تالت قاعدة تنفيضية "MEMO"

تذكير بمساهمة فاتح الموضوع :

مش عارف اقول ايه

بس كل اللى عايز اقوله براحة عليا شويه فى الاسئلة

التنفيض هيفضل لمدة اسبوع

اخره السبت 25/10

يلا انطلقو!!!!!!!!!!!!!!!

رنا كتب:: ولو اتعزمت على فرح حببتك على حد غيرك
هتروح ؟؟؟؟

اكيد لا لانه لو كان ده غصب عنها فمش هقدر اشوفها فى الحالة دى لانى هنهار

ولو كانت عملت كده بمزاجها فهكون مش عايز اشوفها اصلا

رنا كتب:: ايه الشئ اللى ممكن يخوفك؟؟؟؟

لا انا بخاف من حاجات كتير

بس هقولك كلمة تشمل كل الحاجات دى

بخاف من بكره اوى

حطى تحتيها بقى كل اللى نفسك فيه

رنا كتب:: لو وانت مع حببتك واتشديت غصب عنك لواحده تانيه
وبقيت محتار بين اللتنين هتتصرف ازاى وانا بقول لو يعنى متجاوبش بانه مش هيحصل ؟؟؟؟
وهل هتصارحها بانك اتشديت لغيرها ولا لاء ؟؟؟
ولو انت عملت حاجه مش صح فى حقها بتعترفلها بيها ولا لاء؟؟؟

بصى يا رنا

كون انى اتشد واحدة تانية فده ياما بسبب تقصير شديد منها

ياما انا مكونش حبتها اصلا

انا مش هستنى لحد ما احب حد تانى

انا هنبهها وهخليها تاخد بالها وهقولها انى ممكن اضيع منها

ولو فضلت على نفس الحال يبقى انا مش غلطان فى حاجة لو حبيت واحدة تانية

وبالنسبة للشق التانى من السؤال فأنا لو غلط فى حاجة بعترف ومبكابرش

رنا كتب:: لو البنت اللى انت حبتها فى الاول
اكتشفت انها مريضه وهو ده السبب اللى خلاها تختلق سباب لعدم التوافق بينك
عشان تبعدوا عن بعض واكتشقت ده وانت مع حببتك دلوقتى هتتصرف ازاى لو هى لسه مريضه ؟؟؟؟
وازاى لو هى ربنا شفاها ؟؟؟؟؟

سؤال فيه كمية خيال رهيبه وبعيد جدا عن الواقع

يا بنتى زمانها اتجوزت وهى ولا مريضه ولا حاجة

بجد مش هعرف افترض لو دى لانه فعلا احنا ماسبناش بعض عشان السبب ده

رنا كتب:: لو عرفت ان حببتك بعد الشر عنها وربنا يحمهالك
مريضه ومحتاجه ضرورى عشان تعيش نقل كليه
هل هتتردد انك تديها كليتك لو طلع فصيلة دمك زيها والكليه بتاعتك مناسبه ليها؟؟؟؟

يا رنا انا اديها عمرى كله مش كليتى بس

ونا والله مابهزر

رنا كتب:: ايه الشئ اللى ممك يكسرك؟؟؟؟

انى اقرب اوصل لحلم عمرى وابقى على بعد خطوة منه

وفجاة يضيع منى

ربنا ما يوريكى

وميرسى اوى يا رنا على ايجابيتك

SeMSeM كتب:: ميمو بيه
ممكن عشان نريح الاعضاء
عشان محدش يزعل منك فى السؤال بتاع حبيبتك
اول حرف من اسمها ايه؟
بس
ويبقى بكده انا خلصت اسئلتى
فى اخر يوم فى التنفيض

سمسم باشا

منور والله ياحج

ليك شوقه

حاضر يا عم انا هريحك بالرغم من انك عارف

اول اسم هو ي

بس النهارده يا سمسم مش اخر يوم لسه قدامكو بكره

نفضوا براحتكو

اولا ياميمو ردودك المرادى كانت مش مقنعه ليه
وفيها رد دبلوماسى للخروج من السؤال
وكمان ردودك للجنه الهيئه فاشل فى التفكير لحلول فيها فاااااااااشل

اخر مره قلت لحببتك بحبك امتى؟؟؟؟؟

ايه اكتر الاغانى اللى بتحبها الحزينه الرومانسيه ولا الشعبيه ولا الضجيجولا ايه ؟؟
ومين افضل المطربين والمطربات ليك؟؟؟؟

لو فى رمضان ظهرلك حاجه فى ليله القدر نور مثلا
ايه الامنيه اللى هتتمناها وقتها انها تتحققلك او هتدعى لمين وبايه؟؟؟

ايه اكتر سؤال محرج اتعرضتله فى حياتك؟؟؟
ومن مين ؟؟؟

ايه اللى استفادته من دراستك للفلسفه؟؟؟؟

حببتك بتدرس ايه وفى سنه كام ؟؟؟
ولما انت حسيت انك بتحبها صارحتها ازاى بحبك ؟؟؟
وكان رد فعلها ايه وقتها ؟؟؟

لو انت متشيك على الاخر وخارج مع خاطبتك وعزمتها فى مكان هايل مانت
محفظتك عمرانه زى ماحنا عارفين واتنشلت ياحلو وانت مش واخد بالك
وجه وقت الحساب ملقتش المحفظه هتعمل ايه
مع العلم ان الفلوس اللى مع خاطبتك متكفيش والموبيل كمان بتاعك اتنشل وهى ممعهاش موبايل )
هتعمل ايه ياجميل ههههههههههههههههههههههههههههههههههههه)

