يبقى انت اكيد فى مصر

انا بكتب الموضوع علشان كل واحد ياخد باله ويعرف ايه اللى بيحصل فى مصر ام الدنيا ههههههههه ال ام الدنيا ال
المهم نبتدى موضوع يبقى انت اكيد فى مصر

لمّا تلاقى واحد بيحكمك بقاله ربع قرن و هيموت و يكمّل النص قرن عشان
و لمّا تلاقى ابنه بيقوله كفاية عليك كده لحسن أنت خربتها على الأخر و
مش هلاقى حاجة أخربها بعديك

يبقى أنت أكيد فى مصر

و لمّا شوية ناس تقولك إللى نعرفوا أحسن من إللى منعرفوش و أنا مش عارف
إللى منعرفوش ده هيخرب إيه أكتر من كده

يبقى أنت أكيد فى مصر

و لمّ تلاقى أجدع حكومة تشتغل الناس و تضرب ارقام و انجازات فى الهوا

يبقى أنت أكيد فى مصر

و لمّا تلاقى حكومة ماشية بالبركة و معندهاش أى
خطة للإصلاح و سيبنها
زىّ ما تيجى تيجى

يبقى أنت أكيد فى مصر

و لمّا تلاقى بلد فيها الأمن عبارة عن شوية بلطجية و ووزير الداخلية
بتاعها شيخ منصر

يبقى أنت أكيد فى مصر

و لمّا تلاقى التعليم شوية حش فى الدمغة و كله متراقب من دول خارجية
لحسن يكون فيه إرهاب لا سمح الله

يبقى أنت أكيد فى مصر

و لمّا تلاقى وزير الصحة شالوه عشان يا عينى الرجل كان عايز ينشط الدوا
المصرى و يوّقف الدوا الأمريكى

يبقى أنت أكيد فى مصر

و لمّا تلاقى البطالة نسبتها 29% و الحكومة تقول دى 9%

يبقى أنت أكيد فى مصر

و لمّا تلاقى بلد مركزها ال55 من 103 و هى دول العالم الفقيرة فقط على
مستوى العالم

يبقى أنت أكيد فى مصر

و لمّا تلاقى بلد متعرفش تمشى غير بقانون البلطجية ( قانون الطوارىء) و
ياخده عاطل مع باطل

يبقى أنت أكيد فى مصر

و لمّا تلاقى بلد بتمنع العلماء و الشرفاء من أبناء الوطن للسفر للخارج

يبقى أنت أكيد فى مصر

وأمّا تلاقى شعب مش فاضى غير للكورة مع حبّى الشديد لها

يبقى أنت أكيد فى مصر

و لمّا تلاقى بلد ساكنة على 7% من مساحة الأرض بتاعتها

يبقى أنت أكيد فى مصر

و أمّا تلاقى حكومة عندها سوء تخطيط للمدن و الطرق و تلاقى الدنيا قفلة
قفلة سودا فى عز الظهر

يبقى أنت أكيد فى مصر

و لمّا تلاقى واحد مش فاهم حاجة ييجى يتححج إن الناس مبتبطلش خلفة

يبقى أنت أكيد فى مصر

لمّا تلاقى البحث العلمى مبيتصرفش عليه غير 5و2 % من الدخل القومى

يبقى أنت أكيد فى مصر

و لمّا تكتشف إن ال 5و2 % دول بيتصرفوا على كلام فارغ لسيادة الوزير و
معاونيه و مبيصرفش مليم أحمر على التطوير و البحث نفسه

يبقى أنت أكيد فى مصر

و لمّا تلاقى شوية أحزاب مالهاش أى قيمة فى المجتمع أو زىّ ما بيقولوا
فالصو
يا جماعه من الاول لازم تقروا الموضوع كله عشان يتفهم
وعاوزين نشوف الاراء
مش هطول عليكوا

