تالت قاعدة تنفيضية "MEMO"

تذكير بمساهمة فاتح الموضوع :

مش عارف اقول ايه

بس كل اللى عايز اقوله براحة عليا شويه فى الاسئلة

التنفيض هيفضل لمدة اسبوع

اخره السبت 25/10

يلا انطلقو!!!!!!!!!!!!!!!

رنا كتب:: ميمو بما ان كل حاجه فى البلد بقت كوسه وماشيه بالواسطه
ممكن تعتمد ععلى الواسطه لو متاحه بالنسبالك عشان توصل للمانصب او الوظيفه اللى انت عايزها؟؟؟

للاسف مفيش قدامى غير كده

يا اما مستقبلى هيضيع

انا فعلا مفيش قدامى الا الواسطة عشان الاقى الوظيفة اللى تناسبنى

مع ان ده غلط بس لابد منه

وربنا يسامحنا بقى

رنا كتب:: ايه اجمل هديه جاتلك فى حياتك ؟ ومن مين ؟
وكانت عباره عن ايه؟

اجمل هدية كانت دبله من حبيبتى

رنا كتب:: لو اصابك الاكتئاب بعد الشر عنك طبعا هتتردد فى ان تذهب لدكتور نفسانى؟؟؟؟؟

ممكن اعملها

بس انا بتاع فلسفة وبفهم شوية فى علم النفس

فهعالج نفسى يعنى

رنا كتب:: مين اكتر حد ظلمك ؟؟
ومين اكتر حد ظلمته وندمان؟؟؟؟
تقول لمين سامحنى ؟؟؟؟
تقول لمين جارحنى ؟؟؟؟

اكتر حد ظلمنى اللى بيفهمونى غلط من غير ما يستفسروا عن الصح

اكتر حد ظلمته هو نفسى

اقول سامحنى لكل الناس اللى يعرفونى حتى لو مكنتش غلط فى حقهم

الحمد لله محدش جارحنى حاليا

وميرسى اوى اوى على اسألتك يا رنا اللى هى لحد دلوقتى جاوبتها ومعرفتيش تحرجينى

شكلك هتخسرى التحدى

والله نفسى كل الاعضاء يشتغلو زى رنا فى الاسئلة

يلا فاضل 3 ايام والقاعدة تخلص

الحقو لانى مش ناوى اتنفض تانى

اخر مرة بكيت فيها كانت امتى ؟

امتى حسيت انك عايز تسيب البيت ؟

كفاية يابنى بص ع البنات طول مانت ماشى " مين اللى قالك الجملة دى وفين وامتى و اتقالتلك كام مرة

كنت حابب الكليه ولا دخلتها غصب بسبب المجموع؟

اكتر مكان بتحب تروحه؟

مصطفى بيضايق من ايه؟

بتشكى لحد همومك؟

نفسك فى ايه دلوقتى؟
ما هي أجمل مرحلة في حياتك ؟
ما هو البلد الذي تحب أن تعيش فيه؟
من هو كاتم أسرارك ؟

كفاية عليك كدة

thequeen كتب:: اخر مرة بكيت فيها كانت امتى ؟

من تلات ايام تقريبا

thequeen كتب:: امتى حسيت انك عايز تسيب البيت ؟

مهو ده اللى بيحصل لما ببقى مخنوق

بس برجع تانى

مبسيبهوش رسمى يعنى

thequeen كتب:: كفاية يابنى بص ع البنات طول مانت ماشى " مين اللى قالك الجملة دى وفين وامتى و اتقالتلك كام مرة

