رابع قاعدة تنفيضية "رنا"

MEMO كتب:

ما هى المشكلة التى تمر بك حاليا و ما هو الموقف الذى ستتخذه لحل هذه المشكلة ؟

هو حاليا مفيش مشكله مواجهانى غير انى اركز اكتر فى شغل الكليه اكتر من كده
وان شاء الله بحاول وربنا معايا

MEMO كتب:

الظلم
هو شى موجود فى حياتنا وبين مواقفنا
نشعر به احيانا ويجرحنا احيانا اخرى



س : انتى ظلمت مين . ومين ظلمك . وليه

الظلم طبعا ده افظع احساس فى الدنيا
انا مش فاكره واله انى ظلمت حد يمكن بس انى كلمت حد بطريقه جرحته وقلت ده قبل كده مش عارفه ده كده انا ظلمته ولا لا
واللى ظلمنى كتير صحبتى لما فكرت فيه وحش واتكلمت من ورايا
والانسان اللى حبيته
وطبعا اى انسان يفهمنى غلط

MEMO كتب:

ايه هى الامنية اللى تتمنى تحقيقها دلوقتى؟

ان ربنا يكرمنى السنادى واطلع بتقدير عالى

MEMO كتب:

بعد فشل ارتباطك الاول

ليه مارتبطيش تانى لحد لوقتى؟

اولا مش سهل علطول كده
انا فعلا تعبت اوى ومش مستعده اتعب التعب ده تانى
وبعدين انا قلبى مش مرجيحه ولا اقدر اتحكم فى مشاعرى اوووى كده بسرعه
والحاجه التانيه انى محستش ناحيه حد باى مشاعر كل اللى بيقرب بحس انه زميل اخ انما حبيب لا
فمينفعش اضحك على نفسى او على غيرى

قلب حبيبى كتب:

ههههههههههه

ربنا معاكى يا رنا

انا داخله ادعيلك بس

كفايا هما عليكى

ربنا يخليكى يايويو
حقيقى والله فنانه وقلبك كبير ياقمر

shayne كتب:

يااااااااااااااااااااا يا رنا
اولا الف مبروك على القاعدة
وثانيا ربنا معاكى بكمية الاسئلة الهائلة
هم سألوا اسئلة كتير اوى الاختيار قل فى الاسئلة اللى تتسئل
السؤال ..انتى عمرك كدبتى عشان تخرجى من مشكلة ما؟؟؟

ميرسى ياشينى
وربنا يخليكى ياقمر وربنا على المفترى
ههههههههههههههه
بصى انا مفتركرش موقف الصراحه انا كدبت فيه
بس انا بكره الكدب جدااااااااااااااااا
وحطى تحت جدا 100 خط
وفى حاله الخروج م موقف انا بتكلم بصراحه واللى يحصل يحصل
ولو حاجه هتستدعينى انى اكدب يبقى بفضل متكلمش عنها احسن

شخصيتك من طريقتك للجواب على الاسئلة حلوة اوى
سؤال فى الخفيف...لو خيروكى بين شغلك واقرب صديقة ليكى مع ملاحظة ان الصديقة دى بتشتغل معاكى؟؟هتختارى ايه وليه؟؟؟
انتى فى كلية ايه يا رنا وسكنة فين؟؟
وعلى فكرة اسم shayne ده اسم مغنى

ممكن اشارك ولاول مرة فى المسابقة دى
وادخل بالسؤال لو سمحتم لى
رنا
انتى عندك كام سنة وياريت تجاوبى بصراااااحة تامة ؟

shayne كتب:

شخصيتك من طريقتك للجواب على الاسئلة حلوة اوى
سؤال فى الخفيف...لو خيروكى بين شغلك واقرب صديقة ليكى مع ملاحظة ان الصديقة دى بتشتغل معاكى؟؟هتختارى ايه وليه؟؟؟
انتى فى كلية ايه يا رنا وسكنة فين؟؟
وعلى فكرة اسم shayne ده اسم مغنى

ميرسي ليكى ياقمر على رايك
اولا انا فى كليه فنون تطبيقيه
وساكنه فى القاهره

وبالنسبه للسؤال الاول انا مش فاهمه كويس انتى تقصدى انى انا وصحبتى مرشحين لنفس الشغل مثلا وياما اختار صداقتى ليها او الشغل لو ده قصدك يبقى فى الحاله دى بالنسبه لينا احنا اللتنين بيبقى فى اختبارات قبل الشغل واللى بيجتازها هو اللى بيتعين ده مفهوش كلام ولا زعل وانا واصحابى كل واحده بتتمنا الخير للتانيه قبلها طبعا
انما لو كان قصدك اننا احنا اللتنين بنشتغل فى نفس المكان وياما اجى على صحبتى عشان شغلى او العكس واعتقد ان ده هو قصدك
فى الحاله دى لو كانت صحبتى على حق استحاله اجى عليها واخسرها ابدااااااااااا الشغل ممكن يتعوض بالذات فى مجالاتنا انما صاحبه عمرى مش هتتعوض

mansy كتب:

ممكن اشارك ولاول مرة فى المسابقة دى
وادخل بالسؤال لو سمحتم لى
رنا
انتى عندك كام سنة وياريت تجاوبى بصراااااحة تامة ؟

اهلا بيك يامنسى منور التوبيك
انا عندى بكل صراحه
21.5 سنه

MEMO كتب:

هل انت ممن يبكون على اللبن المسكوب؟

لا مش من اللى بيبكوا على اللبن المسكوب

MEMO كتب:

يا ترى ايه مواصفات فتى احلامك وباستفاضة

انه يكون انسان محترم ويعرف ربنا
وبيحبنى مووووووت وانا كمان بحبه
احس بحنيته واحتوائه
التفاهم طبعا بينى وبينه
حسن التصرف فى الامور وتحمل المسئوليه
يكون طموح وتعليمه عالى
يكون شخصيته قويه ويعتمد عليه
يكون كريم ويحسن معاملتى
تكون غيرته معقوله
يكون مرح ودمه خفيف
احس وهو بيتكلم انى مش عايزه يبطل كلام
يبقى كلامه مقنع بالنسبه ليه
يكون طيب وقلبه كبير
ولو مواصفات شكليه يبقى وسيم وطويل