الارتباط قبل الزواج

متهيألى عرفتوا الموضوع من العنوان
بجد الموضوع دة محيرنى اوى
وحبيت اخد رائ البنات والشباب
اية رائيكم فى الارتباط قبل الزواج؟
وياتري الولد مش بيشك بعد كدة لو الموضوع تم فى البنت دي؟
وياتري الشباب تقبل انهم يرتبطوا بحد كان مرتبط قبل كدة؟
ولو اة بتكون نسبة الثقة فيها قد اية؟
وياترى اية مدى نجاح العلاقة دى؟






اما بالنسبة للبنات
لو كنتى مرتبطة بحد ومش حصل نصيب معاه وارتبطى تانى وسألك انتى كنتى مرتبطة ولا لا ردك هيكون اية ياترى هتنكرى ولا هتعترفى؟
ولو انتى بتحبى حد اوى ومتعلقة بية وجالك حد تانى كويس جدا هتوافقى وتتنازلى عن حبك ولا لا؟
ولو اتنازلتى عاشانة واكتشفتى بعد كدة انة مش بيحبك اصلا هتعملى اية؟






ويارب الموضوع يعجبكم
ومستنية ردودكم

بجد موضوع مهم جدا وفعلا اسئله كتير بطرح نفسها

بس راى الشخصى لو كان الارتباط ده فعلا على حب وثقه دائمه ووعد صادق من كلى الطرفين وطبعا قبل اى حاجه التوفيق من الله والايمان بالقدر .........فممكن يكون النهايه الزواج

وشكرا ليكى

بجد موضوع جميل اوى
شكرااااااااااااااااااااااااااااا

بتفق معاكى يا قلب حبيبى
واحده صاحبتى حصلها نفس الموقف اتنازلت عن عرسان كويسه جدا جدا وسابها فى الاخر
انا عن نفسى بقتنع جدا جدا بجواز الصالونات
احسن حاجه لان الراجل الشرقى مهما كان مش بيحب انه يعرف ان مراته كانت مرتبطه قبله ولو عرف وسامحها هو برده مش هينساهلهاودايما هيفكر بطريقه وحشه
وعامه مفيش بنت مش حبت
يعنى مفيش راجال يفتكر انه هيتجوز واحده ابيض ياورد لازم يكون فى حب فترة المراهقه ولو حتى حب من طرف واحد ياريت الشباب يفكروا كويس شويه ويشيلوا التفاهات دى من دماغهم لان فى نسبه كبيرة جدا من البنات اللى ممكن يكونوا حبوا
وفشلوا فى الحب او مش حصل نصيب بتخلص لاجوازهم بعد الجواز
ما يبقاش تفكيركم ضيق

يايارا والله العظيم فعلا لقيت ناس كتير اتجوزوا عن حب ونادمانين اسمعوا كلامى
بس خلى بالك الجواز بتاع الصالونات بيبقى ناجح ساعه ما يكونوا الاتنين متفاهمين ومش مركبين الوشوش الكاذبه ساعه فتنرة الخطوبه انا عن نفسى مش بكرب وشوش خالص لا فى جواز ولا حتى اصحابودى احسن حاجه تنجح الجواز بس وبالتالى كل طرف يحاول يعدل العيوب بتاعت التانى

مش بقول ارسطو
ربنا يخلى ارسطو الصغير ادعوا له بطوله العمر
هههههههههههههههه

الموضوع مهم جدا عشان ده اللى بيحصل لمعظم من الشباب والبنات فى الايام دى
سؤالك لو كنتى مرتبطة بحد ومش حصل نصيب معاه وارتبطى تانى وسألك انتى كنتى مرتبطة ولا لا ردك هيكون اية ياترى هتنكرى ولا هتعترفى؟
بصى بقى الاراْْْء هنا 2..الاول ان تصارحلوا بالحقيقة لان الصراحة مهمة اوى بين اى اتنين مش لازم يكونوا بنت و ولد,لكن ممكن يكون بين اتنين اصحاب او ام وبنتها والرأى التانى انها تنكر عشان لو اتخنئوا ميعدش يعايرها والكلام ده
انا عارفة ان الكلام ممكن يكون غريب بس ده اللى بيحصل ادامى فعلا

والسؤال التانىولو انتى بتحبى حد اوى ومتعلقة بية وجالك حد تانى كويس جدا هتوافقى وتتنازلى عن حبك ولا لا؟
لما يحصل كدة شوفى اللى بتحبيه وقوليله ان اتقدملك عريس وشوفى رد فعله ايه وساعتها بس هتعرفى تقررى عشان متندميش بعد كدة

واخر سؤال ولو اتنازلتى عاشانة واكتشفتى بعد كدة انة مش بيحبك اصلا هتعملى اية؟
ودى بقى الكارثة اللى بتحصل كتير نظرا للحب اللى مودى نص الشعب فى دهية ومن رأى انها تحاول تعيش لبكرة عشان الدنيا واحدة ولازم نحاول نعيشها من غير زعل ونحاول نصلح المشاكل عشان الدنيا عبارة عن طريق طويل مليان عواقب وانتى اللى المفروض تشيلى كل العواقب من الطريق
وتقبلى مرورى