اقولها انا فين مش هتفهمنى وحتى انا نفسى مش هعرف اقولها انا فين بالظبط

ramy adel كتب:: اية انتى خايفة ولة اية
ولة زعلتى فين ردودك
الحلوة عشان تتنفضى اكتر
ههههههههههههههههههه

عمرى مأرجع فى كلامى يا رامى
مجرد انى كنت مشغوله فى ورق وكدة
وعلى العموم انت اول واحد مش بتسأل
اسئلة زى الناس....ياريت نشوف اسئلتك
واسئلة المنتدى وبطلوا بخل ومتكسفوش

semsem كتب:: سوسو اعتقد انك عرفتينى انا وميمو فى الفتره اللى فاتت

قوليلى 5 عيوب و5 مميزات فيا وفى ميمو

يا مفترى يا سمسم ...خمس عيوب ازاى؟؟؟
وبعد كدة انا مأخدتش بالى من عيوب
وايه الاسئلة الفافى دى
اسأل حاجة زى الناس يا سمسم

اية المواصفات الجامدة دى
ياسوسو دى عند اى حد اصلن
لابد ان تكونى صريحة شوية
تقولى مبيحبش حد غيري كدة
هههههههههههههههههههه

سؤالي ليكي يا سوسو يا جميله

لو ليكي واحدة صاحبتك اوي وبتحب واحد اوي وهتموت من غيره فجأة لقيتي الواحد ده مع بنت تانيه هتعملي ايه هتقوليلها ولا لا؟

وهيبقى ايه موقفك لو لا قدر الله حصلها حاجة؟

بص يا رامى
كتير من الشباب بيفتكروا انهم عندهم المواصفات دى
لكن الفعل هو اللى بيثبت بجد
انا مقولتش ان مفيش شباب بالمواصفات دى
لكن من الصعب انك تلاقى شاب كويس
الايام دى

lolobadawy كتب:: سؤالي ليكي يا سوسو يا جميله

لو ليكي واحدة صاحبتك اوي وبتحب واحد اوي وهتموت من غيره فجأة لقيتي الواحد ده مع بنت تانيه هتعملي ايه هتقوليلها ولا لا؟

وهيبقى ايه موقفك لو لا قدر الله حصلها حاجة؟

اولا مرسى انك اخيرا سألتى سؤال واشتركتى معانا وياريت متبخليش علينا يا لولو

وثانيا ..انا مقدرش اقولها ان اللى هى بتحبه مع واحدة تانية نظرا لانها مش هتصدقنى
لكن هحاول الاقى دليل او اسألها اخبارها معاه ايه وكدة ولو حصلها حاجة بسببه مش
عارفة اعمل ايه بصراحة لكن ممكن اقول لاختها الكبيرة او مامتها عشان هحاول
ارفع معناويتها.

العفو يا سوسو بس الحقيقه انتي ردودك جميله جدا ومقنعه وذكيه

سوسو

بما انك بنت زى كل البنات

تقدرى تقوليلى ايه اكتر حاجة تخلى البنت تحب الولد؟

اول حاجة الاحترااااااااااااام ومش الولد اللى لسانه زفر
ومعاملته معاها ومع الاخرين,الواد الكداب ده فى الرابيش
واللى بميت الف كلمة ده ملهوش اى لازمة
رومانسى...لكن الى حد ما .البنت مش بتحب الواقع عشان
يحسوا بأشتياق للكلام الحلو.ويكون روحه حلوة ومش رخم
ويغير فى لبسه,سعات كاجوال وسعات كلاسيك
ده رأى

ههههههههههههههههههههههههههههههههههههههههههههههههههه
بجد ضحكت على رد سوسو
لسانة زفر على اكنة واكل سمك
هههههههههههههههههههههههههههههههههه

فين الاسئلة يا جماعة؟؟؟؟؟
انتوا نمتوا ولا ايه؟؟

ايه اهدافك فى حياتك يا سوسو

اولا اراعى ضميرى مع ربنا وثم ذلك مع اسرتى
اتمنى ان شاء الله اخلص الكلية واشتغل
وان اكون مستقلة بنفسى
وان اتجوز الشخص اللى بحبه
وتوتة توتة وخلصت الحتوتة Sleep

دنتى اهدافك صغنونه اوى وجميلة

طب سؤال

ايه هى اصعب لحظة مرت عليكى فى حياتك

لما لقيت الانتيم بتاعتى دحكت عليا بحركات كتير
واصعب حاجة انى اكتشفت من برة
وقمت واجهت الموضوع مع انى السنة اللى فاتت كنت
فافى اوى عن دلوقتى ومكنتش بعرف اتكلم وكدة
وزعلتنى بكلمها اوى..مكنتش اتوقع منها كدة