يبقى أنت أكيد فى مصر

و لمّا تلاقى الأحزاب كلها خربانة من جوه و خناقات و قواضى شغالة داخل
الأحزاب

وطبعاا اللى حيقول انى بشوه صورة مصر ارد عليه واقوله هى اساسا مش محتاجه انى اشوهها
وطبعاا ده عن الحكومه اما بقى عن الشعب اقر انه اسوأ شعب على مستوى العالم كل اللى بيدور عليه هو الفلوس اللى مبقاش فى حاجه فى حياته غيرها
نهايه الكلام اقول ......
اللهم ارفع مقتك وغضبك عنا ولا تؤاخذنا بما فعل السفهاء منا

شوفوا بقى الصور دى وقولوا رايكم

البلد بلدنا والحته حتتنا / البوكس واقف صح بس الاشاراه اللى محطوطه غلط

بالدور يا اخوانا كله حياخد بومب الأطفال يعملو طابور والكبار فى طابور

حمار فى المدرسه / التعليم حق مشروع لكافه المواطنين

طابور العيش فى مصر ولسه البلد حتتملئ طوابير

ياريت السيد المفتى يقولنا على فتوى لو أخينا ده بتاع الشوارع عربيه داسته وهو نايم يبقى شهيد ولا منتحر ؟

المساكن الالكترونيه فى عهد الحكومه الاكترونيه

البيه فى الاتحاد الاشتراكى

ايه رايكوا بقى

يا جماعه احنا لازم نتغير ليه نكون كده؟

ليه نخلى مصر كده؟

ليه دايما نحب يتقال علينا كده؟

حاولوا تغيروا نفسكم عشان البلد دى تتصلح لو كل واحد صلح من نفسه مش هيكون فى حد بالشكل دى

ولا هيتقال على مصر كده

اكيد فى مصر

لوبيه وكوسه

توبيك كويس يا يويو بس انا بتفق معاكى فى اننا نقول اللى احنا عايزينه بكل صراحة

بس ياريت بدون تجريح فى حد

انقدى براحتك بس بموضوعية وبدون تجريح

بس انا رأيي اه فى مشاكل وبلاوى فى مصر

لكن انتى مزوداها حبتين

وبعدين انتى جايه على الشعب المصرى الغلبان ده اوى

اذا كانو هما كده فده لانهم اتعودو واتعلمو كده

موضوع زى العسل اوى

اوك وانا معاك يا ميمو
وفعلا الكلام زياده عن اللازم وده اللى خلانى احطه هنا
بس لو لاحظت او قريت الكلام لللاخر هتعرف ايه اللى انا عوزاه

ايه رايكوا بقى

يا جماعه احنا لازم نتغير ليه نكون كده؟

ليه نخلى مصر كده؟

ليه دايما نحب يتقال علينا كده؟

حاولوا تغيروا نفسكم عشان البلد دى تتصلح لو كل واحد صلح من نفسه مش هيكون فى حد بالشكل دى

ولا هيتقال على مصر كده

هو ده اللى انا عاوزه وعاوزه ايجابه عليه
وهستنه ردك عليه يا ميمو

ميرسى يا كوكو على المتابعه

شكرا يا رامى على المتابعه
بس انا عاوزه اشوف رائيك وردك على اسئلتى
هستناك
:)

قلب حبيبى كتب:: اوك وانا معاك يا ميمو
وفعلا الكلام زياده عن اللازم وده اللى خلانى احطه هنا
بس لو لاحظت او قريت الكلام لللاخر هتعرف ايه اللى انا عوزاه

ايه رايكوا بقى

يا جماعه احنا لازم نتغير ليه نكون كده؟

ليه نخلى مصر كده؟

ليه دايما نحب يتقال علينا كده؟

حاولوا تغيروا نفسكم عشان البلد دى تتصلح لو كل واحد صلح من نفسه مش هيكون فى حد بالشكل دى