هههههههههه

لا دى بتحصل كتير اوى

من اصحابى واصحابى فى الجامعة

بس انا عى فكرة مش ببص على البنات بنية مش كويسة

لا انا بطبيعتى بحب اهزر فبتريق على اى حد بيستهبل

thequeen كتب:: كنت حابب الكليه ولا دخلتها غصب بسبب المجموع؟

انا كان نفسى فى هندسة

بس ربنا موفقش

فدخلت تانى حاجة كنت بحبها فى ثانوى

لانى بحب الفلسفة جدا

thequeen كتب:: اكتر مكان بتحب تروحه؟

النيل طبعا

thequeen كتب:: مصطفى بيضايق من ايه؟

من حاجات كتير

منها ان حد يفهمنى غلط

والحال المايل عموما

وحال الشباب اليومين دول

وحاجات كتير اوى عايزة قاعدة لوحدها

thequeen كتب:: بتشكى لحد همومك؟

اكيد لصحابى وللغاليين عندى

thequeen كتب:: نفسك فى ايه دلوقتى؟

نفسى الاقى شغل كويس

thequeen كتب:: ما هي أجمل مرحلة في حياتك ؟

هما 2

مرحلة الجامعة ومرحلة ثانوى عشان كنا مقضينها صح انا واصحابى

thequeen كتب:: ما هو البلد الذي تحب أن تعيش فيه؟

اكيد بلدى وسط اهلى وناسى

thequeen كتب:: من هو كاتم أسرارك ؟

اكيد اقرب الناس ليا

وبجد ميرسى اوى اوى يا كوين على مشاركتك فى القاعدة اكتر من مرة

وبجد شغلك اليومين دول تحفة

نورتينا ونورتى القاعدة كلها

ولا يزال التحدى مستمرا بين ميمو ورنا

وفى انتظار اسئلة رنا المحرجة

وشكلك هتخسرى يا رنا

•°• مــن •°•

- من تقول له اعزك من الأعضاء...؟

- من علمته الرماية فرماك ... ؟

- من يعجبك من أعضاء المنتدى ..من ناحيه الاسلوب والرد والاحترام ومن ناحيه اخلاقه العاليه ؟

- من هو صديقك الصدوق في المنتدى ... ؟

- من ماذا تغضب ... ؟

•°• مـتـى •°•

- متى تبكي بحرقه ... ؟

- متى تجلس لوحدك ... ؟

- متى تقول لا ... ؟

- متى تكون أناني ... ؟

•°• مارأيك•°•

- يقال أن الحب يمحو جميع العيوب والأخطاء في المحبوب (( ما تعليقك )) ... ؟

- ما أجمل مافي الحياة في نظرك... ؟

•°• هل •°•

- هل أنت عاطفي ... ؟

- هل أنت فوضوي ... ؟

- هل كنت صادقاً في كل ما قلته ...

رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!

كتاب حياتك بم تصفه في كلمات معدوده ؟؟

شخص تفتقده ,, من هو ؟؟

قرار اتخذته وتسرعت به ومن ثم ندمت عليه؟؟

لااسمع لا ارى لا اتكلم ,, متى تطبق هذه المقوله بحياتك؟؟

لو الزمان عاد يوما ما الشي الذي ستفعله مره اخرى وما الشيء الذي لن تفعله مره اخرى؟؟

thequeen كتب:: •°• مــن •°•

- من تقول له اعزك من الأعضاء...؟

- من علمته الرماية فرماك ... ؟

- من يعجبك من أعضاء المنتدى ..من ناحيه الاسلوب والرد والاحترام ومن ناحيه اخلاقه العاليه ؟

- من هو صديقك الصدوق في المنتدى ... ؟

- من ماذا تغضب ... ؟

- اقول اعزك لكل الاعضاء اللى بيشاركو وبيعملو على بناء المنتدى

- هو فى ناس علمتهم الرماية بالفعل بس لسه مرمونيش

- ناس كتير بصراحة وخايف انسى حد وهقول على سبيل المثال لا الحصر

( عندنا لولو وشوشو وسوسو والمشرفين اكيد وانتى يا كوين وهارى وكوكو وموها )

- سمسم

- من اى حاجة تبوظ شكل المنتدى زى وضع توبيك فى منتدى غير ملائم والشكوى من حاجة ملهاش لازمة ومخالفة القوانين

thequeen كتب:: •°• مـتـى •°•

- متى تبكي بحرقه ... ؟

- متى تجلس لوحدك ... ؟

- متى تقول لا ... ؟

- متى تكون أناني ... ؟

- لما بتصعب عليا نفسى

- لما بكون متدايق من اللى بشكيله اللى بتدايق منه

- فى حاجات كتير اوى اولها التصرفات الغلط وسوء التصرف

- لما تكون مصلحة الكل تستوجب انانيتى

thequeen كتب:: •°• مارأيك•°•

- يقال أن الحب يمحو جميع العيوب والأخطاء في المحبوب (( ما تعليقك )) ... ؟

- ما أجمل مافي الحياة في نظرك... ؟

- لا انا مش مع الكلام ده الحب بيؤدى للتغافل عنها اه لكن مع مرور الوقت وظهور عدة مشاكل بسبب العيوب دى هتحصل كوارث

- الوصول لحلم العمر بعد عذاب

thequeen كتب:: •°• هل •°•

- هل أنت عاطفي ... ؟

- هل أنت فوضوي ... ؟

- هل كنت صادقاً في كل ما قلته ...

