رابع قاعدة تنفيضية "رنا"

SeMSeM كتب:

رنوش صديقتى المقربه فى المنتدى
واختى بجد عايز اساليك سؤال
هاطلب منك ترقى عضو مكانى مشرف عام تحبى مين
وبرضه مكان ميمو

بص انا معرفش كله اللى موجودين وفى ناس اكيد مشوفتهمش تقصير منى هما ممكن يكونوا يستحقوا
انا شايفه ان انتوا انسب ناس
بس لو مصمم
ممكن اقول كوكو لانه بجد عجبنى دماغه وثقافته اووووووووى ربنا يزيده اكتر يبقى المدير العام
وحببتى يويو شاعره المنتدى بتعجبنى اوى موضوعاتها واشعارها طبعا ممكن ارشحها للمشرف العام
ممكن يكون فى ناس يستحقوا اكتر منهم بس بالنسبه اللى انا اخدت باللى منهم او لفتوا نظرى هما الاتنين على الرغم من ان كوكو مش متواجد ومش بيشارك كتير بس ماشاء الله عليه هايل

MEMO كتب:

ربنا يكون فى عونك يا رنا

مش هسأل غير لما تخلصى الواجب اللى وراكى

لا كتر الف خيرك
طول عمرك ابو الكرم كله
منه له منه له
هو ايه اللى حصل مين عمل ايه
ايه الهجوم التترى من الاساله اللى جالى ده
دانت طول الاسبوع تقريبا اتسالت الكميه اللى انا اتسالتها النهارده

MEMO كتب:

انتى قولتى يا رنا انك مش حابة تتكلمى فى موضوع ارتباطك قبل كده

ممكن نعرف ليه؟

لانه حاجه خاصه بيه اوووووووى
وكان من اكتر الحاجات اللى مريت بيها وتعبت منها

MEMO كتب:

ايه هو هدفك فى الحياه وايه اللى بتخططى له فى السنين اللى جايه؟

هدفى فى الحياه انى ابقى ناجحه فى حياتى
من شغل وحياه عائليه ورضى ربى عليه وحب الناس ليه
وابقى ام وزوجه مثاليه زى ماما
وبخطط فى السنين الجايه انى ادرس حاجات تانيه وبرامج اكتر تساعدنى فى شغلى وابقى مميزه جدا قى عملى اذا كان هيبقى فى الديكور او الجيرافيك او غيره من شغل الكليه

MEMO كتب:

متى شعرتى انك وحيدة وما السبب وكيف خرجتى من هذه الوحدة؟

كتير لما بمر بموقف صعب
اوووووووى بحب ابقى لوحدى فى الاول
زى مواقف الخيانه اللى قلتها قبل كده
وبخرج منها بقرب اصحابى ليه لانى بعد فتره بحكى
بكون خلاص مش قادره اكتم اللى جوايه اكتر من كده
وبحس انى محتاجه اوى لاحنان كل اللى ادامى

ايه يارنوش مش بتردى على اسئلتنا ليه؟؟؟؟؟؟؟؟؟؟

MEMO كتب:

اذكرى 3 اشخاص لهم تاثير على حياتك بالايجاب و3 اشخاص اثروا فى حياتك بالسلب ولماذا؟

من اللى اثروا على حياتى بالايجاب
اصحابى الانتيم من خلال اسرارنا وتجاربنا اللى عشناها مع بعض واستفادنا من بعض
والانسان اللى حبيته
ووالدى فى طبته وحنيته
واللى اثروا عليه بالسلب
بردو الانسان اللى حبيته بس ده انا مش زعلانه منه ومسامحاه
الحد التانى انسان مش كويس ربنا يهديه وهو كان السبب فى سوء ظن صحبتى فيه والحمد لله بان الحق فى الاخر وعرفت من اللى صادق ومين اللى غلط فى حقها

MEMO كتب:

ايه الموقف اللي حصل منك في حياتك ولسه بتأنبى نفسك عليه لغاية النهارده ؟؟؟

هو الموقف اللى حصل منى فعلا ولسه بانب نفسى عليه انى جرحت حد من غير مقصد
على الرغم انى انا من طبعتى مبحبش ابدا اجرح ولا انجرح وباخد بالى جدا فى تعاملاتى من كده
بس تقلى ازاى حصل ده اقلك معرفش ومخدنش بالى الا بعد مخلصت كلامى كان حد غيرى اللى كان بيتكلم وللاسف معرفتش اعتزر لان الاعتزار كان هيبقى ليه معنى تانى
وانا مكنتش عايزه اتفهم غلط

MEMO كتب:

لو رجع بيكى الزمان للوراء تحبى تغيرى ايه فى حياتك .وايه اللى تتركيه كما هو؟

احب احزف اليوم اللى جرحت فى الحد اللى قلتلك عليه فى الاجابه اللى فاتت
او كنت اوصل اللى عايزه اقوله بطريقه افضل
واللى اتركه
اترك قلبى زى مهو

MEMO كتب:

لو انتى بتحبى واحد وبتموتى فيه

وواحدة من اناتيمك ال4 برضه بتموت فيه

ومش عارفة هو بيحبك ولا بيحبها ولا مبيحبش حد اصلا

هتتصرفى ازاى؟

اولا لو كان مبيحبش حد فينا يبقى الامر تقريبا منتهى لانى استحاله هبينله او انا اللى هبتدى بمصرحته بمشاعرى لازم الخطوه دى تبدا منه وبالنسبه لاصحابى فى الحته دى زى يعنى مش هيبداوا هما بردو اما لو كا بيحب حد منهم ومبيحبنيش انا الصرحه مش هكدب عليك هبقى حسه شويه انى مضايقه وكان نفسى يبقى انا الانسانه اللى بيحبها بس مدام اختار وانا بحبه يبقى هتمناله الخير من كل قلبى لان اللى بيحب دايما بيضحى ويبيبقى عايز اللى بيحبه دايما سعيد ادامه بالاضافه الى انه بيحب صحبتى الانتيم يعنى = انا لان انا بلاقى نفسى فيهم بجد بدون مبالغه وهاحاول احول حبى ليه لحب اخوه عشان خاطر صحبتى واذا مقدرتش هبدا انسحب شويه بشويه بس مش عن صحبتى لان دى عمرى بس عن تواجودى معاه او بالقرب منه
عشا ن انساه وافتكر هما لو مكانى هيبقى نفس التصرف
بس تعرف الموقف ده صعب اوى ياساتر يارب محدش يشوفوا ابدا

MEMO كتب:

ايه عيوبك من وجهه نظرك بصراحه ؟

وهل بذلت اى مجهود للتخلص من هذه العيوب؟

الصراحه كتير
عصبيتى
ومبعرفش اروح لحد واعتزر بسهوله
ومبعرفش افرض سوء النيه للادامى ابدا
دايما بفرض حسن النيه وانا شايفه ان ده عيب فيه بردو
ممكن كمان الرومانسه لانها لما تبقى زياده اوى بتتعب صاحبها
هل بذلت اى مجهود للتخلص من هذه العيوب؟
اه طبعا بذلت مجهود ودايما بحاول
بس فى حاجات الحمد لله زى العصبيه قلت كتييييييير عن الاول
وحته الاعتزار بردو اتغلبت عليها شويه
بس الحاجتين التانين لا الصراحه معرفتش اتغير لحد دلوقتى فيهم

do_2008_do كتب:

ايه يارنوش مش بتردى على اسئلتنا ليه؟؟؟؟؟؟؟؟؟؟

انا جيت اهو يادودو ورديت