ولا هيتقال على مصر كده

هو ده اللى انا عاوزه وعاوزه ايجابه عليه
وهستنه ردك عليه يا ميمو

والله عندك حق ان الشعب لازم يبقى ايجابى شوية

بس ده مبيجيش فى لحظة

لازم بعض التربية والتعود على المشاركة فى امور الحياة بايجابية

وانا رأيي اننا هنفضل كده لحد منعود اولادنا ونربيهم من الاول على الايجابية

وشكرا ليكى يا يويو

بصراحه ومن غير لا مجاملات ولا اكاذيب احنا ممكن نكون سلبيين

بس صدقيني شعب مصر مفيش احسن منه

وصدقبني بردو اننا في نعمه عن بلاد تانيه كتير ضاعت واتخربت واتباعت لليهود والامريكان

وان كان في نظرنا ان حكامنا ظالمينا

فياريت نعمل زي ما قال الامم الشافعي حيث قال

"اذا كانت لي دعوه فقط سوف يحققها لي الله فلادعو لحاكم"

واخر حاجة عايزة الفت نظرك ليها

ان مش انا او انت او اي حد يتكلم عن مفتي الديار لان ده عالم دين ان اصاب له اجران وان اخطأ له اجر واحد

لما احنا بقى نقول عليه اي شئ هناخد ايه غير ذنوب لا تحصى

للاسف احنا بنقول شعارات وبس

اتمنى انك متضايقيش من تعليقي لكن مبحبش المجامله ولازم ارد بمنتهى بصراحه

موضوع مهم جدا
واعتقد اننا احسن من غيرنا بكتير
هو اه اكديد شور احنا سلبيين فى
حاجات كتيييييير اوى

لكن لو واحد عاكس واحدة بغباء فى الشارع ...اكيد الكل هيتلم عليه
اما البلاد الغربية لو شافو بنت بتتسرق او بتتضرب مش هيعملوا حاجة
هم هيتفرجوا ويدحكوا وانا بشوف كدة فى الاخبار كل يوم جريمة شكل
مصر عايزة تتحول زى البلاد الغربية...لكن بطريقة وحشة اوى كلها
مبنية على قاعدة بايظة من كذب والحاجات اللى بتحصل وبتكون مستخبية
زى حوارات الارتباط البنت والولد وساعات كتير جدا لما بيفشل ..الولد بيتجه
للمخدرات ولغيرها والبنت بتحاول تكلم غيره عشان تنسى
والفساد فى الوزارة والبطالة وكل ده هو اللى مبوز مصر وده اللى الوزراء
عارفينوا لكن بيتجاهلوا عشان ميضيعوش وقت اكتر من شغلهم
(الواحد عشان يفوق لازم تخبطه حيطة)
والحيطة لسة مخبتتش مصر
وده رأى الشخصى

وانا رأيى بكل اختصار

ان كل واحد لو سالتيه ليه هو كده ومش بيحاول انه يصلح من بلده

حيرد عليكى ويقول .......................انا واحد من بين 70000000 واكتر من المصريين انا مش حعرف اعمل حاجة لانى لوحدى

ميرسى توبيك جميل

ميرسى اوى على ارائكم وردكم على التوبيك
بس بجد انا نفسى ان مصر تكون احسن بلد فى الدنيا كلها فى كل حاجه
احنا فعلا احسن بلد لاكن مش فى كل حاجه
فى بلاد كتير متقدمه عننا كتير
نفسى ان مصر تكون البلد الاولى فى كل حاجه
وشكرا ليكوا تانى على ارائكم
واكيد يا لولو مش زعلانه منك
كفايا ردك ورائيك بصراحه جدا
وده انا بحبه وبحترمه جدااا

» اللي يعرف يحل المسابقة دي يبقى ..........
» لو الدكتور قالك كده ---يبقى قصده كده
» لعشاق العزف على الة العود 3 البومات موسيقى عزف على العود جامده جدا
» الموسوعة الجغرافية (اكيد هنستفيد)....
» حبة حجات غريبة بس اكيد حتعجبكوم اوى