معلش يا سوسو

اسف انى فكرتك

وعشان مش تزعلى

ايه بقى اسعد لحظة مرت عليكى فى حياتك

ههههههههههههههههههههههههههههه
مقدرش ازعل منك يا مان
احلى لحظة فى حياتى ...لما اكتشفت انى حبيت

اسأل براحتك انا مش بزعل خالص Wink

بصي يا جمبل
هاقولك اسامى اعضاء وتقولى كلمه واحده عنهم
من خلال التوبيكس اللى بيعملوه والردود
1-البو الكبير ميمو
2- سمسم الغليان والمسكين
3- سوسو قمر المنتدى
4- هارى
5- لولو
6- رامى باشا وصاحب احلى كلمه شكرا
7- دودو طبعا ما نقدرش ننساها نضرب
بصراحه وبكل صدق
هاتضربي بسببي ان شاء الله

ردى يا سوسو
ايه اكتر موقف جرحك
فى حياتك ومستحيل تنسية

لو الانسان او الصديق ده اللى جرحك اوووى وجه عليك اووووى جالك واعتزرلك وصالحك واعترف بغلطه
ممكن تسامحه ولا؟؟؟؟؟
حتادرى تردى ولة اية

اكتر موقف ضحكك فى حياتك ايه هو؟؟؟؟؟؟؟؟
جاوبى هى دى الاسئلة

semsem كتب:: بصي يا جمبل

هاقولك اسامى اعضاء وتقولى كلمه واحده عنهم

من خلال التوبيكس اللى بيعملوه والردود

1-البو الكبير ميمو

2- سمسم الغليان والمسكين

3- سوسو قمر المنتدى

4- هارى

5- لولو

6- رامى باشا وصاحب احلى كلمه شكرا

7- دودو طبعا ما نقدرش ننساها نضرب

بصراحه وبكل صدق

هاتضربي بسببي ان شاء الله

بص بقى...ميمو ..يستاهل رتبته عشان شغله
وشكله طيب اوى

سمسم...انت طبعاااااا غلبان اوى ومسكين
ومش بترحم ميمو(ده مش موضوعنا)
لكنك لذيذ وروش

هارى ...توبيكاته روعة وتحفة وشكله genius

لولو... توبيكاتها مفيدين جدا وانا بحب كلامها
ومعلوماتها

دودو...ملكة المنتدى,ومفيش حاجة تتقال ان
المنتدى منور طول ما هى موجودة

ومش هنضرب يا سمسم ..دونت ورى

ramy adel كتب:: اكتر موقف ضحكك فى حياتك ايه هو؟؟؟؟؟؟؟؟
جاوبى هى دى الاسئلة

بصراحة فى مواقف مضحكة كتير
وهقولك واحد مضحك اوى
لما كنت فى 2 ثانوى وخليت المدرسة كلها تنزل الحوش
الساعة 12 عشان نروح والموضوع ده فضل ساعة
لغاية ما المديرة خرجت وكانت عايزة تعرف مين
المسؤلة...كلهم قالوا انى كنت انا ويا بختهم عرفوا يخرجوا
قولى هى دى الندالة ولا بلاش؟؟؟؟
وانا فضلت لوحدى فى المدرسة مع فصلين وانا اللى كنت عايزة اخرج
هههههههههههههههههههههههههههههههههه

واتفصلت لمدة اسبوع....

ramy adel كتب:: لو الانسان او الصديق ده اللى جرحك اوووى وجه عليك اووووى جالك واعتزرلك وصالحك واعترف بغلطه
ممكن تسامحه ولا؟؟؟؟؟
حتادرى تردى ولة اية

حسب الغلطة او الجرح تقدر تسامح ام لا
ولو كان الجرح زى الخيانة ,اولا هعرف خانتنى ليه
وبعد كدة مش هكلمها تانى اصل الخيانة مش بسامح
فيها,ولو الكدب كذللك..لو كانت غلطات هبلة
ممكن نتناقش عادى ونتصالح

» تالت قاعدة تنفيضية "MEMO"
» خامس قاعدة تنفيضية "ساسو"
» رابع قاعدة تنفيضية "رنا"
» عاجل - "الكبير" يحصل على حقوقه : ايقاف "التخين" أربعة شهور وغرامة 900 ألف يورو
» بركات يكشف كواليس التحكيم: خلاص "قرفنا".. والحكم رفض طرد لاعبي انبي متحججاً "مش هسيبكوا المرة الجاية" !