اولا ازيك يا ميمو قلبي معاك ف الاسئله دي كلها
وخصوصا بتاعت رنا اسئله قويه جدا
شكلها بنوته شقيه
بس انا عاوزه اسئلك
ارطبط كام كره ف حياتك وامتي اول مره وامتي اخر مره
ومين اللي علقت معاك اوي واثرت فيك جامد
مشكور جدا ع التوبيك

رنا كتب:: اولا ياميمو ردودك المرادى كانت مش مقنعه ليه
وفيها رد دبلوماسى للخروج من السؤال
وكمان ردودك للجنه الهيئه فاشل فى التفكير لحلول فيها فاااااااااشل

مهو الدبلوماسية نص النجاح برضه يا رنا

ولو عايزه تعيدى سؤال تانى ردى فيه مش اقنعك اوكى

وبعدين انا اصلا مش عايز ادخل شرطة

فاشل فاشل مش مهم

رنا كتب:: اخر مره قلت لحببتك بحبك امتى؟؟؟؟؟

من تلات اربع ايام

رنا كتب:: ايه اكتر الاغانى اللى بتحبها الحزينه الرومانسيه ولا الشعبيه ولا الضجيجولا ايه ؟؟
ومين افضل المطربين والمطربات ليك؟؟؟؟

انا بحب الاغانى الحزينة اكتر

محمد فؤاد واليسا

رنا كتب:: لو فى رمضان ظهرلك حاجه فى ليله القدر نور مثلا
ايه الامنيه اللى هتتمناها وقتها انها تتحققلك او هتدعى لمين وبايه؟؟؟

اولا انى ادخل الجنة

ثانيا ان ربنا يحققلى كل اللى اتمناه واللى يكون خير ليا

رنا كتب:: ايه اكتر سؤال محرج اتعرضتله فى حياتك؟؟؟
ومن مين ؟؟؟

والله ما فاكر

ممكن يكون متعرضتش للموقف ده قبل كده

رنا كتب:: ايه اللى استفادته من دراستك للفلسفه؟؟؟؟

اولا تنظيم الفكر وجعله مجدى

ثانيا فى دراسة الفلسفة الواحد بيفكر فى مشكلات صعبة وبيدرس حلولها بالنسبة للفلاسفة

اكيد بنتعلم طرق التفكير الصحيح

ولو هنتكلم على حاجة مادية فالشهادة فقط

انما الحاجات المعنوية هى اللى انا قولتها

رنا كتب:: حببتك بتدرس ايه وفى سنه كام ؟؟؟
ولما انت حسيت انك بتحبها صارحتها ازاى بحبك ؟؟؟
وكان رد فعلها ايه وقتها ؟؟؟

حاسب الى

فى سنة تانية

صارحتها زى اى حد بيصارح التانى يعنى

قولتهالها على طول

كان رد فعلها انها وافقت على الارتباط

رنا كتب:: لو انت متشيك على الاخر وخارج مع خاطبتك وعزمتها فى مكان هايل مانت
محفظتك عمرانه زى ماحنا عارفين واتنشلت ياحلو وانت مش واخد بالك
وجه وقت الحساب ملقتش المحفظه هتعمل ايه
مع العلم ان الفلوس اللى مع خاطبتك متكفيش والموبيل كمان بتاعك اتنشل وهى ممعهاش موبايل )
هتعمل ايه ياجميل ههههههههههههههههههههههههههههههههههههه)

يعنى انتى كده بتقوليلى انك هتغسل الصحون يعنى هتغسلها

بصى يا ستى

هخلى خطيبتى مستنية فى المكان ده

وهاخد منها فلوس وهخرج اعمل تليفون اخلى اى حد يجيلى على المكان ده ومعاه فلوس

وبكده تتحل المشكلة

بس خلاص

saso كتب:: اولا ازيك يا ميمو قلبي معاك ف الاسئله دي كلها
وخصوصا بتاعت رنا اسئله قويه جدا
شكلها بنوته شقيه
بس انا عاوزه اسئلك
ارطبط كام كره ف حياتك وامتي اول مره وامتي اخر مره
ومين اللي علقت معاك اوي واثرت فيك جامد
مشكور جدا ع التوبيك

اه والله عندك حق يا ساسو انا اطحنت اسئلة

ورنا بسم الله ما شاء الله متوصيه اخر حاجة

وبالنسبة لسؤالك فأنا ارتبطت مرتين اول مرة كانت فى الجامعة والتانية قبل ما اتخرج بشويه

بصى انا منكرش انى حبيت الاولى بس ربنا موفقش

لكن التانية زى العسل وهى اللى معلمة معايا اكتر

وميرسى اوى على مشاركتك يا ساسو

» تانى قاعدة تنفيضية "سوسو"
» خامس قاعدة تنفيضية "ساسو"
» رابع قاعدة تنفيضية "رنا"
» كرسى التنفيض ؟؟؟الحق نفسك يمكن ننفضك ""
» بركات يكشف كواليس التحكيم: خلاص "قرفنا".. والحكم رفض طرد لاعبي انبي متحججاً "مش هسيبكوا المرة الجاية" !