عاشر حاوى ولا تعاشر محلاوى

عندما تتعرف على شخص جديد اول سوال يقوله لك انت منين؟

ترد بدون تفكير انا من الصعيد فينظر اليك ويضحك ويقولك لك اه يعنى انت صعيدى ونحن جميعا نفهم معناه كلمة صعيدى فى مصر , فهى تدل على السخرية وذلك لان جميع النكت اللى فيها سخرية بتطلع بتكون على الصعايدة .

.هذا هو الحال عندما تكون صعيدى فلو انت صعيدى بتتكسف تقول انك صعيدى . مع ان الصعايدة دول رجالة جدا ومصرين يعنى مش من سويسرا ولا باكستان



الامر مختلف جدا عندما تكون منوفى وفى اللغة الفكرية عند الناس فى مصر ان كلمة منوفى تعنى بخيل جدا جدا او فى بعض الاحيان بمعناه يهودى رغم ان المنوفية توجد فى مصر وليست فى اسرائيل وانا متاكد ان هذا لم يحدث فى اسرائيل مطلقا, فالناس اللى من المنوفية بيخافوا يقولوا انهم من المنوفية ,
والعكس صحيح بالنسبة للشرقية عندما يعلم الشخص انك من الشرقية فيرد عليك ويقول اه مش انتم اللى عزمته القطر ,
بجد ناس غريبة لا البخل عاجب ولا الكرم عاجب ولا اى حاجة خالص عاجب والامر يختلف جدا فى عندما تقول انك من بورسعيد يعنى من الاخر كدة هجاس وكتير الكلام وعصبى وبخيل والخ الخ


وعلى العموم البورسعديه بجد من اجدع ناس ومش بحس انهم كدة خالص .

ويقولولك عاشر حاوى ولا تعاشر محلاوى للدرجة دى والله المحلوية كويسين خالص خالص..


مش عارفة ايه وجهة النظر يعنى



هل كل ذلك من الخرفات القديمة التى تنقل الينا من الاباء والاجداد ام هناك افكار مدسوسة فالامر لم ينتهى عند هذا الحد بل درجة العنصرية والتعصب وصلت الى الملاعب فقد حدث لى موقف غريب جدا فى هذا الامر فعندما كنت اتكلم انا وصديق لى زملكاوى بعد المباراة بداء يشتم ويهلل ويقسم ان جمهور الاهلى هم يهود الله فى الارض ولو الاهلى بيلعب مع فريق من اسرائيل يشجع اسرائيل وعلى فكرة كان بيتكلم بجد , كل هذه العنصرية والتعصب ليست فى صالح البلد فنحن شعب واحد وبلد واحدة فكل هذه الاشياء تدعو الى التفكك وتضعف من قوة شعب مصر .

بجد شكرااااااااااااااا خاص الى ميمو
وشكر تانى الى كوكو اضرب نار يا ابنى
الى الناس الحلوة دى

توبيك جميل اوي اوي

بس الكلام ده بيتقال حسب الصفات الغالبه في سكان كل بلد من البلاد اللي ذكرتها

يعني في المنوفيه الغالب هو البخل وهكذا

والله اعللى واعلم طبعا

بس في النهايه كلنا مصريين وشعب بلد واحده وبنصاحب بعض وفي حالة حرب بنحارب مع بعض وبنبقى يد واحده

ههههههههههههههههههههه
انا من طنطا جنب المحله وفعلا شوفت ناس كتير محلاويه ووحشين
الله اعلم انت منين يارامى بس بجد مفيش حد عرفته محلاوى كان كويس معايا