رتب هذه الكلمات على حسب اهميتها عندك المال - الحب - الصديق - المستقبل المهني - العائلة !!!!

كتاب حياتك بم تصفه في كلمات معدوده ؟؟

شخص تفتقده ,, من هو ؟؟

قرار اتخذته وتسرعت به ومن ثم ندمت عليه؟؟

لااسمع لا ارى لا اتكلم ,, متى تطبق هذه المقوله بحياتك؟؟

لو الزمان عاد يوما ما الشي الذي ستفعله مره اخرى وما الشيء الذي لن تفعله مره اخرى؟؟

- لا انا بنسبة 75% عقلانى والباقى عاطفى

- لا ابدا انا محبش الفوضى خالص وبنتقد كل حاجة ممكن تؤدى للفوضى فى اساسها

- ربنا يشهد على انى بجاوب بكل صراحة

- بصى هما فى 3 حاجات فى الاول بس متساويين هما العائلة والصداقة والحب بعد كده ييجى المستقبل المهنى الى بيجيب المال على طول

- حياة شاب مصرى نفسه يبقى حاجة

- كل اصدقائى بتوع الجامعة لانى مبقتش بشوفهم الا قليل اوى

- بجد مش فاكر حاجة دلوقتى لانى عموما مبحبش اندم

بحب انى لما اتخذ قرار اتحمل مسئوليتة لابعد نطاق

- فى الامور التى لا يصح تدخلى فيها

- السؤال ده جميل جدا جدا

لو الزمان رجع بيا كنت هحاول اقضيها صح فى الجامعة لانى بجد معيشتش حياتى زى الشباب

وكمان كنت هذاكر كويس لانى تقدريى مقبول وفاضلى 0.4 على الجيد وده بصراحة ناقطنى

اما الحاجة اللى مش هعملها هى تهاونى مع ناس كتير ميستهلوش مسامحتى ليهم

بالرغم انى زعلان منك
وواحشنى اوى
وبقالى كتير ماشوفتكش
الا هاقولك سؤال
محرج
تحب مين اكتر والدتدك حبيبه فلبى ولا حبيبتك وانت عارف قد ايه هيا اختى بجد
او بمعنى اصح لو مسافر ومعكش الا تذكره واحده تحب تديها لمين فيهم
عمره مثلا
مش تذكره سينما اكيد

SeMSeM كتب:: بالرغم انى زعلان منك
وواحشنى اوى
وبقالى كتير ماشوفتكش
الا هاقولك سؤال
محرج
تحب مين اكتر والدتدك حبيبه فلبى ولا حبيبتك وانت عارف قد ايه هيا اختى بجد
او بمعنى اصح لو مسافر ومعكش الا تذكره واحده تحب تديها لمين فيهم
عمره مثلا
مش تذكره سينما اكيد

ربنا مايجيب زعل يا سمسم

وانت كمان واحشنى والله وان شاء الله نتقابل عن قريب لانى عايز اتكلم معاك

وبالنسبة للرد على سؤالك فأحب اقولك ان حبيبتى غالية اوى عندى بس مش اغلى من والدتى

ده الام يا جدعان

واللى ملوش خير فى اهله

» تانى قاعدة تنفيضية "سوسو"
» خامس قاعدة تنفيضية "ساسو"
» رابع قاعدة تنفيضية "رنا"
» كرسى التنفيض ؟؟؟الحق نفسك يمكن ننفضك ""
» بركات يكشف كواليس التحكيم: خلاص "قرفنا".. والحكم رفض طرد لاعبي انبي متحججاً "مش هسيبكوا المرة الجاية" !